LIÇÃO 01

Topẽ Vĩ Rá hã ren kỹ ã ajũna ke tĩ?

TI VEN NĨ

Hẽn ri ke mũn, ẽg tỹ vẽnh ki jẽmẽg tĩ, vẽnh vẽsỹrénh to, ũn ter ja to, kar nén ũ tỹ hãn ri kenh ke mũ ag to. Ẽg tỹ nén ũ tỹ hãn ri ke tĩ ag to krĩ kufy nỹtĩ gé. Ẽg hã ren kỹ jãnkamy nỹtĩnh mũ, kar ẽg família hã ren kỹ mỹ há nỹtĩnh mũ ti. Ũn e ag vỹ kanhrãnrãn mũ, Topẽ Vĩ Rá vỹ ag tỹ nén ki kanhrãn sór mũ ag to kãmén há tĩ. Kar ti vĩ vỹ ẽg jyvẽn tĩ, ẽg tỹ mũ há han jé. Ã hã mỹ, Topẽ Vĩ Rá mỹ ã tỹ ũn ki kanhrãn nĩ ajũna kenh ke mũ hãn?

1. Topẽ Vĩ Rá vỹ nén ũ ag tỹ ne to kãmén há tĩ?

Topẽ Vĩ Rá vỹ ẽg tỹ nén ki kanhrãn sór mũ ag to kãmén tĩ. Hã re mũn ẽg tỹ vẽnh ki jãmãg tĩ: Ũn mỹ nén ũ kar hyn han kỹ nĩ hãn? Ne tugnĩn ẽg vỹ nỹtĩg tĩ? Ũn ag ne tugnĩn vẽsỹrinhrénh tĩ? Ũn tỹ ter kỹ, ne nỹ ti mỹ hãn ri ke tĩ? Ũn ag tỹ jagnẽ mré há nỹtĩ sór ra, ũn ag ne tugnĩn jagnẽ to jũgjũ tĩ? Ne nỹ Ga mỹ hãn ri kenh ke mũ? Nén ũ kórég tũ vẽ, nén ũ tag ag to jykrén mũ ti. Ũn e ag vỹ kanhrãnrãn mũ, Topẽ Vĩ Rá vỹ nén ũ tag ag to kãmén há tĩ.

2. Topẽ Vĩ Rá hã ren kỹ ẽg ajũna ke tĩ, ẽg tỹ mỹ há nỹtĩ kãfór jé?

Topẽ Vĩ Rá vỹ família ag jyvẽn tĩ, ag tỹ mũ há han jé. Topẽ vĩ vỹ ẽg mỹ kãmén tĩ ẽg ne han ke nỹtĩ, ẽg tỹ nén ũ ag to krĩ kufy kamã tũ jé, kar ẽg rãnhrãj ki mỹ sigsér nỹtĩ kãfór jé. Popé tag vỹ ã ajũna kenh mũ, ã tỹ ki kanhrãn jé, Topẽ Vĩ Rá ne kãmén tĩ, nén ũ tag ag to, kar nén ũꞌũ ag to ke gé. Hã re mũn ã tỹ kri finh ke mũ, nén tỹ Topẽ Vĩ Rá ki ránrán kỹ nỹtĩ ag vỹ tỹ “vẽnh vĩ há” nỹtĩ, ẽg mỹ. — 2 Timóteo 3:16.

Popé tag pi Topẽ Vĩ Rá kãfór nĩ. Hã ra ti vỹ ã ajũna kenh mũ, ã tỹ Topẽ Vĩ Rá ki kanhrãn nĩ kãfór jé. Hã kỹ vãsãn nĩ, ã tỹ Topẽ Vĩ Rá vẽnh rá tỹ popé ki ránrán kỹ nỹtĩ ag le ke jé, kar ã tỹ nén ũ ag to kanhrãn mũ ag tugnỹm nĩ, Topẽ Vĩ Rá ki.

VẼNH KANHRÃN KÃFÓR NĨ

Ha vé, Topẽ Vĩ Rá hã ren kỹ ũn ag ajũna ke tĩ ti, kar ã hã ren kỹ Topẽ Vĩ Rá le ke to há ke mũ ti. Kar ũn tỹ ã ajũna ken kỹ, ã tỹ Topẽ Vĩ Rá to kanhrãn jé, tag ne tugnĩn ã mỹ há nĩnh mũ ti.

3. Topẽ Vĩ Rá vỹ ẽg tỹ mũ há han tĩ

Topẽ Vĩ Rá vỹ ratérnã jẽngrẽ tar ri ke nĩ. Ti vỹ ẽg ajũna ke tĩ, ẽg tỹ nén ũ ag kuprãg há han jé, kar Topẽ vĩ vỹ ẽg mỹ kãmén tĩ, nén ũ tỹ hãn ri kenh ke mũ ag ti.

Salmo 119:105 le kem nĩ. Kar kỹ jagnẽ mré vẽmén nĩ, nén ũ tag ag to:

Ũn tỹ vẽnh rá tag rán ja ẽn ne Topẽ Vĩ Rá to jykrén tĩ vã?
Ã ne Topẽ Vĩ Rá to jykrén tĩ?

4. Topẽ Vĩ Rá vỹ ẽg tỹ nén ki kanhrãn sór tĩ ag to kãmén tĩ

Prỹg e kãmĩ, ũn kanhrãn fã fi vỹ vẽnh ki jẽmẽg tĩ vã, nén ũ ag to. Ha vé Topẽ Vĩ Rá hã ren kỹ fi ajũna ké. Ha vé VÍDEO ti. Kar jagnẽ mré vẽmén nĩ, nén ũ tag ag to:

VÍDEO: To vãsãn hã ki tĩm nĩ! (1:48)

Vídeo ki, vẽnh kanhrãn fã fi ne vẽnh ki jẽmẽg tĩ vã?
Topẽ Vĩ Rá to kanhrãn mũ hã ren kỹ fi ajũna ké?

Topẽ Vĩ Rá vỹ ẽg jyvẽn tĩ, ẽg tỹ nén ki kanhrãn sór mũ ag to vãsãnsãn hã ki mũ jé. Mateus 7:7 le kem nĩ. Kar jagnẽ mré vẽmén nĩ, tag to:

Ã ne ki kanhrãn sór tĩ, Topẽ Vĩ Rá kãki?

5. Ã tỹ Topẽ Vĩ Rá le ke to há nĩnh mũ

Ũn e ag vỹ Topẽ Vĩ Rá le ke to há tĩ, tag vỹ ag ajũna ke tãvĩ tĩ. Ha vé VÍDEO ti. Kar jagnẽ mré vẽmén nĩ, nén ũ tag ag to:

VÍDEO: Topẽ Vĩ Rá to jẽn (2:05)

Vídeo ki, ũn kyrũ kar ũn tytãg fag ne tugnĩn vẽnh rá le ke to há tũ nỹtĩ?
Hã ra fag ne tugnĩn Topẽ Vĩ Rá le ke to há tĩ?

Topẽ Vĩ Rá vỹ ẽg tar han tĩ, kar ẽg tỹ nén ũ há tỹ hãn ri kenh ke mũ ag to jykrén han tĩ gé. Salmo 19:7 le kem nĩ. Kar jagnẽ mré vẽmén nĩ, tag to:

Ã mỹ Topẽ Vĩ Rá tỹ nén tó tĩ ag to kanhrãn kãfór sór tĩ, ẽg tar han mũ to, kar nén ũ há tỹ hãn ri kenh ke mũ ag to?

6. Ũnꞌũ ag vỹ ẽg ajũna ke tĩ, ẽg tỹ Topẽ Vĩ Rá ki kanhrãn nỹtĩ jé

Ũn ag tỹ ag pir mỹ Topẽ Vĩ Rá le ke tĩ, hã ra ũn e ag mỹ, ag tỹ ũn mré vẽmén kỹ, Topẽ Vĩ Rá to, tag vỹ ag ajũna ke tĩ. Han kãme (Atos) 8:26-31 le kem nĩ. Kar jagnẽ mré vẽmén nĩ, tag to:

Ẽg hẽ ren kỹ Topẽ Vĩ Rá to kanhrãnrãn ke mũ?—Ha vé, 30 sĩ kar 31 ti.

Vẽnh rá tỹ Han kãme (Atos) ki, ũn pi Topẽ Vĩ Rá ki kanhrãn nĩ vã, kỹ tóg ũnꞌũ mỹ to vĩ mũ, ti ajũna ke jé. Ũri ke gé, ũn e ag mỹ, ag tỹ ũnꞌũ mré vẽmén kỹ, Topẽ Vĩ Rá to, tag vỹ ag ajũna ke tĩ.

ŨN PIPIR AG VỸ KE TĨ: “Topẽ Vĩ Rá to kanhrãn mũ pi ã mỹ há nĩꞌ.”