JIISUSIP pinerlut­tut marluk akor­nganni qisum­mik naal­liutsitsiviliamut nivin­ngar­neqar­nera pil­lugu oqalut­tuaq amerlasuut nalun­ngilaat. (Mat 27:35-38) Isumaqar­toqar­porli Jiisusip timaa, ilineqar­nis­samut piareersar­neqar­nera ilineqar­neralu pil­lugit Biibilimi allas­simasut eqqoq­qis­saan­ngitsut. – Mak 15:42-46.

Iivangkiiliunik isor­nar­torsiuisar­tut ilaasa toqumik pil­lar­neqar­tup pisar­ner­tut, soorlu ilivermut, ilineqar­nis­saa akuerineqar­tar­nersoq apeq­quser­tar­paat. Ilimanar­tin­neruaat pinerlut­tut allatut pineqar­tar­tut. Taama isumaqar­toqar­neranut tunuliaqutaasoq tusagas­sior­tup Ariel Sabarip atuagas­siami Smithsonian-imi ima nas­suiar­paa: “Inuiaqatigiinni ajor­ner­paat kisimik san­ningasulim­mut kikiat­tor­neqar­tar­put, ilisimatuullu ilaat asis­suer­palul­lutik oqar­tar­put inuit taamaat­tut pisar­ner­tut ataq­qineqarlutik ilineqar­nis­saat Romamiut akuerinavian­ngik­kaat.” Pinerlut­tut toqumik pil­lar­neqar­tut Romamiut sapin­ngisamik nikanar­ner­paamik perusut­taramik­kit timaat toqungasut uumasunit nujuar­tanit nerineqar­nias­sam­mata qisum­mik naal­liutsitsiviliami nivin­ngatiin­nar­tar­paat. Sin­nerut­tullu iliveqarfis­suarmut igin­neqaan­nar­tar­put.

Itsar­nisarsiuulli paasisimavaat juutit toqumik pil­lar­neqar­tut ilaasa saanikui allatut pineqarsimasut. Angutip ukiuni 100-ni siul­lerni toqumik pil­lar­neqar­tup saanikuisa ilaat 1968-imi Jerusalem­mip eqqaani ilaqutariit juutit iliveqarfianni nas­saarineqar­put. Saanikui, ilaatigut kim­mia, illerfiusamiitin­neqar­put. Saviminermik 11,5 centimeterisut takitigisumik qisum­mut kikian­neqarsimavoq. Sabar allap­poq: “Yehochananip kim­mia iivangkiiliuni Jiisusip ilivermut ilineqar­nerata ilumoorsin­naaneranut upper­narsaataavoq.” Aap, “Yehochananip kim­mia Jiisusip nalaani san­ningasulim­mut kikiat­tor­neqar­tup juutit pisar­nerat­tut ilineqar­nis­saanik Romamiut akuersisarsimaneran­nut takus­sutis­saavoq”.

Kim­mik tamanna pis­sutigalugu Jiisusip qisum­mik naal­liutsitsiviliamut qanoq kikiat­tor­neqar­nera pil­lugu assigiin­ngitsunik isumaqar­toqar­poq. Ersarip­porli pinerlut­tut toqumik pil­lar­neqar­tut ilaat iliveqarfis­suarmut igin­neqaan­nar­natik immik­kut ilineqar­tar­tut. Jiisusip timaata pisar­ner­tut ilineqar­nera pil­lugu Biibilimi allas­simasut tutsuiginar­nerat ersarip­poq. Biibilimi allas­simasut upper­narsaatinit taperser­neqar­put.

Pingaar­ner­tullu, angutip pisuup ilivis­saani Jiisusip ilineqar­nis­saa Jehovap siulit­tuutigereersimavaa, Guutillu oqaasiata eqquutin­nis­saa kialuun­niit akor­nusersin­naan­ngilaa. – Es 53:9; 55:11.