Hihi ũngiuga atĩa?

• Ĩĩ

• Aca

• No gũkorũo

Ũrĩa Bibilia yugaga

“Matukũ-inĩ ma kũrigĩrĩria nĩ gũkaagĩa mahinda ma ũgwati.” (2 Timotheo 3:1) Morathi marĩa marĩ thĩinĩ wa Bibilia o hamwe na maũndũ marĩa marekĩka nĩ maronania atĩ tũratũũra “matukũ-inĩ ma kũrigĩrĩria.”

Nĩ atĩa ũngĩ tũngĩĩruta kuuma Bibilia-inĩ?

• Matukũ-inĩ ma kũrigĩrĩria nĩ kũngĩgaakorũo na mbaara, ng’aragu, ithingithia, na mĩrimũ ĩtangĩhonwo.—Mathayo 24:3, 7; Luka 21:11.

• Matukũ-inĩ ma kũrigĩrĩria, mĩtugo ya andũ ĩngĩgathũka mũno o hamwe na maũndũ mao ma kĩĩroho.—2 Timotheo 3:2-5.

Andũ amwe metĩkĩtie . . . atĩ matukũ ma kũrigĩrĩria magaathira rĩrĩa thĩ ĩkaanangwo o hamwe na andũ arĩa othe matũũraga kuo, nao angĩ merĩgagĩrĩra atĩ maũndũ nĩ marĩagĩra. We ũgwĩciria atĩa?

Ũrĩa Bibilia yugaga

“Arĩa athingu nĩo makagaya thĩ, na gũtũũra mamĩtũũre o nginya tene.”—Thaburi 37:29.

Nĩ atĩa ũngĩ tũngĩĩruta kuuma Bibilia-inĩ?

• Matukũ ma kũrigĩrĩria magaathira rĩrĩa waganu wothe ũkaaniinwo.—1 Johana 2:17.

• Thĩ nĩ ĩkaagarũrũo ĩtuĩke paradiso. —Isaia 35:1, 6.