“Ехобаның досы бол” деп аталатын бірнеше бөлімнен тұратын мультфильм, әндер және Аян мен Маржан деген анимациялық кейіпкерлер бүгінде өте танымал. Ата-аналар мен балалар мультфильмдерге ризашылықтарын білдіріп хат жазды. Төменде балалардың жазған хаттарынан үзінділер келтірілген:

• “Сіздерге “Құдайға құлақ асып, батаға кенел” деп аталатын DVD үшін көп рақмет. Мен оны ойыншық қабыланыммен бірге күнде көремін”. (Зак, 5 жаста)

• “Осы жаңа әннен Ехобаның мені жақсы көретінін көрдім. Ол менің әр уақытта дұға еткенімді қалайды”. (Микария, 6 жаста)

• “Мен мультфильмнен ата-анамның тілін алып, шашқан нәрселерімді жинап жүруім керектігін білдім. Бізге арнап осындай мультфильм шығарғандарыңызға рақмет”. (Николь, 8 жаста)

• “Мультфильмдер үшін көп-көп рақмет. Олар өте қызық, өте күшті. Мен оларды жақсы көремін”. (Макензе, 5 жаста)

• “Маған “Ехобаның досы бол” деген мультфильмдер қатты ұнайды. Мен оларды күнде көремін. Ехобаның сіздерге осындай ой салғаны қандай күшті!” (Ава, 8 жаста)

• “Мен бұл мультфильмдерді көргенді қатты жақсы көремін. Ондағы барлық әндерді жаттап алуға тырысамын. Мультфильмдерді көргенде, Ехобаны қатты жақсы көріп кетемін”. (Девон, 4 жаста)

• “Аян туралы келесі мультфильмді асыға күтемін! Жұмыстарыңыз алға баса берсін!” (Ванс, 8 жаста)