Jehovap Israelik­kut il­ler­nar­tooq­qul­lugit oqaaq­qis­saar­pai. Taamaaliorsin­naanias­sam­matalu ima oqarfigai: “Nunaq­qatisi sal­luliuutigis­san­ngilasi. Tul­lit qinugis­san­ngilat. Uanga tas­saavunga Naalagaq!” – 3 Mos 19:2, 16.

Oqaaseq hebræerisooq “qinugis­san­ngilat”-mik nutser­neqarsimasoq aam­ma ima isumaqarsin­naavoq: “Tul­livit inuunera navianartor­siortis­san­ngilat.” Mosesimik al­lak­kat pingajui pil­lugit juutit qinerlerfis­siaan­ni ima al­las­simavoq: “Oqaaseqatigiit taak­ku paasiuminaap­put oqariar­taatsip ator­neqar­tup isumavia ilisimaneqan­ngim­mat. Nutsiin­navil­lugu ima nutser­neqarsin­naap­put: ‘Eq­qaani nikorfas­san­ngilatit.’”

Ilisimatuut ilaat isumaqar­put oqaaseqatigiit taak­ku versi 15-imi ima al­las­simasunut tun­ngatin­neqas­sasut: “Eq­qar­tuus­sigaangas­si iluan­ngitsulius­san­ngilasi. Piitsumut ililiutis­san­ngilatit pisoorluun­niit ikiorser­nias­sanagu. Nunaq­qatisi naaper­tuil­luar­tumik eq­qar­tuut­tas­savasi.” (3 Mos 19:15) Taamatut paasineqas­sap­pata oqaaseqatigiit versi 16-imiit­tut isumaqas­sagaluar­put Guutip in­nut­tai eq­qar­tuus­sivim­mi, niuer­nermi ilaqutariin­niluun­niit naaper­tuil­luan­ngitsulius­san­ngitsut aam­ma Israelik­kuusup im­minut iluaquserumal­luni al­lat ajoqusis­san­ngik­kai. Soorunami taamatut iliuuseqas­san­ngilagut, oqaaseqatigiil­li versi 16-imiit­tut paasiuminar­nerusumik nas­suiaatis­saqar­put.

Versip aal­laq­qaataa eq­qarsaatigiuk. Jehovap in­nut­tani peq­quai al­lanik sal­luliuutigin­nis­san­ngitsut. Ajor­tumik oqaluuserin­nit­toq ajor­nar­torsior­titsisar­poq, sal­luliuutigin­nit­torli ajoqusiinerungaar­tar­poq. (Uss 10:19; Oqal 10:12-14; 1 Tim 5:11-15; Jaak 3:6) Sal­luliuutigin­nit­toq piaaraluni tusaamanerlugaatitsiniar­tar­poq. Sal­luliuutigin­nit­tar­tup al­laat inuup al­lap inuunera navianar­torsior­tis­sin­naagaluarlugu ilumuun­ngitsumik oqaluuserisin­naavaa. As­sersuutigalugu inupiluit Naboti sal­luliuutigaat taman­nalu pis­sutigalugu Naboti pisuus­suteqan­ngitsoq ujaq­qanik mil­loor­neqarluni toqutaavoq. (1 Kng 21:8-13) Tas­sa sal­luliuutigin­nit­tup inuup al­lap inuunera navianar­torsior­tis­sin­naavaa, Mosesimik al­lak­kat pingajui 19:16-imi eq­qaaneqar­tutut.

Sal­luliuutigin­nin­nerlu uumis­suinermut ersiutaasin­naavoq. Johan­nesip al­lagai siul­liit 3:15-imi ima al­las­simavoq: “Kinaluun­niit qatan­ngum­minik uumigin­nit­toq toqutsisuuvoq, nalun­ngilarsilu toqutsisimasoq kinaluun­niit inuunermik naas­saan­ngitsumik im­mini pigisaqan­ngitsoq.” Maluginiar­nar­poq Guutip oqaatsini versi 16-imiit­tut ima nangin­neqar­tik­kai: “Qatan­ngutit uumis­sus­san­ngilat uum­matik­kut.” – 3 Mos 19:17.

Mosesimik al­lak­kat pingajui 19:16-imi al­las­simasoq kristumiunut oqaaq­qis­saarutaavoq pimoorus­sas­saq. Inuk al­la pil­lugu ajor­tumik eq­qarsaateqar­naveersaarlutalu sal­luliuutigin­nin­naveersaar­tariaqar­pugut. Al­latut oqaatigalugu inuk al­la ‘qinugigutsigu’, tas­sa taas­sumin­nga nuan­narin­nin­ngin­ner­put sin­ngagin­nin­ner­pul­lun­niit pis­sutigalugu sal­luliuutigigutsigu, uumis­suinitsin­nut ersiutaasin­naavoq. Kristumiut taamaalior­naveersaar­tus­saap­put. – Matt 12:36, 37.