يشايا 63:1—19
63 ەدومنان+ كەلە جاتقان،اشىق ٴتۇستى* كيىم كيىپ، بوسرادان+ كەلە جاتقان بۇل كىم؟
سالتاناتتى كيىم كيىپ،قۇدىرەتپەن كەلە جاتقان كىم بولدى ەكەن؟
«بۇل — مەن. مەن ادىلدىككە ساي سويلەيمىن،ٵرى قۇتقاراتىن زور قۇدىرەتىم بار».
2 كيىمىڭ نەگە قىزىل؟
نەگە ٴجۇزىم تاپتاپ جاتقان ادامنىڭ كيىمىندەي قىپ-قىزىل+؟
3 «مەن ٴجۇزىمدى جالعىز تاپتادىم،قاسىمدا ٴتىرى جان بولمادى.
قاتتى اشۋمەن تاپتادىم،قاھارىما ٴمىنىپ، جانشي بەردىم+.
ولاردىڭ قانى كيىمىمە شاشىراپ،كيىمىمنىڭ ٴبارىن بىلعادىم.
4 مەن كەك الاتىن كۇندى بەلگىلەدىم+،قۇنى وتەلگەندەردىڭ جىلى كەلىپ جەتتى دەپ شەشتىم.
5 قاراپ ەدىم، ماعان جاردەم بەرەر ەشكىم بولمادى.
قولداۋ كورسەتەر ەشكىمنىڭ بولماعانىنا مەن قايران قالدىم.
سوندىقتان قۇدىرەتتى قولىممەن جەڭىسكە جەتتىم+،مەنى ٶز قاھارىم قولدادى.
6 مەن حالىقتاردى اشۋمەن تاپتادىم،ولاردى قاھارىما ماس قىلىپ+، قاندارىن جەرگە توكتىم».
7 مەن ەحوبانىڭ اينىماس سۇيىسپەنشىلىكپەن جاساعان ىستەرىن،ەحوبانىڭ ماداققا لايىق ىستەرىن ايتاتىن بولامىن.
مەيىرىمدىلىگى مەن زور اينىماس سۇيىسپەنشىلىگىنە ساي،ەحوبانىڭ ٴبىز ٷشىن ىستەگەن بار ىستەرى ٷشىن+،يسرايل ۇيىنە جاساعان كوپتەگەن يگىلىگى ٷشىن سولاي ەتەمىن.
8 ول: «ٴيا، ولار مەنىڭ حالقىم، وپاسىزدىق جاسامايتىن ۇلدارىم»،— دەگەن ەدى+.
سوندىقتان ول حالقىنىڭ قۇتقارۋشىسى بولدى+.
9 ولار ازاپ شەككەندە، بۇل ونىڭ جانىنا باتتى+.
ٶز حابارشىسىن جىبەرىپ، ولاردى قۇتقاردى+.
ول سۇيىسپەنشىلىك تانىتتى، جانى اشىپ قۇندارىن وتەپ الدى+،ەجەلگى كۇندەردىڭ بارىندە ولاردى كوتەرىپ، قولىنا الىپ ٴجۇردى+.
10 ٴبىراق ولار بۇلىك شىعارىپ+، ونىڭ كيەلى رۋحىن رەنجىتتى+.
سوندا قۇداي ولاردىڭ جاۋىنا اينالىپ+، ولارعا قارسى شايقاستى+.
11 سول كەزدە ولار ەجەلگى كۇندەردى،قۇدايدىڭ قىزمەتشىسى مۇسانىڭ زامانىن ەستەرىنە الىپ بىلاي دەدى:
«وتارىن باعۋشىلارىمەن قوسا+، تەڭىزدەن وتكىزگەن قۇداي+ قايدا؟
وعان كيەلى رۋحىن قوندىرعان قۇداي+ قايدا؟
12 قۇدىرەتتى قولى مۇسانىڭ وڭ قولىمەن بىرگە جۇرگەن+،ماڭگىگە ٶز ەسىمىنىڭ داڭقىن ارتتىرۋ ٷشىن+
حالقىنىڭ الدىنان تەڭىزدى قاق ايىرعان قۇداي+ قايدا؟
13 ولار كەڭ دالادا شاپقان تۇلپارداي سۇرىنبەي ٶتۋ ٷشىن،بۋىرقانعان سۋ اراسىنان جول اشقان قۇداي قايدا؟
14 ەحوبانىڭ رۋحى حالقىنا تىنىشتىق سيلادى،ولار سايعا ٴتۇسىپ تىنىققان وتارعا ۇقسادى+».
ەسىمىڭنىڭ ۇلىلىعىن ارتتىرۋ ٷشىن،سەن حالقىڭدى وسىلاي باستاپ ٴجۇردىڭ+.
15 كوكتەن نازارىڭدى سالشى،بيىكتەگى كيەلى دە سالتاناتتى تۇراعىڭنان قاراشى.
سەنىڭ قۇلشىنىسىڭ مەن قۇدىرەتىڭ،جاناشىرلىعىڭ+ مەن مەيىرىمىڭ+ قايدا؟
نەگە بۇلاردى مەنەن ايايسىڭ؟
16 سەن اكەمىزسىڭ عوي+.
ىبىرايىم ٴبىزدى تانىماي، يسرايل مويىنداماي قويسا دا،ۋا، ەحوبا، سەن ٴبىزدىڭ اكەمىزسىڭ.
سەنىڭ ەسىمىڭ — ەجەلدەن بەرى قۇنىمىزدى وتەۋشى+.
17 ۋا، ەحوبا، نەگە ٶز جولىڭنان تايىپ كەتۋىمىزگە جول بەردىڭ؟*
جۇرەگىمىز قاتۋلانىپ، سەنەن قورقۋدان قالۋىمىزعا نەگە جول بەردىڭ+؟
قىزمەتشىلەرىڭنىڭ يگىلىگى ٷشىن،مەنشىگىڭە العان رۋلاردىڭ يگىلىگى ٷشىن قايتا ورالا كور+.
18 قاسيەتتى حالقىڭ بۇل ەلدى از ۋاقىت قانا يەلەندى.
جاۋلارىمىز عيباداتحاناڭدى تاپتاپ، اياقاستى ەتتى+.
19 ٴبىز كوپ ۋاقىتتان بەرى ٶزىڭ بيلىك قۇرماعان،ٶزىڭنىڭ ەسىمىڭمەن اتالماعان حالىققا ۇقسايمىز.
