Marũa Kuuma Kũrĩ Kĩama Kĩrĩa Gĩtongoragia

Kĩama Kĩrĩa Gĩtongoragia kĩa Aira a Jehova nĩ kĩrakũũria ũthome ibuku rĩrĩ ũrĩ wiki na hamwe na famĩlĩ yaku.

Ũhoro wa Kwambĩrĩria

Bibilia nĩ ĩkoragwo na ng’ano nyingĩ cia ma ciĩgiĩ arũme na atumia a wĩtĩkio. Tũngĩgunĩka atĩa nĩ cionereria ciao?

HABILI

‘O na Gũtuĩka nĩ Aakuire, no Aragia’

Tũngĩĩruta ũndũ ũrĩkũ wĩgiĩ Habili na wĩtĩkio wake, o na gũtuĩka ti maũndũ maingĩ make maandĩkĩtwo thĩinĩ wa Bibilia?

NUHU

Aarĩ “Mũthiritũ wa Ngai”

Nuhu aacemanirie na moritũ marĩkũ akĩrera ciana ciake? We na famĩlĩ yake monanirie wĩtĩkio na njĩra ĩrĩkũ rĩrĩa maakire thabina?

IBURAHIMU

“Ithe wa Andũ Arĩa Othe Metĩkĩtie”

Iburahimu onanirie wĩtĩkio na njĩra irĩkũ? Nĩ maũndũ-inĩ marĩkũ ũngĩonania wĩtĩkio ta wa Iburahimu?

RUTHU

‘Kũrĩa Ũgaathiĩ Nokuo Ngaathiĩ’

Nĩ kĩĩ gĩatũmire Ruthu atige famĩlĩ na bũrũri wao? Nĩ ngumo irĩkũ onanirie ciatũmire endwo nĩ Jehova?

RUTHU

‘Mũtumia Mũthingu’

Kũhikania kwa Ruthu na Boazu kwarĩ kwa bata nĩkĩ? Familĩ ingĩĩruta ũndũ ũrĩkũ kuumana na rũgano rwa Ruthu na Naomi?

HANA

Aaitũrũrĩire Ngai Ngoro Yake Mahoya-inĩ

Wĩtĩkio ũrĩa Hana aarĩ naguo harĩ Jehova, nĩ wamũteithirie kũhiũrania na ũndũ mũritũ ũrĩa aahiũranagia naguo.

SAMUELI

‘Aakũrĩire Ũtungata-inĩ wa Jehova’

Nĩ ũndũ ũrĩkũ wa mwanya wĩgiĩ ũrĩa Samueli aarerirũo? Nĩ ũndũ ũrĩkũ wateithirie wĩtĩkio wake ũkũre arĩ hema-inĩ ya gũtũnganwo?

SAMUELI

O na Akua Ngoro nĩ Omĩrĩirie

Ithuothe nĩ tũcemanagia na moritũ na maũndũ mangĩ mageragia wĩtĩkio witũ. Tũngĩĩruta atĩa kuumana na kĩonereria kĩa Samueli kĩa ũkirĩrĩria?

ABIGAILI

Nĩ Onanirie Ũũgĩ

Nĩ ũndũ ũrĩkũ tũngĩĩruta kuumana na ũrĩa Abigaili ahiũranirie na kĩhiko gĩake kĩrĩa kĩarĩ na mathĩna?

ELIJA

Nĩ Aateteire Ũthathaiya Mũtheru

Tũngĩĩgerekania atĩa na Elija kũhiũrania na andũ arĩa mararegana na ũrĩa Bibilia ĩrutanaga?

ELIJA

Nĩ Eehũgire, na Agĩeterera

Mũnabii Elija onanirie atĩa atĩ nĩ aarĩ na wĩtĩkio harĩ kĩĩranĩro kĩa Jehova?

ELIJA

Nĩ Eehokire Ngai Wake Amũmĩrĩrie

Nĩ maũndũ marĩkũ maatũmire Elija akue ngoro biũ o na nginya akiuga kaba gũkua?

JONA

Nĩ Eerutire Kuumana na Mahĩtia Make

Hihi wanaigua guoya ta ũrĩa Jona aaiguaga thutha wa kũheo wĩra ta ũcio? Rũgano rwake nĩ rũtũrutaga ithomo rĩa bata rĩgiĩ ngumo cia Jehova ta wetereri na tha.

JONA

Nĩ Eerutire Kuonania Tha

Rũgano rwa Jona rũngĩtũteithia atĩa gwĩthuthuria?

ESITERI

Aarũĩrĩire Andũ a Ngai

Nĩ tũrabatara wĩtĩkio na ũcamba nĩguo tuonanie roho wa kwĩima ta ũrĩa Esiteri onanirie.

ESITERI

Aarĩ na Ũũgĩ, Ũcamba, na Ndeeyendete

Esiteri onanirie atĩa atĩ nĩ endete Jehova na andũ ake?

MARIAMU

‘Niĩ ndĩ Ngombo ya Mwathani’

Ũrĩa Mariamu aaiyũkirie ndũmĩrĩri ya mũraika Gaburieli wonanagia atĩa atĩ aarĩ na wĩtĩkio? Nĩ ngumo irĩkũ ingĩ cia bata Mariamu onanirie?

MARIAMU

‘Aacũranagia Maũndũ na Ngoro Yake’

Maũndũ marĩa Mariamu aacemanirie namo arĩ Bethilehemu nĩ mamũteithirie kũgĩa na wĩtĩkio mũrũmu harĩ ciĩranĩro cia Jehova.

JUSUFU

Aarũmbũyirie Famĩlĩ na Agĩtũũria Wĩhokeku

Jusufu aarũmbũyirie famĩlĩ yake na njĩra irĩkũ? Nĩkĩ gĩatũmire atware Mariamu na Jesu Misiri?

MARITHA

“Niĩ Nĩnjĩtĩkĩtie”

Maritha onanirie wĩtĩkio na njĩra ĩrĩkũ o na arĩ na kĩeha?

PETERO

Nĩ Aatooririe Guoya na Mathangania

Gũthangania no gũkorũo na moimĩrĩro moru mũno harĩ wĩtĩkio wa mũndũ. Ĩndĩ Petero nĩ aatooririe guoya na mathangania megiĩ kũrũmĩrĩra Jesu.

PETERO

Aarĩ Mwĩhokeku Nginya Hĩndĩ ya Magerio

Wĩtĩkio wa Petero na wĩhokeku wake wamũteithirie atĩa rĩrĩa aarũngirũo nĩ Jesu?

PETERO

Nĩ Eerutire Kuohanagĩra

Jesu aarutire Petero ũndũ ũrĩkũ wĩgiĩ kuohanĩra? Jesu onanirie atĩa atĩ nĩ oheire Petero?