KUUMA NGITHI-INĨ | NO ŨKUHĨRĨRIE NGAI
Gũtirĩ Ũtũũro Mwega ta Ũcio
Ũngĩka atĩa nĩguo ũkuhĩrĩrie Ngai? Nĩ twarĩkia kwarĩrĩria makinya marĩa ũngĩoya nĩguo ũkũrie ũrata nake, nĩmo:
-
Kũmenya na kũhũthĩra rĩĩtwa rĩa Ngai, Jehova.
-
Kwaranagĩria nake kaingĩ kũgerera mahoya na kwĩruta Kiugo gĩake, Bibilia.
-
Gwĩkaga maũndũ marĩa makenagia Jehova hingo ciothe.
Kuhĩrĩria Ngai na njĩra ya kũhũthĩra rĩĩtwa rĩake, kũhoya, kwĩruta Kiugo gĩake, na gwĩka maũndũ marĩa mamũkenagia
Ũngĩĩthuthuria kũringana na maũndũ macio twagweta-rĩ, hihi no uuge atĩ nĩ ũreka ũrĩa kũrabatarania nĩguo ũkuhĩrĩrie Ngai? He maũndũ ũrona ta ũngĩgarũrĩra? Nĩ ma kĩyo nĩ kĩrabatarania, no ta wĩcirie moimĩrĩro.
Jennifer kuuma Amerika (U.S.) oigire ũũ: “Kĩyo kĩrĩa gĩothe mũndũ ekagĩra gũkũria ũrata wa hakuhĩ hamwe na Ngai ti gĩa tũhũ. Ũrata ũyũ ũkũrehagĩra irathimo nyingĩ ta kwĩhoka Ngai mũno, gũtaũkĩrũo nĩ ngumo ciake wega, na makĩria, wendo gatagatĩ-inĩ kanyu ũkongerereka. Gũtirĩ ũtũũro mwega ta ũcio!”
Angĩkorũo no wende gũkenera ũrata wa hakuhĩ hamwe na Ngai-rĩ, Aira a Jehova nĩ megũkena gũgũteithia gwĩka ũguo. No mabange kwĩruta Bibilia nawe hatarĩ marĩhi. Wĩ mũnyite ũgeni mĩcemanio-inĩ yao ya kwĩruta ũhoro wa Bibilia, thĩinĩ wa Nyũmba ya Ũthamaki ĩrĩa ĩrĩ hakuhĩ nawe, kũrĩa ũgũkenera kũnyitanĩra na andũ arĩa moyaga na ũritũ ũrata wao hamwe na Ngai. * Weka ũguo, ũrĩiguaga o ta mwandĩki wa Thaburi, ũrĩa woigire ũũ: “No niĩ-rĩ, gũkuhĩhĩria Ngai, nĩkuo kũnjagĩrĩire.”—Thaburi 73:28.
^ kib. 9 Angĩkorũo no wende kwĩruta Bibilia kana kũmenya Nyũmba ya Ũthamaki ĩrĩa ĩrĩ hakuhĩ nawe, ũrahoywo warie na mũndũ ũrĩa ũrakũreheire ngathĩti ĩno kana ũrore Web site iitũ, nĩyo www.isa4310.com/ki, na ũrore rungu rwa kĩongo ARANĨRIA NA ITHUĨ, haarĩa kĩanda.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
