Зәбүр 146:1—10
146 Ехобаны* мадақтаңдар+!
Бар болмысым Ехобаны мадақтасын+!
2 Өмір бойы Ехобаны мадақтап өтемін,Құдайыма өле-өлгенімше мадақ әнін айтамын.
3 Бекзадаларға* арқа сүйемеңдер,Еш құтқара алмайтын адам баласына да сенім артпаңдар+.
4 Оның демі бітіп*, қара жерге оралады+,Сол күні-ақ бар ой-ниеті құрып жоғалады+.
5 Жақыптың Құдайы қолдайтын+ адам,Бар үмітін Құдайы Ехобаға артатын адам бақытты+.
6 Құдай жер мен көкті,Теңіз бен ондағылардың бәрін жаратты+.
Ол адалдығынан еш таймайды+,
7 Алданғандар үшін әділдік орнатады,Ашыққан жанды нанға тойдырады+.
Ехоба тұтқында отырғандарды босатады+.
8 Ехоба зағиптардың көзін ашады+,Ехоба бүгілгендерді демейді+,Ехоба әділ жандарды жақсы көреді.
9 Ехоба жатжерліктерді қорғайды,Жетім мен жесірді аш қалдырмайды+,Ал зұлымдардың жолына тосқауыл қояды+.
10 Ехоба мәңгі бақи патшалық құрады+,Уа, Сион, сенің Құдайың ұрпақтан ұрпаққа Патша болады.
Ехобаны* мадақтаңдар!
Сілтемелер
^ Сөзбе-сөз “Ях”. Ях — Ехоба деген есімнің қысқа түрі.
^ Немесе “Беделділерге”.
^ Немесе “рухы шығады да”.
^ Сөзбе-сөз “Ях”. Ях — Ехоба деген есімнің қысқа түрі.
