ەحوبا كۋاگەرلەرىنىڭ وزدەرىنىڭ بولەك كيەلى كىتاپتارى بار ما؟
ەحوبا كۋاگەرلەرى كيەلى كىتاپتى زەرتتەۋ بارىسىندا ٴتۇرلى اۋدارماعا جۇگىنەدى. ٴبىراق ٶز تىلدەرىندە بار بولسا، «جاڭا دۇنيە اۋدارماسى» ولار ٷشىن ەرەكشە باعالى. نەلىكتەن؟ سەبەبى وندا قۇدايدىڭ ەسىمى قولدانىلادى، ٵرى تۋرا دا تۇسىنۋگە جەڭىل ەتىپ اۋدارىلعان.
قۇداي ەسىمىنىڭ قولدانىلۋى. كەيبىر كيەلى كىتاپتى باسىپ شىعارۋشىلار ونىڭ اۆتورى قۇدايدىڭ ەسىمىن قولدانباۋىمەن وعان ٴتيىستى قۇرمەت تانىتپاعان. مىسالى، كيەلى كىتاپتىڭ ٴبىر اۋدارماسىندا سول كىتاپتىڭ شىعۋىنا قانداي دا ٴبىر ۇلەس قوسقان 70 كىسىنىڭ ەسىمى جازىپ، ال ونىڭ اۆتورى ەحوبا قۇدايدىڭ ەسىمىن مۇلدەم جازباي كەتكەن!
ال «جاڭا دۇنيە اۋدارماسىندا» بولسا، ٴتۇپنۇسقادا كەزدەسەتىن مىڭداعان جەردە قۇدايدىڭ ەسىمىن قايتا قالپىنا كەلتىرىلگەن، ٵرى سونى شىعارعان كوميتەت مۇشەلەرىنىڭ ەسىمدەرى بەلگىسىز بولىپ قالدىرىلدى.
تۋرالىعى. كيەلى كىتاپ اۋدارمالارىنىڭ بارلىعى ونىڭ تۇپكى حابارىن تۋرا جەتكىزە بەرمەيدى. ماسەلەن، اۋدارمالاردىڭ بىرىندە ماتاي 7:13 تەگى سوزدەر بىلاي دەپ اۋدارىلعان: «تار قاقپادان كىرىڭدەر! توزاققا اپاراتىن قاقپا كەڭ، جول دا داڭعىل». ال ٴتۇپنۇسقا ماتىنىندە بولسا، «توزاق» ٴسوزى ەمەس، «جويىلۋ» دەگەندى بىلدىرەتىن ٴسوز جازىلعان. بۇل جەردە اۋدارماشىلاردىڭ «توزاق» دەپ جازۋىنا، بالكىم، ولاردىڭ وزدەرىنىڭ زۇلىم ادامداردىڭ ٴبارى توزاق وتىندا ماڭگى جانادى دەپ سەنگەنى اسەر ەتكەن شىعار. ٴبىراق بۇنداي وي-پىكىر كيەلى كىتاپقا قاراما-قايشى كەلەدى. ال وسى جازبا ورنى «جاڭا دۇنيە اۋدارماسىندا» قالاي تارجىمەلەنگەنىنە قاراساق، وندا: «تار قاقپا ارقىلى كىرىڭدەر، سەبەبى جويىلۋعا اپاراتىن جول كەڭ ٵرى داڭعىل»،— دەلىنگەن.
تۇسىنۋگە جەڭىل. جاقسى اۋدارما تەك قانا تۋرا ەمەس، سونىمەن قاتار تۇسىنۋگە جەڭىل بولۋ كەرەك. ٴبىر مىسال قاراستىرىپ كورەيىك. ريمدىكتەرگە 12:11 دە ەلشى پاۋىل قولدانعان تىركەس سوزبە-ٴسوز «رۋحتىڭ قايناۋى» دەگەندى بىلدىرەدى. ٴبىراق قازاق تىلىندە «رۋح قاينادى» دەگەندى ٴتۇسىنۋ قيىن بولعاندىقتان، «جاڭا دۇنيە اۋدارماسىندا» بۇل تىركەس «رۋحتىڭ اسەرىمەن جالىنداڭدار» دەپ اۋدارىلعان.
«جاڭا دۇنيە اۋدارماسىندا» قۇدايدىڭ ەسىمى قولدانىلعانىنان، تۋرالىعى مەن تۇسىنۋگە جەڭىل بولعانىنان بولەك ونىڭ تاعى ٴبىر ەرەكشەلىگى بار: ول تەگىن تاراتىلادى. وسىنىڭ ارقاسىندا ميلليونداعان ادام، ونىڭ ىشىندە كيەلى كىتاپتى ساتىپ الۋعا مۇمكىندىگى جوق ادامدار دا، كيەلى كىتاپتى انا تىلدەرىندە وقي الادى.
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرى كيەلى كىتاپتى ٶز نانىمدارىنا ساي وزگەرتىپ العان با؟
ايعاقتاردى ٶزىڭىز زەردەلەپ كورىڭىز.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.