ITHOMO RĨA 19
Hihi Aira a Jehova nĩ Akristiano a Ma?
Ithuĩ Aira a Jehova twĩtĩkĩtie atĩ tũrĩ Akristiano a ma. Nĩkĩ? Reke tuone wĩtĩkio witũ wĩhocetie harĩ kĩĩ, rĩĩtwa rĩrĩa rĩtũmaga tũkorũo tũrĩ ngũrani, na wendo ũrĩa tũkoragwo naguo gatagatĩ-inĩ gaitũ.
1. Aira a Jehova makoragwo mahocetie wĩtĩkio wao harĩ kĩĩ?
Jesu ooigire “kiugo [kĩa Ngai] nĩkĩo ma.” (Johana 17:17) O ta Jesu, hingo ciothe Aira a Jehova mahocagia wĩtĩkio wao Kiugo-inĩ kĩa Ngai. Reke tuone ũrĩa tũkoretwo tũgĩka ũguo. Mũthia-inĩ wa karine ya 19, gĩkundi kĩa arutwo a Bibilia nĩ kĩaambĩrĩirie gũthuthuria Bibilia na kinyi. Maambĩrĩirie kũhũthĩra Bibilia ĩrĩ mũthingi wa maũndũ marĩa metĩkĩtie, o na rĩrĩa maũndũ macio mataratwarana na morutani ma kanitha. Magĩcoka makĩambĩrĩria kwĩra andũ arĩa angĩ maũndũ macio meerutaga kuuma Bibilia-inĩ. a
2. Twĩĩtaga Aira a Jehova nĩkĩ?
Jehova etaga athathaiya ake aira ake tondũ nĩ meraga andũ arĩa angĩ ũhoro wa ma ũmwĩgiĩ. (Ahibirania 11:4–12:1) Kwa ngerekano, mahinda-inĩ ma tene, Ngai eerire andũ ake ũũ: “Inyuĩ nĩ inyuĩ aira akwa.” (Thoma Isaia 43:10.) Jesu etĩtwo “Mũira Ũrĩa Mwĩhokeku.” (Kũguũrĩrio 1:5) Nĩ ũndũ ũcio, mwaka-inĩ wa 1931 nĩ twaambĩrĩirie gwĩtwo Aira a Jehova. Tuonaga arĩ gĩtĩo gwĩtwo ũguo.
3. Aira a Jehova megerekanagia na Jesu atĩa harĩ kuonania wendo?
Jesu nĩ eendete arutwo ake mũno ũũ atĩ aamonaga mahaana ta aarĩ na ariũ a nyina. (Thoma Mariko 3:35.) O ũndũ ũmwe na ũcio, Aira a Jehova makoragwo marĩ famĩlĩ ĩmwe ya thĩ yothe ĩrĩ na ũrũmwe. Nĩkĩo twĩtanaga mũrũ wa Ithe witũ kana mwarĩ wa Ithe witũ. (Filemona 1, 2) Ningĩ nĩ twathĩkagĩra rĩathani rĩrĩ: “Koragwoi na wendo harĩ thiritũ yothe ya ariũ a Ithe witũ.” (1 Petero 2:17) Aira a Jehova nĩ monanagia wendo ũcio na njĩra nyingĩ ta gũteithia aarĩ na ariũ a Ithe witũ kũndũ gũtiganĩte thĩinĩ wa thĩ rĩrĩa marabatara ũteithio.
THUTHURIA MAKĨRIA
Reke twĩrute makĩria ũhoro wĩgiĩ historĩ ya Aira a Jehova, na tuone ũira ũngĩ wa kuonania atĩ tũrĩ Akristiano a ma.
Akristiano a ma mahocagia wĩtĩkio wao Bibilia-inĩ na nĩ mamenyithagia andũ arĩa angĩ maũndũ marĩa metĩkĩtie
4. Tũhocagia wĩtĩkio witũ Bibilia-inĩ
Jehova nĩ aarathĩte atĩ ũhoro wa ma ũrĩa ũrĩ thĩinĩ wa Bibilia nĩ ũngĩgataũkĩka wega. Thomai Danieli 12:4 na kohoro ka magũrũ-inĩ, mũcoke mwarĩrĩrie kĩũria gĩkĩ:
-
Nĩ kĩĩ ‘kĩngĩkaingĩha’ gatagatĩ-inĩ ka andũ a Ngai o ũrĩa mangĩathiire na mbere gũthuthuria Bibilia?
Rora wone ũrĩa Charles Russell hamwe na arutwo angĩ a Bibilia maathuthuragia Kiugo kĩa Ngai. Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Kũringana na video ĩyo-rĩ, Charles Russell hamwe na Arutwo acio angĩ a Bibilia maathuthuragia Bibilia atĩa?
Hihi nĩ ũĩ?
Rĩmwe na rĩmwe twaneka mogarũrũku harĩ maũndũ mamwe marĩa twĩtĩkĩtie. Nĩkĩ? O ta ũrĩa gũthiaga gũgĩthererũkaga kahora kahora o ũrĩa riũa rĩraratha, noguo Ngai atũteithagia gũtaũkĩrũo nĩ Kiugo gĩake kahora kahora. (Thoma Thimo 4:18.) Nĩ ũndũ ũcio, o na gũtuĩka Bibilia ndĩcenjagia, nĩ twĩkaga mogarũrũku harĩ maũndũ marĩa twĩtĩkĩtie o ũrĩa tũrathiĩ tũgĩtaũkagĩrũo nĩyo.
5. Nĩ tũtũũraga kũringana na rĩĩtwa ritũ
Twaambĩrĩirie gwĩtwo Aira a Jehova nĩkĩ? Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Nĩ kĩĩ kĩngĩtũma tuuge atĩ rĩĩtwa Aira a Jehova nĩ rĩagĩrĩru?
Jehova athuurĩte andũ matuĩke aira ake nĩkĩ? Nĩgetha mamenyithanie atĩ we nĩwe Ngai ũrĩa wa ma, tondũ nĩ gũtheremetio maheeni maingĩ mamwĩgiĩ. Reke tuone maũndũ merĩ ma maheeni matheremetio.
Ndini imwe irutaga arũmĩrĩri a cio atĩ Ngai nĩ endaga mahũthĩre mĩhianano ũthathaiya-inĩ. No ta thomai Maũndũ ma Alawii 26:1, mũcoke mwarĩrĩrie ciũria ici:
-
Kũringana na rĩandĩko rĩu-rĩ, ũhoro wa ma nĩ ũrĩkũ? Jehova aiguaga atĩa igũrũ rĩgiĩ mĩhianano?
Atongoria amwe a ndini marutanaga atĩ Jesu nĩ Ngai. No ta thomai Johana 20:17, mũcoke mwarĩrĩrie ciũria ici:
-
Kũringana na rĩandĩko rĩu-rĩ, ũhoro wa ma nĩ ũrĩkũ? Hihi Jesu na Ngai nĩ mũndũ ũmwe?
-
Kũmenya atĩ Jehova nĩ atũmĩte Aira ake makahunjie ũhoro wa ma ũmwĩgiĩ na wĩgiĩ Mũrũ wake kũratũma ũigue atĩa?
6. Nĩ twendanĩte
Bibilia ĩringithanagia Akristiano na ciĩga itiganĩte cia mwĩrĩ. Thomai 1 Akorintho 12:25, 26, mũcoke mwarĩrĩrie ciũria ici:
-
Akristiano a ma magĩrĩirũo gwĩka atĩa rĩrĩa Akristiano arĩa angĩ marĩ na thĩna?
-
Nĩ ũndũ ũrĩkũ wonete wĩgiĩ wendo gatagatĩ-inĩ ka Aira a Jehova?
Rĩrĩa Aira a Jehova gĩcigo-inĩ kĩmwe gĩa thĩ magĩa na thĩna, aarĩ na ariũ a Ithe witũ kuuma kũndũ gũtiganĩte thĩinĩ wa thĩ nĩ merutagĩra kũmateithia o na ihenya. Nĩguo muone ngerekano ĩmwe, mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Mũbango wa Aira a Jehova wa kũheana ũteithio rĩrĩa amwe ao magĩa na thĩna wonanagia atĩa wendo gatagatĩ-inĩ kao?
Akristiano a ma nĩ monanagia wendo kwerekera arĩa marabatara ũteithio
ANDŨ AMWE MOIGAGA: “Aira a Jehova nĩ ndini njerũ.”
-
Jehova aambĩrĩirie gwĩta athathaiya ake aira ake rĩ?
ŨRĨA TWERUTA
Aira a Jehova nĩ Akristiano a ma. Tũrĩ famĩlĩ ya athathaiya a Jehova arĩa makoragwo mahocetie wĩtĩkio wao Bibilia-inĩ, na mamenyithanagia ũhoro wa ma wĩgiĩ Jehova.
Ciũria cia gũcokera
-
Twaambĩrĩirie gwĩtwo Aira a Jehova nĩkĩ?
-
Tũrũmbũyanagia atĩa?
-
Nĩ ũkuona ta Aira a Jehova marĩ Akristiano a ma?
RIKĨRA
Wĩrute makĩria ũhoro wĩgiĩ historĩ itũ.
Aira a Jehova—Kuonania Wĩtĩkio na Ciĩko, Gĩcunjĩ kĩa 1: Kũrutwo Nduma-inĩ (1:00:53)
Rora wone ngerekano ya ũrĩa Aira a Jehova manoimbũrania morutani ma maheeni.
Thoma wone macokio ma ciũria iria ũngĩkorũo nacio ciĩgiĩ Aira a Jehova.
“Ciũria Iria Ciũragio Kaingĩ Ciĩgiĩ Aira a Jehova” (Gĩcunjĩ thĩinĩ wa jw.org/ki)
Stephen nĩ aathũũrĩte andũ a ndũrĩrĩ ingĩ mũno ũũ atĩ nĩ aamatharĩkagĩra. Thoma wone nĩ kĩĩ oonire gatagatĩ-inĩ ka Aira a Jehova gĩgĩtũma agarũrũke.
“Ũtũũro Wakwa Wathiaga Ũgĩthũkaga o Gũthũka” (Mũrangĩri, Julaĩ 1, 2015)
a Kuuma mwaka wa 1879, andũ a Jehova makoretwo magĩcaba ngathĩti ya Mũrangĩri ĩrĩa ĩtaaragĩria ũrĩa Bibilia ĩrutanaga.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
