Thaburi 33:1-22
33 Anĩrĩrai mũkenete nĩ ũndũ wa Jehova, inyuĩ andũ arĩa athingu.+
Nĩ ũndũ mwagĩrĩru harĩ andũ arĩa arũngĩrĩru kũmũgooca.
2 Cokeriai Jehova ngatho mũkĩhũũraga kĩnanda kĩa mũgeeto;Inai nyĩmbo cia kũmũgooca mũkĩhũũraga kĩnanda kĩa ndigi ikũmi.
3 Mũinĩrei rwĩmbo rwerũ;+Hũũrai kĩnanda kĩa ndigi mwĩ na ũũgĩ, mũkĩanagĩrĩra nĩ ũndũ wa gũkena.
4 Nĩ gũkorũo kiugo kĩa Jehova nĩ kĩrũngĩrĩru,+Na maũndũ mothe marĩa ekaga nĩ ma kwĩhokeka.
5 Nĩ endete ũthingu na kĩhooto.+
Thĩ ĩiyũire wendo mwĩhokeku wa Jehova.+
6 Igũrũ rĩombirũo kũgerera kiugo kĩa Jehova,+Na indo ciothe iria irĩ thĩinĩ warĩo* ikĩũmbwo kũgerera roho wa* kanua gake.
7 Acokanagĩrĩria maĩ ma iria ta arĩ thingo amakĩire;+Namo maĩ marĩa mahũyũkaga akamaiga thitoo.
8 Thĩ yothe nĩ ĩĩtigĩre Jehova.+
Aikari a bũrũri ũrĩa ũrĩ maciaro nĩ mamũhe gĩtĩo kĩnene.
9 Nĩ gũkorũo we aaririe, na maũndũ marĩa aaririe makĩhinga;+Aathanire, na maũndũ marĩa aathanire makĩrũma wega.+
10 Jehova nĩ athararĩtie njama cia* ndũrĩrĩ;+Nĩ aharaganĩtie mĩbango ya* ikundi cia andũ.+
11 No matua ma* Jehova megũtũũra tene na tene;+Methugunda ma ngoro yake nĩ ma kuuma njiarũa nginya njiarũa.
12 Gũkena nĩ rũrĩrĩ rũrĩa Jehova arĩ we Ngai waruo,+Andũ arĩa athuurĩte matuĩke ake.+
13 Jehova nĩ aroraga thĩ arĩ igũrũ;Nĩ onaga ariũ othe a andũ.+
14 Arĩ kũu gĩikaro-inĩ gĩake-rĩ,Nĩ aroraga arĩa maikaraga thĩinĩ wa thĩ.
15 Nĩwe mũũmbi wa ngoro ciao othe;Nĩ athuthuragia mawĩra mao mothe.+
16 Gũtirĩ mũthamaki ũhonokagio nĩ mbũtũ nene;+Mũndũ ũrĩ hinya ndahonokagio nĩ hinya wake mũnene.+
17 Mbarathi nĩ kĩĩrĩgĩrĩro kĩa maheeni kĩa ũhonokio;*+Hinya wayo mũnene ti ũũma wa atĩ mũndũ no ahote gwĩthara.
18 Atĩrĩrĩ, riitho rĩa Jehova nĩ rĩroraga arĩa mamwĩtigĩrĩte,+Arĩa metagĩrĩra wendo wake mwĩhokeku,
19 Nĩguo amahonokie* kuuma harĩ gĩkuũNa amatũũrie muoyo hĩndĩ ya ng’aragu.+
20 Ithuĩ twetagĩrĩra Jehova.
Nĩwe ũteithio witũ o na ngo itũ.+
21 Ngoro citũ nĩ ikenaga nĩ ũndũ wake,Tondũ nĩ twĩhokete rĩĩtwa rĩake itheru.+
22 Atĩrĩrĩ Jehova, wendo waku mwĩhokeku ũroikara igũrũ ritũ,+O tũgĩthiaga na mbere gũgweterera.+
Tũũhoro twa magũrũ-inĩ
^ Ũkk., “mbũtũ yarĩo yothe.”
^ Kana “mĩhũmũ ya.”
^ Kana “mĩoroto ya.”
^ Kana “meciria ma.”
^ Kana “mĩoroto ya.”
^ Kana “kĩa ũhootani.”
^ Kana “ahonokie mĩoyo yao.”
