Omapsalme 27:1-14
Epsalme laDavid.
27 Jehova oye ouyelele wange nexupifo lange.
Olyelye ndi na okutila?
Jehova oye ohotengulu yonghalamwenyo yange.
Olyelye ndi na okutila?
2 Eshi ovalongi vowii va ponokela nge, va xwake po ombelela yange,Ovakondjifi vange novatondi vange ovo va punduka nokuwila po.
3 Nonande etangakwaita oli onge onhanda li lwife nge,Omutima wange itau tila sha.
Nonande ondi hangwe koita,Natango ohandi kala ndi na omukumo.
4 Oshinima shimwe osho nda pula Jehova,Osho handi lalakanene,Okukala ngeno meumbo laJehova omafiku aeshe okukalamwenyo kwange,Ndi tale ouwa waJehova,Nondi tale nolupandu* kotembeli* yaye.
5 Osheshi ota ka holeka nge monhele yaye yokuyaama mefiku loudjuu;Ota ka holeka nge monhele ya amenwa yetwali laye;Ota ka tula nge koxulo yemanya.
6 Paife, omutwe wange ou li pombada yovatondi vange, ovo va dingilila nge;Ohandi ka yamba omayambo ketwali laye handi ingida nehafo;Jehova ohandi mu imbile omaimbilohambelelo.*
7 Omwene Jehova, ngeenge handi ku lilile ekwafo, ude nge;File nge onghenda nou nyamukule nge.
8 Onda dimbuluka momutima wange kutya owa ti:
“Konga, u mone oshipala shange.”
Omwene Jehova, ohandi ka konga, ndi mone oshipala shoye.
9 Ino holeka nge oshipala shoye.
Ino efa omupiya woye omolwehandu loye.
Oove omukwafi wange;Kalunga kexupifo lange, ino ekela nge shi, ile u efe nge.
10 Nonande meme natate ova efe nge,Jehova ota ka idilila nge.
11 Omwene Jehova, honge nge ondjila yoye,Wilike nge ndi ende melila louyuki omolwovatondi vange.
12 Ino yandja nge kovakondjifi vange,*Osheshi eendombwedi doipupulu oda fikama di hokololife nge,Notadi ningile nge omatilifo e na sha nokumonifa nge oshiponga.
13 Ngeno ondi li peni, ngeno kanda li ndi na eitaveloKutya ohandi dulu okumona ouwa waJehova medu lovanamwenyo?*
14 Teelela kuJehova;Kala u na ouladi nomutima wa pama.
Heeno, teelela kuJehova.
Eshangelo lopedu
^ Ile “Ndi tale nelitulemo.”
^ Ile “konhele iyapuki.”
^ Ile “shikile omusika.”
^ Ile “komwenyo wovakondjifi vange.”
^ Ile tashi dulika, “Oshili, ondi na eitavelo kutya ohandi dulu okumona ouwa waJehova medu lovanamwenyo.”
