Aingĩ aitũ twaneyonera kĩhooto gĩkĩhotomio na andũ merutanagĩria gwĩka ũrĩa kwagĩrĩire makĩhinyĩrĩrio nĩ andũ oru. Hihi nĩ kũrĩ hĩndĩ wagi wa kĩhooto na maũndũ moru igathira biũ?

Thaburi 37 nĩ ĩcokagia kĩũria kĩu, na ĩgatũhe ũtaaro tũngĩhũthĩra ihinda-inĩ rĩrĩ. Ta rora wone ũrĩa ĩcoketie ciũria ici.

• Twagĩrĩirũo gwĩka atĩa mũndũ angĩtũhinyĩrĩria?—Mũhari wa 1, 2.

• Andũ arĩa aganu magekwo atĩa?—Mũhari wa 10.

• Gũgathiĩ atĩa harĩ arĩa mekaga ũrĩa kwagĩrĩire?—Mũhari wa 11, 29.

• Twagĩrĩirũo gwĩka atĩa ihinda-inĩ rĩrĩ?—Mũhari wa 34.

Thaburi 37 nĩ yonanagia wega atĩ arĩa ‘metagĩrĩra Jehova, na makarũmĩrĩra njĩra yake’ nĩ magaakorũo na ũtũũro mwega mahinda mokĩte. Aira a Jehova no mende mũno gũgũteithia wĩrute Bibilia, nĩguo ũmenye ũrĩa ũngĩka nĩgetha wee na andũ arĩa wendete mũgakorũo na ũtũũro ũcio mwega mahinda mokĩte.