LIÇÃO 28
Jeová kar Jesus ag vỹ ã ajũna ké, ã hã ren kỹ ag mỹ agradece kenh mũ?
Ũn mré ke vỹ ã mỹ nén ũ há nĩm kỹ, ã ne tag to jykrén tĩ? Hã re mũn, ã tỹ mỹ sér tãvĩ nĩ kar ã tỹ ti mỹ agradece ke sór tĩ. Jeová kar Jesus vỹ ẽg mỹ nén ũ há kãfór nĩm mũ: Jesus vỹ ẽg jagfy ter ja ti. Ẽg hã ren kỹ ag mỹ agradece kenh ke mũ?
1. Ẽg hã ren kỹ Jeová kar Jesus mỹ ven tĩ, ẽg tỹ mỹ há nỹtĩ, Jesus tỹ jagfy ter ja tugnĩn?
Topẽ Vĩ Rá vỹ ẽg mỹ ke tĩ ‘ũn tỹ ti ki ge rã jé, ti tỹ tũꞌ he tũ nĩ jé, ti tỹ ẽg rĩr krỹg ja tũ ẽn ven jé’. (João 3:16) Hã ra, ne nỹ Topẽ ki rã ti? Tag to ken hã vẽ hã vỹ ẽg tỹ Jesus kri fig pẽ nỹtĩ, hã ra ẽg tỹ ti vĩ ki króm ke nỹtĩ, ẽg tỹ nén ũ kuprẽg kỹ kar ẽg tỹ nén ũ ag hyn han kỹ. (Tiago 2:17) Ẽg tỹ ge han kỹ, ẽg tỹ Jesus kar ti panh Jeová mré há kãfór nỹtĩnh ke mũ. — João 14:21 le kem nĩ.
2. Kurã há ki tỹ ne ẽg tỹ Jeová kar Jesus mỹ ven tĩ, ẽg tỹ mỹ há nỹtĩ, Jesus tỹ jagfy ter ja tugnĩn?
Jesus ter ja kuty ẽn ke jo, Jesus tóg ti nón mũnh fã ag mỹ ag tỹ ti jagfy ter ja agradece ke jé. Jesus tóg ag mỹ kãmén mũ, ag tỹ kurã há ki vẽnhmãn jé, kurã há tỹ tỹ Jesus ter mĩ ẽkrén fã ti. (1 Corinto 11:20) Jesus vỹ ti apóstolo ag kar Cristo mré ke pẽ ag tỹ ti ter ja mĩ ãkrén tĩ ve sór tĩ vã. Hã kỹ ti tóg: ‘Kỹ inh mĩ ẽkrén nĩ.’ (Lucas 22:19) Ã tỹ vẽnhmãn Jesus tỹ ter mĩ ẽkrén fã venh tĩg kỹ, ã tỹ Jeová kar Jesus agradece ke tĩ, ag tỹ ẽg to há nĩ tugnĩn.
VẼNH KANHRÃN KÃFÓR NĨ
Ha vé ã tỹ nén ũ hyn han ke nĩ, ã tỹ Jeová kar Jesus agradece ke jé. Kar vẽnhmãn tỹ Jesus ter mĩ ẽkrén fã ne tugnĩn ẽg mỹ há nĩ ti.
3. Nén ũꞌũ hyn han nĩ, ã tỹ ũ mỹ agradece ke jé
Ha to ãkrén tĩ: ã tỹ goj ki, ã tỹ ki pun tĩ, ã tỹ ter kren nĩ, hã ra ũn tỹ ã ajũna ke tĩ, ã tỹ kren han jé. Ã mỹ ti kã jatun ke mũ hẽn? Ke tũ nĩn kỹ ã mỹ ti agradece ke mũ hẽn?
Jeová tỹ ẽg ajũna ke tĩ, ẽg tỹ rĩr krỹg ja tũ ve jé. 1 João 4:8-10 le kem nĩ. Kar jagnẽ mré vẽmén nĩ, nén ũ tag ag to:
-
Jesus vỹ ẽg jagfy ter ja vỹ ũn tỹ ẽg nén ũ há nĩm tĩ, ri ke nĩ. Mỹ ne tugnĩn?
-
Jeová kar Jesus vỹ ẽg ajũna ké. Ã ne tag to jykrén tĩ?
Jeová kar Jesus ag vỹ ẽg ajũna ke tĩ, ẽg hã ren kỹ ag agradece ke tĩ? 2 Corinto 5:15 kar 1 João 4:11; 5:3 le kem nĩ. Vẽnh rá ag le ke ke kar, kar jagnẽ mré vẽmén nĩ, tag to:
-
Vẽnh rá ag ki, ẽg ne hyn han ke nỹtĩ, ẽg tỹ agradece ke jé?
4. Jesus kãgran nĩ
Ẽg tỹ Jesus kãgran nỹtĩn kỹ, tag vỹ ẽg ajũna ke tĩ ẽg tỹ ti agradece ke jé. 1 Pedro 2:21 le kem nĩ. Kar jagnẽ mré vẽmén nĩ, tag to:
-
IÃ ne hyn han ke nĩ, ã tỹ Jesus kãgran jé?
Jesus vỹ Topẽ Vĩ Rá to há tĩ vã, ti tỹ Topẽ vĩ to kãmén tĩ vã kar ũn ag mỹ ajũna ke tĩ vã.
5. Vẽnhmãn tỹ Jesus ter mĩ ẽkrén fã tỹ venh tĩm nĩ
à tỹ vẽnhmãn vén ki kanhrã jé, Lucas 22:14, 19, 20 le kem nĩ. Kar jagnẽ mré vẽmén nĩ, nén ũ tag ag to:
-
Ne nỹ hãn ri ke ke vẽnhmãn tag ki?
-
Ne nỹ ẽmĩ ti kar vĩjũ ti? — Ha vé nũmro 19 kar 20 sĩ.
Jesus vỹ ti nón mũnh fã ag mỹ ke ja nĩ, ag tỹ jagnẽ vẽnhmãn jé, ag tỹ ti ter mĩ ẽkrén jé. Hã kỹ Jeová Kãmén Fã ag vỹ prỹg kar ki ag vỹ jagnẽ vẽnhmãn tĩ, ag tỹ Jesus tỹ ẽg jagfy ter ja mĩ ãkrén jé. Vẽnhmãn tỹ Jesus ter mĩ ẽkrén fã to kanhrãn jé, ha vé VÍDEO ti. Kar jagnẽ mré vẽmén nĩ, tag to:
-
Ne nỹ hãn ri ke ke, Vẽnhmãn tỹ Jesus ter mĩ ẽkrén fã ti?
Vẽnhmãn tỹ Jesus ter mĩ ẽkrén fã ki, ẽmĩ ti tỹ tỹ Jesus ti corpo ri ke nĩ, ti tỹ ẽg jagfy ke. Vĩjũ tỹ tỹ ti kyvénh ri ke nĩ.
ŨN PIPIR AG VỸ KE TĨ: “Ã tỹ Jesus kri fi kỹ, ã tỹ vẽnh kren han ke mũ.”
-
João 3:16 kar Tiago 2:17 kri, ã hã ren kỹ ti mỹ kãmén ke mũ, ti tỹ nén ũꞌũ hyn han ke nĩ gé?
à NE KANHRÃN JA TI
Ẽg tỹ Jesus kri fi tĩ kar ẽg tỹ vẽnhmãn tỹ Jesus ter mĩ ẽkrén fã venh tĩg kỹ, ẽg tỹ Jeová kar Jesus mỹ ven tĩ, ẽg tỹ mỹ há nỹtĩ, Jesus ter ja ẽg jagfy tugnĩn.
Jykrinkrén mũ
-
Ne nỹ Jesus ki rã ti?
-
à hã ren kỹ vẽnh kar mỹ ven sór tĩ, ã tỹ mỹ há nĩ, Jesus ter ja ẽg jagfy tugnĩn?
-
Ne tugnĩn ẽg mỹ há nĩ, ẽg tỹ vẽnhmãn tỹ Jesus ter mĩ ẽkrén fã venh tĩg kỹ?
VẼNH KANHRÃN KÃFÓR MŨ
Jesus ter ja ẽg jagfy tugnĩn, ẽg ne han ke nỹtĩ?
Vẽnh kanhrãn kãfór nĩ, ne nỹ Topẽ ki ge ti to.
“Jeová vỹ nén ũ kar tó ja, kri fim nĩ.” (A Sentinela, outubro tỹ 2016)
Vẽnh rá ki “Isỹ jãnhkrĩg nĩ, kar sỹ rĩr tĩ, kar tỹ inh mỹ há tãvĩ tĩg nĩ”, ha vé ne nỹ ũn tỹtá fi mỹ hãn ri ke ke fi tỹ Jesus vỹ ẽg jagfy ter ja ki kanhrãn kỹ.
“Topẽ Vĩ Rá vỹ ũn ag ajũna ke tĩ” (A Sentinela, 1.º tỹ agosto tỹ 2011)
Ha kanhrãn nĩ, vẽnhmãn tỹ Jesus ter mĩ ẽkrén fã ki, ũn pir ne tugnĩn ẽmĩ ko kar vĩjũ kron tĩ ti.
“Vẽnhmãn tỹ Jesus ter mĩ ẽkrén fã ti— Jeová Kãmén Fã ag ne tugnĩn ge han tĩ?” (Vẽnh rá tỹ jw.org)
