Aap­pariil­li ilaasa teknologii ima ajor­nar­torsiuteqalis­sutigaat:

• Im­min­nut pif­fis­saqarfigil­luarun­naar­put.

• Angerlarsimaf­fim­mi pisariaqan­ngitsumik sulisar­put.

• Tatigeqatigiin­nerat ilumoorfigeqatigiin­neral­lu in­narler­neqar­poq.

PIFFISSAQARFIGEQATIGIINNEQ

Michael ima oqalut­tuar­poq: “Ilaan­nik­kut nuliaralu marluin­naagaangat­ta misigisar­punga nuliara al­larujus­suarmiit­toq. Mobiliin­naavit­tar­poq oqarluni mobilimi takunis­saanut aatsaat maan­nak­kut periarfis­saqarluni.” Jonathan oqar­poq taama pisoqar­til­lugu “aap­pariit isersimaqatigiik­kaluarlutik im­min­nut ungasis­sorujus­suusar­tul­lusooq”.

EQQARSAATIGIUK: Aap­pat pif­fis­saqarfigisin­naagaluarlugu sianerfigineqar­nerit al­laf­figineqar­neril­luun­niit qanoq akulikitsigisumik akor­nutigisar­piuk? – EFESOSIMIUT 5:33.

SULINEQ

Inuit ilaat sulif­fim­min­nut tun­ngatil­lugu qaquguk­kul­luun­niit at­tavigineqar­nis­sar­tik sil­limaf­figisariaqar­tar­paat. Al­lal­li angerlareeraluarlutik pisariaqan­ngitsumik sulisar­put. Lee ima nas­suer­poq: “Nuliara kisimeeqatigisus­saagaluarlugu sulif­fin­nut tun­ngatil­lugu sianerfigineqaraangama al­laf­figineqaraangamalu mobilera takun­ngitsoorsin­naaneq ajor­para.” Joy ima oqar­poq: “Angerlarsimal­lunga sulisarama qaquguk­kut unis­sanerlunga nalunar­tit­tar­para. Oqimaaqatigiis­saarinis­saq ajor­nakusoorsin­naasar­poq.”

EQQARSAATIGIUK: Aap­par­pit oqaluuk­kaangatit tusar­naaq­qis­saar­tar­pit? – LUKASI 8:18.

ILUMOORFIGEQATIGIINNEQ

Misis­suinermi apersor­neqar­tut 10 procentii oqar­put aap­parmin­nut iser­tuus­samin­nik inter­netik­kut ik­kus­sisimal­lutik. Aap­parisap taamaaliorsimaneranik pasitsaas­sineq aap­pariit oq­qan­neran­nik kinguneqar­tar­poq.

Taman­na pil­lugu inup­pas­suit isumaqar­put inter­netik­kut at­taveqaqatigiit­tarfiit aap­pariin­nerliulis­sutaasar­tut al­lasior­nermul­lu aal­laaviuk­kajut­tarlutik. Al­laal­lumi inatsisileritoor­pas­suit oqar­tar­put aap­pariit amerlasuut taman­na avis­sutigisaraat.

EQQARSAATIGIUK: Aap­parin­ngisan­nik al­laqateqar­nerit aap­pan­nut iser­tuut­tar­piuk? – USSATIT 4:23.

PINGAARNERSIUIGIT

Inuk nerineq ajor­toq san­ngiil­lisar­poq. Taamatut­taaq aap­pariit im­min­nut pif­fis­saqarfigineq ajor­tut aap­pariin­nerliuler­tar­put. – Efesosimiut 5:28, 29.

Teknologiip aappariinnissinnut akornutaalinnginnissaa pillugu siunnersuutit sorliit misilikkusunnerlugit eqqartorsiuk, namminerluunniit siunnersuutisi allattorsigit.

• Min­ner­paamik ul­lormut ataasiarlusi nereqatigiit­taritsi

• Ator­toris­saarutinik atuin­ngif­feqar­taritsi

• Marluin­naal­lusi nuan­nisaqatigiit­tar­nis­sarsi pilersaarusior­tarsiuk

• Ator­toris­saarutisi un­nuak­kut qamit­tarsigit

• Ator­toris­saarutisi iperarlugit ul­lormut minutsit 15-it oqaloqatigiit­taritsi

• Pif­fis­sami aalajangersimasumi inter­neti qamin­ngatit­tarsiuk