AR­TORSANGAARAVIT inoorusuk­kun­naar­nikuuit? Taamaap­pat Adriana qanoq misiginersoq paasisin­naas­savat. Ilungersunar­tumik an­nilaangasar­tuuvoq, aam­ma aliasut­tarlunilu neriuuteqan­ngitsutut misigisar­poq. Nakorsaq oqar­poq isumatsarujus­suaq­qasoq.

Angut Japanimiu Kaorumik atilik, utoq­qar­nik nap­parsimasunik angajoq­qaalik, ima nas­suiaavoq: “Nap­parsimanerisa nalaani sulif­fin­ni ilungersunar­torsiungaarama sapilersutut misigisar­punga. Pif­fis­sap ingerlanerani nererusus­suseerup­punga sin­narlut­torujus­suul­lungalu. Eq­qarsaler­punga toquin­naruma naner­tuutaarutis­sal­lunga.”

Angut Nigeriamiu Ojebodemik atilik ima oqar­poq: “Aliasut­tuaan­narlunga qiasun­ngujuaan­narama inuunera qanoq kipitis­sin­naanerlugu eq­qarsaatigaara.” Qujanar­tumil­li Ojebode, Kaoru Adrianalu im­minun­ngil­lat. Ukiul­li tamaasa inuit 800.000-t pal­lil­lugit im­minor­tar­put.

Im­minor­tut amerlanerit angutaap­put, taak­kualu ilar­pas­sui ikior­tis­sarsior­nis­sar­tik kan­ngusuutigisimavaat. Jiisusi oqar­poq nap­parsimasut nakorsamik pisariaqar­titsisut. (Lukasi 5:31) Taamaat­tumik isumatsaq­qaguit inuuner­pil­lu kipitin­nis­saa eq­qarsaatigiguk­ku ikior­tis­sarsior­nis­sat kan­ngusuutigeqinagu. Isumatsaq­qasor­pas­suit katsorsar­neqar­nik­kut ajun­ngin­nerulersimap­put. Ojebode, Kaoru Adrianalu tamarmik nakorsamit ikior­neqar­put maan­nalu ajun­ngin­nerujus­suul­lutik.

Nakorsat isumatsaq­qasunik katsorsaanermin­ni nakorsaatit imaluun­niit oqaloqatigiin­neq marluutil­lugil­luun­niit ator­tar­paat. Naal­liut­tut ilaqut­tatik ikin­ngutitil­lu nikal­lujuil­lutik misigin­neqataasut isumas­suisul­lu pisariaqar­tip­paat. Ikin­ngutaal­luar­ner­paaq tas­saavoq Jehova Guuti oqaatsini Biibili aq­qutigalugu pitsaaner­paamik ikiuisar­toq.

Isumatsaq­qasut sivisuumik katsorsar­neqar­tariaqar­tar­put inooriaatsimin­nil­lu al­lan­nguinik­kut qanoq naam­magit­tarsin­naanerlutik ilin­niar­tariaqarlugu. Isumatsaq­qaguil­li Ojebodetut siunis­saq nuan­nersoq qilanaarisin­naavat. Taan­na ima oqar­poq: “Esaja 33:24-p eq­quun­nis­saa qilanaaraara, tas­sani siulit­tuutigineqarmat ‘in­nut­taasoq kinaluun­niit oqas­san­ngitsoq “nap­parsimavunga!”’” Ojebodetut Guutip ‘nunamik nutaamik’ an­niarfiujun­naarsimasumik neriorsuutaa tup­pal­lersaatigiuk. (Saq­qum­mersitat 21:1, 4) Neriorsuum­mi tamatumani aam­ma pineqar­put eq­qarsar­taatsik­kut misigis­sutsik­kul­lu an­niaatit. Misigis­sutsit an­ner­nar­tut naas­saan­ngitsumik peerutis­sap­put. Misigis­sutsik­kut an­niaq­qin­ngisaan­nas­saatit, tamak­kumi “eq­qaamaneerutis­sap­put eq­qaaq­qin­neqar­natil­lu”. – Esaja 65:17.