Mika 4:1-13
4 Ihinda-inĩ rĩa mũthia rĩa matukũ,*Kĩrĩma kĩa nyũmba ya Jehova+Nĩ gĩkaahandwo kĩrũmĩte wega igũrũ rĩa tũcũmbĩrĩ twa irĩma,Na nĩ gĩgaatũũgĩrio igũrũ rĩa tũrĩma,Na kũu nĩkuo ikundi cia andũ igaathiaga.+
2 Na ndũrĩrĩ nyingĩ nĩ igaathiĩ na ciuge atĩrĩ:
“Ũkai, nĩ twambatei kĩrĩma-inĩ kĩa JehovaNa tũthiĩ nyũmba-inĩ ya Ngai wa Jakubu.+
Nake nĩ arĩtũrutaga ũhoro wĩgiĩ njĩra ciake,Na ithuĩ tũgeragĩre tũcĩra-inĩ twake.”
Nĩ gũkorũo watho* nĩ ũkooima Zayuni,Na kiugo kĩa Jehova kiume Jerusalemu.
3 Nake nĩ agaatuithania ciira gatagatĩ-inĩ ka ikundi nyingĩ cia andũ+Na arũnge maũndũ harĩ ndũrĩrĩ irĩ hinya cia kũndũ kũraya.
Nao nĩ magaatura hiũ ciao cia njora ituĩke hiũ cia mĩraũNa matimũ mao matuĩke hiũ cia gũceha.+
Rũrĩrĩ rũtikoera rũrĩrĩ rũrĩa rũngĩ rũhiũ rwa njora,O na matikeruta mbaara rĩngĩ.+
4 Magaaikaraga thĩ,* o mũndũ rungu rwa mũthabibũ wake na rungu rwa mũtĩ wake wa mũkũyũ,+Na gũtirĩ mũndũ ũgaatũma maigue guoya,+Nĩ gũkorũo kanua ka Jehova mũnene wa ita nĩko koigĩte ũguo.
5 Tondũ ikundi ciothe cia andũ igaathiaga, o mũndũ na rĩĩtwa rĩa ngai yake,No ithuĩ tũgaathiaga na rĩĩtwa rĩa Jehova Ngai witũ+ tene na tene.
6 Jehova oigĩte atĩrĩ, “Mũthenya ũcio,Nĩ ngaacokanĩrĩria mũndũ ũrĩa wathuaga,Na njokanĩrĩrie ũrĩa ũhurunjũkĩte,+O hamwe na arĩa ndahinyĩrĩirie.
7 Nĩ ngaatũma ũrĩa wathuaga atuĩke matigari,+Na ũrĩa watwarĩtwo kũndũ kũraya ndũme atuĩke rũrĩrĩ rũrĩ hinya;+Na Jehova nĩ arĩathanaga arĩ mũthamaki igũrũ rĩao Kĩrĩma-inĩ gĩa Zayuni,Kuuma rĩu nginya tene na tene.
8 Ha ũhoro waku, wee nyũmba ndaya na igũrũ ya rũũru,O wee karĩma ka mwarĩ wa Zayuni,+Wathani ũrĩa wa mbere* nĩ ũgaagũcokerera, ti itherũ nĩ ũgaagũcokerera,+Ũthamaki ũrĩa wa mwarĩ wa Jerusalemu.+
9 Rĩu-rĩ, nĩ kĩĩ kĩratũma wanĩrĩre na mũgambo mũnene?
Kaĩ ũtarĩ na mũthamaki,Kana hihi ũrĩa ũgũtaaraga nĩ akuĩte,Atĩ nĩkĩo ũnyitĩtwo nĩ ruo ta rwa mũtumia akĩgĩa mwana?+
10 Wĩnyogonde na ũcaye, wee mwarĩ wa Zayuni,O ta mũtumia ũragĩa mwana,Tondũ rĩu nĩ ũgũthiĩ wehere itũũra-inĩ ũgaikarage mĩgũnda-inĩ.
Ũgaathiĩ o nginya Babuloni,+Na kũu nĩkuo ũkaahonokerio;+Kũu nĩkuo Jehova agaakũgũra akũrute guoko-inĩ gwa thũ ciaku.+
11 Ndũrĩrĩ nyingĩ nĩ igaacokanĩrĩra igũũkĩrĩre;Ikoiga ũũ, ‘Reke athahio,Reke maitho maitũ mone ũndũ ũyũ ũkĩhaanĩka harĩ Zayuni.’
12 No matiũĩ meciria ma Jehova,Matitaũkagĩrũo nĩ muoroto wake;Nĩ gũkorũo akaamacokanĩrĩria o ta ciohe iria itinĩtio cia ngano* irĩ kĩhuuhĩro-inĩ.
13 Ũkĩra ũhũũre ngano,* wee mwarĩ wa Zayuni;+Tondũ nĩ ngaagarũra hĩa ciaku ituĩke kĩgera,Na ngarũre mahũngũ maku matuĩke gĩcango,Na nĩ ũkaamemenda ikundi nyingĩ cia andũ.+
Na nĩ ũkaamũrĩra Jehova uumithio wacio ũrĩa ũtarĩ wa kĩhooto,Na indo ciacio ũciamũrĩre Mwathani ũrĩa wa ma wa thĩ yothe.”+
Tũũhoro twa magũrũ-inĩ
^ Kana “Matukũ-inĩ ma kũrigĩrĩria.”
^ Kana “ũrutani.”
^ Kana “Magaatũũra.”
^ Kana “ũrĩa warĩ naguo mbere.”
^ Kana “cairi.”
^ Kana “cairi.”
