Нақыл сөздер 30:1—33
30 Жәкенің ұлы Ағұрдың Итиел мен Ұқалға айтқан ұлағатты сөздері.
2 Барлығынан да білімсізі менмін+,Адамға тән түсінік те жоқ менде.
3 Даналыққа үйренген жоқпын,Ең Киелі Құдайдың білімі де жоқ менде.
4 Кім көкке көтеріліп, жерге қайта түсіп еді+?
Кім желді қос уысында ұстап тұрып еді?
Кім суларды киіміне орап алып еді+?
Кім жердің шегін белгілеп еді+?
Оның есімі мен ұлының есімі кім? Білсең, айтшы.
5 Құдайдың әр сөзі таза+,Ол — өзін паналағандар үшін қалқан+.
6 Оның сөздеріне ештеңе қоспа+,Әйтпесе ол сені айыптап,Өтірігіңді әшкерелер.
7 Саған екі өтінішім бар,Көзімнің тірісінде одан басқа қалауым жоқ.
8 Өтірік пен жалғандықты менен алшақтат+.
Кедейлік те, байлық та бере көрме,Қажетті тамағымды ғана жегізе көр+.
9 Әйтпесе байып алып: “Ехоба деген кім?”— деп,Сенен бас тартармын+.
Не кедей болып, ұрлық жасап,Құдайымның есіміне кір келтірермін.
10 Қожайынының алдында қызметшісіне жала жаппа,Әйтпесе ол сені қарғап, кінәлі болып шығарсың+.
11 Бір ұрпақ бар әкелерін қарғайтын,Аналарын да сыйламайтын+.
12 Бір ұрпақ бар ластығынан* тазармай жатып,Өздерін таза санайтын+.
13 Бір ұрпақ бар көздері сондай тәкаппар,Жоғарыдан соншама паңданып қарайтын+.
14 Бір ұрпақ бар тістері семсердей,Азулары мал соятын пышақтай.
Жалмайды олар жер бетіндегі мүсәпірлерді,Адамзат ішіндегі бейшараларды+.
15 Сүліктің “Бер де бер!” деп айғайлайтын екі қызы бар.
Қанағатты білмейтін үш нәрсе,“Жеткілікті!” демейтін төрт нәрсе бар:
16 Көр*+ және бедеу құрсақ,Суға қанбайтын — қуаң жер,Ешқашан “Жеткілікті!” демейтін — өрт.
17 Әкесін мазақ етіп, ал анасын менсінбейтіннің+ көзінАңғардың құзғындары шоқып алар,Жас бүркіттер жеп қояр+.
18 Ақылым жетпейтін* үш нәрсе,Түсінігім жетпейтін төрт нәрсе бар:
19 Көкте самғаған бүркіттің жолы,Жартаста өрмелеген жыланның жолы,Ашық теңізде жүзген кеменің жолы,Қыз көңілін тапқан еркектің жолы.
20 Азғын әйелдің жолы мынадай:
Ішіп-жеп алып, аузын сүртер,Сөйтіп, ол: “Еш жамандық істемедім”,— дер+.
21 Жерді дірілдетер үш нәрсе,Ол төзе алмайтын төрт нәрсе бар:
22 Құлдың патша боп билік еткені+,Наданның асқа тойып жүргені,
23 Жексұрын әйелдің тұрмысқа шыққаны,Күңнің өз ханымының орнын басқаны+.
24 Мына төртеуі жердегінің ең кішкенесі,Әрі түйсікті даналықтың иесі+:
25 Құмырсқа — қауқары аз жәндік*,Әйтсе де жейтін азығын жазда жинайды+.
26 Майбасар+ — күші кем жаратылыс*,Әйтсе де үйін жартасқа салады+.
27 Шегіртке+, оның патшасы жоқ,Әйтсе де бәрі сап түзеп, алға басады+.
28 Кесіртке*+, ол аяқтарымен жармасып жүреді,Патша сарайынан да табылады.
29 Адымын кең басады мына үшеуі,Маңғаздана жүреді мына төртеуі:
30 Арыстан аңдардың ең күштісі,Ешкімнен қаймығып шегінбейді+.
31 Тазы және серке,Сондай-ақ әскерін бастап жүретін патша.
32 Ақымақтықпен өзіңді дәріптесең+,Яки осылай етуді ойласаң,Онда қолыңмен аузыңды жап+.
33 Сүтті шайқаса, май шығар,Мұрынды ұрса, қан ағар,Ашуға тисе, ұрыс шығар+.
Сілтемелер
^ Сөзбе-сөз “нәжіс”.
^ Еврейше “шеол”. Түсіндірмені қараңыз.
^ Немесе “мені таң-тамаша қалдыратын”.
^ Сөзбе-сөз “халық”.
^ Сөзбе-сөз “халық”.
^ Яғни геккон.
