Marũa ma Mbere Kũrĩ Athesalonike 5:1-28
5 Atĩrĩrĩ ariũ a Ithe witũ, ũhoro-inĩ wĩgiĩ mahinda na imera, mũtirabatara kwandĩkĩrũo ũndũ o na ũrĩkũ.
2 Nĩ gũkorũo inyuĩ ene nĩ mũĩ wega atĩ mũthenya wa Jehova*+ ũgooka o ta ũrĩa mũici okaga ũtukũ.+
3 Rĩrĩa magaakorũo makiuga, “Thayũ na ũgitĩri!” hĩndĩ ĩyo mwanangĩko wa na ihenya nĩ ũkaamakora o rĩmwe,+ o ta ũrĩa mũtumia ũrĩ na nda anyitagwo nĩ ruo rwa kũgĩa mwana, na matikaahonoka o na atĩa.
4 No inyuĩ ariũ a Ithe witũ-rĩ, mũtirĩ nduma-inĩ, atĩ mũthenya ũcio ũmũkorerere o ta ũrĩa ũngĩkorerera aici,
5 tondũ inyuĩ inyuothe mũrĩ ariũ a ũtheri na ariũ a mũthenya.+ Tũtirĩ a ũtukũ o na kana a nduma.+
6 Nĩ ũndũ ũcio-rĩ, rekei tũtigakome toro ta ũrĩa arĩa angĩ mekaga,+ no nĩ tũikarage twĩiguĩte+ na tũtũũrie ũhoti witũ wa gwĩciria.+
7 Nĩ gũkorũo arĩa makomaga, makomaga ũtukũ, na arĩa marĩagwo nĩ njohi, marĩagwo ũtukũ.+
8 No ithuĩ arĩa tũrĩ a mũthenya-rĩ, rekei tũtũũrie ũhoti witũ wa gwĩciria na twĩhumbe gako ga gĩthũri ka wĩtĩkio na wendo na kĩĩrĩgĩrĩro kĩa ũhonokio kĩrĩ ta ngũbia+
9 nĩ ũndũ Ngai ndaatũthuurire nĩguo tũkorũo nĩ mang’ũrĩ, ĩndĩ aatũthuurire nĩguo tũgĩe na ũhonokio+ kũgerera Mwathani witũ Jesu Kristo.
10 Aakuire nĩ ũndũ witũ,+ nĩgetha o na tũngĩkorũo tũtakomete kana tũkomete-rĩ,* tũgaatũũrania nake.+
11 Nĩ ũndũ ũcio-rĩ, thiĩi na mbere gwĩkĩrana ngoro* na mwakanage mũndũ na ũrĩa ũngĩ,+ o ta ũrĩa mwĩkaga.
12 Rĩu tũramũũria ariũ a Ithe witũ, atĩ mũtĩage arĩa marutaga wĩra na kĩyo gatagatĩ-inĩ kanyu na makamũtongoria thĩinĩ wa Mwathani na makamũtaara;
13 na mũmeciragie na njĩra ya mwanya mũrĩ na wendo nĩ ũndũ wa wĩra wao.+ Koragwoi na thayũ mũndũ na ũrĩa ũngĩ.+
14 Ningĩ-rĩ, tũramũthaitha ariũ a Ithe witũ atĩ mũkaanagie* arĩa mathiaga na mĩthiĩre ĩrĩa ĩtagĩrĩire,+ mũũmagĩrĩrie arĩa mathuthĩkĩte ngoro,* mũtiiragĩrĩre arĩa matarĩ na hinya, na mũkoragwo na wetereri harĩ andũ othe.+
15 Tigagĩrĩrai atĩ gũtirĩ mũndũ ũrarĩha ũũru na ũũru kũrĩ mũndũ o wothe,+ no hingo ciothe thingatagai maũndũ mega gatagatĩ-inĩ kanyu na harĩ andũ arĩa angĩ othe.+
16 Kenagai hingo ciothe.+
17 Hoyagai hingo ciothe.+
18 Cokagiai ngatho nĩ ũndũ wa maũndũ mothe.+ Ũcio nĩguo wendi wa Ngai harĩ inyuĩ thĩinĩ wa Kristo Jesu.
19 Mũtikanahorie mwaki wa roho.+
20 Mũtikanyararage morathi.+
21 Thuthuragiai maũndũ mothe;+ rũmagiai maũndũ marĩa mega.
22 Mwĩthemagei mĩthemba yothe ya waganu.+
23 Ngai wa thayũ we mwene aromũtheria biũ. Naguo roho na muoyo* na mwĩrĩ wanyu ariũ a Ithe witũ, itarĩ na kameni na njĩra o yothe, irotũũrio itarĩ na ũcuke hĩndĩ ya gũkorũo kuo kwa Mwathani witũ Jesu Kristo.+
24 Ũrĩa ũramwĩta nĩ mwĩhokeku, na hatarĩ nganja nĩ egwĩka ũguo.
25 Ariũ a Ithe witũ, thiĩi na mbere gũtũhoera.+
26 Geithiai ariũ a ithe witũ othe na ngeithi theru cia kũmumunyana.
27 Ndĩramwĩhokera ũndũ ũyũ mũritũ thĩinĩ wa Mwathani atĩ mũtigĩrĩre marũa maya nĩ mathomerũo ariũ a Ithe witũ othe.+
28 Ũtugi mũnene wa Mwathani witũ Jesu Kristo ũroikara hamwe na inyuĩ.
Tũũhoro twa magũrũ-inĩ
^ Rora Ũhoro Muongerere A5.
^ Kana “tũkomete gĩkuũ-inĩ.”
^ Kana “kũũmanĩrĩria.”
^ Kana “mũtaarage.”
^ Kana “arĩa makuĩte ngoro.”
^ Kĩngiriki, psy·kheʹ. Rora Ũthathaũri wa Ciugo.
