جاستاردىڭ ساۋالدارى
كينو، گازەت-جۋرنالداعى قىزدارعا ەلىكتەگەن نەگە دۇرىس ەمەس؟ (1-ٴبولىم) قىزدارعا ارنالعان
كينو، گازەت-جۋرنالداعى قىزداردى قالاي سۋرەتتەر ەدىڭ؟
مىنا سوزدەردى وقىپ شىعىپ، تومەندەگى سۇراقتارعا جاۋاپ بەرىپ كور:
1-باعانا |
2-باعانا |
|---|---|
تولىسپاعان |
جاۋاپكەرشىلىگى مول |
بۇلىكشىل |
مويىنسۇنعىش |
ونەگەسىز |
ەستى |
جەڭىلتەك مىنەزدى |
اقىلدى |
وسەكشى |
پاراساتتى |
وتىرىكشى |
شىنشىل |
كينو، تەلەديدار نە جۋرنالداردان كورەتىن قىزدارعا قاي باعاناداعى سوزدەر ساي كەلەدى؟
ٶزىڭنىڭ قانداي ادام بولعىڭ كەلەتىنىن قاي سوزدەرمەن سيپاتتار ەدىڭ؟
ٴبىرىنشى سۇراققا 1-باعاناداعى سوزدەردى، ال ەكىنشى سۇراققا 2-باعاناداعى سوزدەردى قولدانىپ جاۋاپ بەرگەن بولارسىڭ. بۇدان كينو، گازەت-جۋرنالدا قاپتاپ كورسەتىلەتىن قىزدارعا ۇقساعىڭ كەلمەيتىنى كورىنەدى، ٵرى بۇل ورايدا سەن جالعىز ەمەسسىڭ. كەل، مۇنىڭ سەبەبىن بىلەيىك.
«كينولاردا كورسەتىلەتىن جاسوسپىرىم قىزدار بۇلىكشىل ٵرى قىرسىق مىنەزدى بولىپ كەلەدى. وسىلايشا بارلىق قىزداردى وزىنەن باسقا ەشكىمدى كورمەيتىن، تۇيمەدەيدى تۇيەدەي ەتەتىن ەركە قىزدار ەتىپ كورسەتەدى» (ەرين).
«كينو، تەلەديدارداعى جاسوسپىرىم قىزدار ەل كوزىنە تۇسۋگە قۇمار. ولاردىڭ بار ەسىل-دەرتى — ادەمى كورىنىپ، ٴساندى كيىنۋ، اتاقتى بولىپ، جىگىتتەرمەن كەزدەسۋ» (ناتالي).
«ىشىمدىك ىشەتىن، جىگىتتەرمەن ٴتۇن وتكىزەتىن، اتا-اناسىنا قارسى شىعاتىن قىزدار كينولاردا «جاقسى» قىزداردىڭ قاتارىندا كورسەتىلەدى. ەگەر قىز مۇنداي قىلىقتار جاساماسا، ونىڭ نە وتە ٴدىنشىل نە تىم ٵدىل بولعانى» (ماريا).
وزىڭنەن بىلاي دەپ سۇرا: كيگەن كيىمىم، ٴجۇرىس-تۇرىسىم مەن سويلەۋ مانەرىمنەن شىنايى بولمىسىم كورىنە مە، الدە كينو، گازەت-جۋرنالداعى قىزدارعا ەلىكتەيتىنىم بايقالا ما؟
نەنى ٴبىلۋىڭ كەرەك؟
ەشكىمگە ەلىكتەمەي، جەكە-دارا بولمىسىمدى قالىپتاستىرىپ جاتىرمىن دەپ ويلايتىنداردىڭ كوبىسى شىندىعىنا كەلگەندە كينو، گازەت-جۋرنالدا كورسەتىلەتىن قىزدارعا ەلىكتەيدى. كارەن ەسىمدى بويجەتكەن بىلاي دەيدى: «مەن مۇنى سىڭىلىمنەن بايقايمىن. ول تەك كيىم مەن جىگىتتى ويلايتىنداي بولىپ كورىنگىسى كەلەدى. ٴبىراق ونىڭ قىزىقتىراتىن باسقا دا نارسەلەرى بار، ٵرى ٶزى اقىلدى قىز. الايدا قۇرداستارىنان ەرەكشەلەنبەس ٷشىن، ٶزىن «شاشى ۇزىن، اقىلى قىسقا» ەتىپ كورسەتەدى. سونداعىسى، ول بار بولعانى 12 جاستا عوي».
كيەلى كىتاپتا نە دەلىنگەن: «بۇدان بىلاي وسى زاماننىڭ ٶمىر سالتىن ۇلگى ەتپەڭدەر» (ريمدىكتەرگە 12:2).
كينو، گازەت-جۋرنالدا كورسەتىلەتىن قىزداردىڭ وبرازىنا جاسوسپىرىم قىزداردىڭ بارلىعى بىردەي ۇقساعىسى كەلمەيدى. الەكسيس ەسىمدى 15 جاسار قىز بىلاي دەيدى: «كينو، گازەت-جۋرنالدا قىزداردى ٶزىمشىل، ويلانباي ارەكەت ەتەتىن جەڭىلتەك مىنەزدى ەتىپ كورسەتەدى. ٴبىراق مەنىڭشە، قىزداردىڭ كوبىسى ونداي ەمەس. ومىردە كەلبەتتى جىگىتتەردى ويلاۋدان باسقا دا ماڭىزدى نارسەلەر بار ەمەس پە؟!»
كيەلى كىتاپتا نە دەلىنگەن؟ رۋحاني تولىسقان ادامدار «ٴتۇيسىنۋ قابىلەتىن قولدانۋ ارقىلى ماشىقتاندىرىپ، جامان مەن جاقسىنى اجىراتا الادى» (ەۆرەيلەرگە 5:14).
بۇقارالىق اقپارات قۇرالدارى قالىپتاستىرعان وبرازدار جاسوسپىرىم قىزداردىڭ قامى ٷشىن ەمەس، كوممەرسانتتاردىڭ قالتاسى ٷشىن جاسالادى. ٴسان الەمى جانە باسپا، تەحنولوگيا مەن كوڭىل كوتەرۋ يندۋستريالارى مول پايدانىڭ ٴيىسىن سەزگەندىكتەن، جاس ساتىپ الۋشىلاردى جاسوسپىرىم شاقتارىنا جەتپەي تۇرىپ، قولعا تۇسىرگىلەرى كەلەدى. ٴبىر كىتاپتا بىلاي دەلىنگەن: «جارناماشىلار بالالاردا كيىمنىڭ، اشەكەي زاتتاردىڭ، كوسمەتيكا نە ەلەكتروندى قۇرىلعىلاردىڭ سوڭعى ۇلگىلەرى بولماسا، كوش سوڭىندا قالادى دەگەنگە سەندىرگىسى كەلەدى. ال تارتىمدى جارنامالاردىڭ تورىنا تۇسكەن جاستار جارناماشىلاردىڭ شىندىعىندا نەنى كوزدەپ جاتقانىن اڭداماي قالادى» («29 Going on 12»).
كيەلى كىتاپتا نە دەلىنگەن؟ «وسى دۇنيەدەگىنىڭ ٴبارى — ٴتان قۇمارلىعى، كوزدىڭ قالاۋى جانە دۇنيە-مۇلىككە ماقتانۋ — اكەدەن ەمەس، وسى دۇنيەدەن باستاۋ العان» (جوحاننىڭ 1-حاتى 2:16).
مىنا جايلى ويلان: برەندتى زاتتارعا يە بولۋدى قۇمارتا بەرسەڭ، كىمگە پايدا اكەلەسىن؟ قۇرداستارىڭنىڭ اراسىندا بەدەلدى بولۋ ٷشىن عانا سوڭعى ۇلگىدەگى تەلەفوندى ساتىپ الۋعا ٶزىڭدى ٴماجبۇر سەزىنسەڭ، مۇنىڭ پايداسىن كىم كورمەك؟ كوممەرسانتتار كىمنىڭ پايداسىن كوزدەيدى: سەنىڭ بە، الدە وزدەرىنىڭ بە؟
نە ىستەگەنىڭ دۇرىس؟
كينولاردان كورگەندەرىڭە ويلانباستان ەلىكتەي بەرمە. وسە كەلە سەن كورگەنىڭمەن عانا ٶمىر سۇرمەي، قىراعى بولۋدى ۇيرەنەسىڭ. پاراساتتى بولىپ، بۇقارالىق اقپارات قۇرالدارىنان كورگەندەرىڭ ساعان قالاي اسەر ەتۋى مۇمكىن ەكەنى جايلى ويلا. 14 جاسار الانا ەسىمدى قىز بىلاي دەيدى: «ادەتتە كينو، جۋرنالداردا جاسوسپىرىم قىزداردىڭ ۇستىندەگى كيىمىنە قاراعاندا بەت بوياۋى كوپ بولادى. ال جاسوسپىرىم قىزداردىڭ كوبىسى بۇنداي سىرت كورىنىستىڭ ولاردى تارتىمدى ەمەس، قايتا، تارتىمسىز ەتىپ تۇراتىنىن تۇسىنە بەرمەيدى».
قانداي ادام بولعىڭ كەلەتىنىڭدى انىقتاپ، سوعان ۇمتىل. مىسالى، ماقالانىڭ باسىنداعى وزىڭە ۇناعان قاسيەتتەر جايلى ويلاپ كورشى. نەگە قازىردەن باستاپ سونداي قاسيەتتەرگە يە بولۋعا نە ولاردى دامىتۋعا كۇش سالماسقا؟! كينولاردا كورسەتىلەتىن جاسوسپىرىم قىزداردىڭ بولمىسىنا ەمەس، «تۋرا ٴبىلىم ارقىلى جاراتۋشىنىڭ كەيپىنە ساي جاڭارىپ جاتقان جاڭا بولمىسقا يە بولعانىمىز» الدەقايدا ارتىق ەمەس پە؟! (قولوستىقتارعا 3:10).
ساعان جاقسى اسەر ەتەتىن ادامدارعا ەلىكتە. مۇنداي ادامدار الىس كەتپەي-اق، سەنىڭ ٷي ىشىندە بولۋى مۇمكىن. مىسالى، اناڭ نە اپكەڭ. سونداي-اق اقىلى تولىسقان دوستارىڭ نە تانىستارىڭ دا ساعان ۇلگى بولا الادى. ەحوبا كۋاگەرلەرىنىڭ كەزدەسۋلەرىندە دە ەلىكتەۋگە تۇرارلىق كوپتەگەن ايەلدەر بار (تيتكە 2:3—5).
كەڭەس: «سەنىمىن سەرىك ەتكەندەر» دەپ اتالاتىن كىتاپتا تاماشا ۇلگى قالدىرعان رۋت، حاننا، ابيگەل، ەستەر، ٴماريام جانە مارتا سياقتى ايەلدەردىڭ مىسالى جازىلعان. بۇل كىتاپتى ەحوبا كۋاگەرلەرى باسىپ شىعارعان جانە ونى www.isa4310.com تور بەكەتىنەن جۇكتەپ الۋعا بولادى.
قىزىقتى بولار مالىمەتتەر
جاستاردىڭ ساۋالدارى
كيىمىم جاراسىپ تۇر ما؟
سانگە قاتىستى ەڭ باستى ٷش قاتەلىكتى جىبەرۋدەن قالاي اۋلاق بولا الاسىڭ؟
