Jesus vỹ ẽg mỹ kãmén tĩ, Cristo mré ke pẽ ag vỹ vẽnh kygpem ke nỹtĩ. (Mateus 28:19, 20 le kem nĩ.) Hã ra ne nỹ vẽnh kype tĩ? Kar ũn tỹ vẽnh kype sór kỹ, ti ne hyn han ke nĩ?

1. Ne nỹ vẽnh kype tĩ?

Grego vĩ ki vẽnh vĩ tỹ “vẽnh kype” to ken hã vẽ hã vỹ “ki pun ke”. Tag vỹ hãn ri ke ke Jesus vỹ vẽnh kype kỹ goj tỹ Jordão ki, ti vỹ ki pun ke goj ki. Ẽg tỹ tag ki kanhró tĩ, ti vỹ ‘goj kãtá kãkutẽ’ mũ. (Marcos 1:9, 10) Jesus ri ke, ũn tỹ Cristo mré ke pẽ ag vỹ vẽnh kype kỹ, ag vỹ ki punpun ke goj ki.

2. Ũn tỹ vẽnh kype kỹ ti tỹ nén ũ tỹ ne ũn ag mỹ ven tĩ?

Ũn tỹ vẽnh kype kỹ ti vỹ ũn ag mỹ ven tĩ, ti vỹ Jeová mỹ vẽnh fẽg tĩ. Ti hã ren kỹ tag han tĩ? Vẽnh kype ke jo, ti vỹ Jeová mré vĩ tĩ, kar ti mỹ tó ja: Isỹ ã mỹ rãnhrãj sór nĩgtĩ. Ti vỹ tó ja ti vỹ Jeová tãvĩn mỹ vĩ há han ke mũ. Kar ti vỹ Jeová vĩ ki króm tĩ vỹ ã mỹ há kãfór nĩ. Ti vỹ “jykre tovãnh nĩ” kar Jesus tỹ vẽnh kanhrãn ja ẽn ki króm ke mũ. (Mateus 16:24) Ũn tỹ Jeová mré há nĩnh ke mũ, kar ũn ag tỹ ti mỹ rãnhrãj tĩ vỹ mré há nĩnh ke gé, ti vỹ Jeová mỹ vẽnh fẽg kar ti tỹ vẽnh kype nĩ, tugnĩn.

3. Ũn tỹ vẽnh kype sór kỹ, ti ne hyn han ke nĩ?

à tỹ vẽnh kype ke jo, ã tỹ Jeová to kanhrãn kar ti kri fi tãvĩ ke nĩ. (Hebreu 11:6 le kem nĩ.) à tỹ ki han kỹ, ã tỹ Jeová to há kãfór nĩnh ke mũ. Kỹ ã tỹ hã vỹ ũn ag mỹ Topẽ vĩ to kãmén sór ke mũ kar ã tỹ Jeová vĩ ki króm sór ke mũ gé. (2 Timóteo 4:2; 1 João 5:3) Ũn tỹ Jeová mỹ ven tĩ, ti tỹ vẽnh fẽg kar vẽnh kype sór ke mũ, Topẽ “jykre ki króm” han kỹ. (Colossos 1:9, 10) a — Ha vé vẽnh rá sĩ ti.

 VẼNH KANHRÃN KÃFÓR NĨ

4. Topẽ Vĩ Rá vỹ ẽg mỹ kãmén tĩ, Jesus vẽnh kype to, ẽg ne kanhrãnrãn tĩ?

Mateus 3:13-17 le kem nĩ, ã tỹ Jesus vẽnh kype to, vẽnh kanhrãn kãfór jé. Kar jagnẽ mré vẽmén nĩ, nén ũ tag ag to:

• Jesus vỹ vẽnh kype kỹ ti mỹ ũn sĩ nĩ vã hẽn?

• Ti hã ren kỹ vẽnh kype kỹ nĩ? Ũn tóg goj Jesus krĩ kri mỹ kujẽn ke nĩ hẽn?

Jesus vẽnh kype ke kar, ti vỹ vẽnh rãnhrãj há tãvĩ rã mũ. Lucas 3:21-23 kar João 6:38 le kem nĩ. Kar jagnẽ mré vẽmén nĩ, tag to:

• Jesus vẽnh kype ke kar, vẽnh rãnhrãj tỹ ne ti mỹ há kãfór nĩ?

5. Ã tỹ vẽnh kype ke mũ

Kejẽn, ã tỹ Jeová mỹ vẽnh fẽg to kar vẽnh kype to jykrén kỹ, ã mỹ tag vỹ jagy nĩ, ã tỹ hyn han nĩ jé. Hã ra, ã tỹ Jeová to kanhrãn kãfór kar ti vĩ ki króm kỹ, tag vỹ ã ajũna ke tĩ, ã tỹ kuprẽg ti han jé. Ha vé ũn pir ag vỹ ge han tĩ. Ha vé VÍDEO ti.

João 17:3 kar Tiago 1:5 le kem nĩ. Kar jagnẽ mré vẽmén nĩ, tag to:

• Nén ũ tỹ ne ũn tỹ ajũna ke tĩ, ti tỹ vẽnh kãn tĩ, ti tỹ vẽnh kype jé?

1. Ẽg tỹ Jeová mỹ: ‘Isỹ ã mỹ rãnhrãj krỹg ja tũ ke mũ’, ken kỹ ẽg vỹ Jeová mỹ vẽnh fẽg tĩ sir

2. Ẽg tỹ vẽnh kygpe kỹ, ẽg tỹ ũn ag mỹ vinven tĩ, ẽg tỹ Topẽ mỹ vẽnh fẽg mũ

 6. Ẽg tỹ vẽnh kype kỹ, ẽg tỹ Jeová família kãmĩ nỹtĩ ke mũ

Ẽg tỹ vẽnh kype kỹ ẽg tỹ família há kãki nỹtĩnh, ẽmã kar mĩ. Kaingang ke tũ nĩn kỹ fóg, vẽnh kar tỹ Topẽ vĩ kri fi tĩ kar Topẽ jykre ki króm nỹtĩ. Salmo 25:14 kar 1 Pedro 2:17 le kem nĩ. Kar jagnẽ mré vẽmén nĩ, tag to:

• Vẽnh rá ag ki, ũn tỹ vẽnh kype kỹ, tag hã ren kỹ ti mỹ há han ke mũ?

 Ã NE KANHRÃN JA TI

Jesus vỹ ẽg kanhrãn ja, Cristo mré ke ag vỹ vẽnh kype ke nỹtĩ. Tag han jé, ag vỹ Jeová kri fi mũ ti tar ke nỹtĩ, ti vĩ ki króm tĩ kar ti mỹ vẽnh fẽg gé.

Jykrinkrén mũ

• Ne nỹ vẽnh kype tĩ, kar ti hã ren kỹ ẽg mỹ há nĩ?

• Ũn ne tugnĩn Jeová mỹ vẽnh fẽg vén ke nĩ, ti tỹ kar vẽnh kype jé?

• Ũn tỹ Jeová mỹ vẽnh fẽg kar vẽnh kype tĩ ke jo, ti ne hyn han ke nĩ?