Aap­pariit ataq­qeqatigiit­tut isumaqatigiin­ngik­kaluaraangamil­luun­niit tun­niusimaqatigiit­tar­put. “Isumaqatigiin­ngis­suser­tik pil­lugu oqaloqatigiil­luar­tar­put. Aap­parmik isumaat ataq­qin­nit­tumik tusar­naar­tar­paat isumamik­kul­lu qanil­lat­tor­niarsaralutik.” – Ten Lessons to Transform Your Marriage

BIIBILIMI NAJOQQUTASSIAQ: ‘Asanninneq namminissarsiortarinngilaq.’ – 1 Korinthimiut 13:4, 5.

“Nuliara ataq­qiguk­ku pingaar­tis­savara, aam­ma taas­sumun­nga aap­pariin­nitsin­nul­luun­niit ajoqutaasin­naasumik iliuuseqarusus­san­ngilanga.” – Micah.

Aap­pariit ataq­qeqatigiin­ngitsut oqaloqatigiik­kaangamik isor­nar­torsiueq­qajaal­lutil­lu tusangiasaareq­qajaasar­put – misis­sueq­qis­saar­tar­tut naaper­torlugit taamatut pis­suseqar­tut averiaan­naasar­put.

“Nuliat pil­lugu kusanan­ngitsunik kimul­luun­niit oqaaseqar­neq quiasaapilun­nerluun­niit naleqan­ngitsutut misigilis­sutigisin­naavaa, ilin­nik tatigin­nik­kun­naas­sutigisin­naavaa aap­pariin­nis­sin­nul­lu ajoqutaasin­naal­luni.” – Brian.

IMMINUT APERIGIT

Sapaatip-akun­nerani oqaloqatigiit­tar­nersi iliuutsitil­lu maluginiak­kit. Taava im­minut ima aperigit:

• ‘Aap­para qanoq akulikitsigisumik isor­nar­torsior­tar­para, qanorlu akulikitsigisumik nersualaar­tar­para?’

• ‘Aap­pan­nik ataq­qin­nin­nera im­mik­kut it­tumik qanoq ersersit­tar­para?’

AAPPALLU OQALOQATIGIIGITSI

• Iliuutsit oqaatsil­lu suut marluul­lusi ataq­qineqar­tutut misigilis­sutigaasigit?

• Iliuutsit oqaatsil­lu suut ataq­qineqan­ngitsutut misigilis­sutigaasigit?

SIUNNERSUUTIT

• Ataq­qineqar­tutut ersersitsivigineqarusun­nitit pingasut al­lak­kit. Aap­pat aam­ma taamaalior­tiguk. Al­latas­sin­nik paarlaagitsi ataq­qineqar­nermil­lu ersersitsivigineqarusuf­fisi sulis­sutigalugit.

• Aap­par­pit pis­susii nuan­narisatit al­lat­tuk­kit. Taava taak­ku qanoq pingaar­titsigalugit oqalut­tuuguk.

“Uiga ataq­qiguk­ku iliuutsik­kut ersersis­savara pingaar­tik­kiga nuan­naar­tik­kusuk­kigalu. Ilaan­nik­kut iliuutsit an­nikitsuarar­pas­suit ataq­qin­nin­nivim­mut ersiutaasar­put.” – Megan.

Aap­pat ataq­qil­lugu misiginersutit apeq­qutaan­ngilaq; pingaar­neruvoq aap­pat ataq­qineqar­tutut misiginersoq.

BIIBILIMI NAJOQQUTASSIAQ: “Atiniarsigit nallittuingaarneq, ajunngissuseq, nikanartinneq, qanilaarneq naammagittassuserlu.” – Kolossemiut 3:12.