“Ũthamaki Waku Ũũke”—Ihoya Rĩhoyagwo nĩ Andũ Aingĩ
Hihi nĩ ũrĩ wahoya Ũthamaki wa Ngai ũũke? Kwa ihinda rĩa mĩaka mĩingĩ, andũ milioni nyingĩ manacokera ciugo ici maita maingĩ: “Ũthamaki waku ũũke.” Nĩ kĩĩ gĩtũmaga mahoe ũguo? Tondũ Jesu eerire arũmĩrĩri ake mahoyage Ũthamaki wa Ngai ũũke.
Kĩambĩrĩria-inĩ, arũmĩrĩri a Jesu matiataũkagĩrũo nĩ maũndũ mothe marĩa ooigire megiĩ Ũthamaki. Harĩ hĩndĩ ĩmwe maamũririe ũũ: “Mwathani, ihinda rĩrĩ nĩrĩo ũgũcokeria Isiraeli ũthamaki?” No kũhoteke nĩ maagegire rĩrĩa Jesu aagire kũmahe macokio ma ĩmwe kwa ĩmwe. (Atũmwo 1:6, 7) Hihi ũguo nĩ kuuga atĩ tũtingĩhota kũmenya Ũthamaki wa Ngai nĩ kĩĩ na rĩrĩa ũgooka? Aca!
Ngathĩti ĩno ya Mũrangĩri nĩ ĩgũgũteithia kuona macokio ma ciũria ici irũmĩrĩire:
Tũrabatara Ũthamaki wa Ngai nĩkĩ?
Nũũ Mũthamaki wa Ũthamaki wa Ngai?
Ũthamaki wa Ngai ũgaathana thĩinĩ wa thĩ rĩ?
Ũthamaki wa Ngai ũgeeka maũndũ marĩkũ?
Wagĩrĩirũo gũtua itua rĩa kũnyita mbaru Ũthamaki wa Ngai ihinda-inĩ rĩrĩ nĩkĩ?
Ũthamaki wa Ngai nĩ kĩĩ?
Icunjĩ Ingĩ Hihi Ũngĩenda Gũthoma
MŨRANGĨRI
Twagĩrĩire kũhoya Ũthamaki wa Ngai ũke nĩkĩ?
Nĩ ũndũ ũrĩkũ ũkahingio nĩ Ũthamaki wa Ngai ũtangĩhota kũhingio nĩ thirikari o na ĩrĩkũ ya mũndũ?
MORUTANI MA BATA MA BIBILIA
Ũthamaki wa Ngai nĩ Kĩĩ?
Hĩndĩ ĩrĩa Jesu aahunjagia gũkũ thĩ, aarutanaga ũhoro wĩgiĩ Ũthamaki wa Ngai makĩria ya ũndũ ũngĩ o wothe. Kwa ihinda rĩa mĩaka magana maingĩ, arũmĩrĩri ake makoretwo makĩhoya Ũthamaki ũcio ũũke.
