Elongelokalunga laKatolika olo la ningilwe shi na sha noshivilo osho sha ningilwe mepandavanda Peter Basilica mo 25 Marsa 2022, omupapa Francis okwe linyongamena Maria “a fifikina nokutwa eengolo, ndele ta ilikana momutima.” Okwa ilikana “Maria e va pe” ombili. Eenghundana doVatican oda wedwa ko tadi ti “omupapa okwa ilikana kuMaria tashi di komutima shi na sha nonghalo yovanhu, unene tuu ovo ve li moRussia naUkraine.”

 Ove oto ti ngahelipi? Mbela oshi li tuu mondjila okwiilikana koihongwafano, ile oku i longifa eshi hatu longele Kalunga? Tala eevelishe dOmbiibeli tadi shikula:

•   “Ino lihongela oshihongwafano ile efano laashi shi li pombada meulu ile laashi shi li poshi kombada yedu, ile laashi shi li momeva okoshi yedu. Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi.” — Exodus 20:4, 5. a

•   “Oikalunga yavo oyo oisiliveli noingoldo, oitotwa yomake ovanhu. Omakanya oi na, yo ihai popi, nomesho oi a kwete, yo ihai mono ko. Oi nomatwi, ndele ihai udu ko, oi kwete omayulu, ihai fimbula. Omaoko ayo ihai a kwatifa sha, omaulu ayo ihai a katukifa; mominino dayo, ihamu di ondaka. Ovatoti vayo otave ya okufaafana nayo, keshe tuu omulineekeli wayo.” — Epsalme 115:4-8.

•   ‘Aame Omwene, olo edina lange ihandi yandje efimano lange kuumwe, ile okuhambelelwa kwange koihongwafano.’ — Jesaja 42:8.

•   “Indeni onhapo okulongela oikalunga.” — 1 Ovakorinto 10:14.

•   “Kaleni kokule noikalunga.” — 1 Johannes 5:21.

 Opo u mone ouyelele muhapu shi na sha naasho Ombiibeli tai popi kombinga yokwiilikana oihongwafano, lesha oshitukulwa “The Bible’s Viewpoint—Images,” ile u tale okavidio Mbela ohatu dulu okulongela Kalunga hatu longifa oihongwafano?

 Otashi dulika yo u kale u na ohokwe mwaasho Ombiibeli ya popya kombinga yoikundafanwa ei:

•   “Ombiibeli otai ti ngahelipi kombinga yokakadona Maria?”

•   “Should You Pray to the Virgin Mary?”

•   “Miracles and Apparitions—Signs From God?”

•   “Peace on Earth—How Will It Come?”

Photo credit: Vincenzo Pinto/AFP via Getty Images