Ũn tỹ Topẽ mỹ rãnhrãj tĩ vỹ vẽnh kaga nĩn kỹ, Topẽ tỹ ti to kanẽ jur tĩ. Topẽ Vĩ Rá vỹ ẽg mỹ ke tĩ: “Ag tỹ vẽnh kaga kỹ nãgja kri nã ra TOPẼ tóg ag krenkren han tĩ...” (Salmo 41:3 ) Ã tỹ vẽnh kaga kórég nĩn kỹ, nén ũ tag ag tỹ ã ajũna kenh mũ:

1.   Topẽ mré vĩm nĩ, ã tỹ to vãsãn hã ki tĩ jé. “Kỹ Topẽ vỹ ãjag krĩ tỹ kuprãꞌ henh ke mũ. Ẽg tỹ nén kar to jykrén há ra ẽg tóg vẽsóg ki ẽg krĩ kuprãg ki kagtĩg nỹtĩ.” Ã tỹ Topẽ mré vĩn kỹ, ã pi krĩ kufy gy nĩnh ke mũ, kar ti tỹ ã ajũna ke tĩ, ã tỹ to vãsãn hã ki tĩ jé. — Filipos 4:6, 7.

2.   Jykre há nĩ ã tóg. Topẽ Vĩ Rá vỹ ẽg mỹ ke tĩ: “Mỹ sér nĩ kỹ tóg, ẽg tar han ke mũ, ẽg tỹ kurã ki fe tũ nĩn kỹ, ẽg komẽr hã tũg ke mũ.” (Provérbios 17:22) Ã tỹ mỹ sér tĩn kỹ, ã tỹ vẽnh jykre kórég fĩn rãm ke mũ, kar tag vỹ ã ajũna ke tĩ, ã tỹ mỹ há nĩ jé.

3.   Nén ũ há tỹ hãn ri kenh ke mũ ag kri fim nĩ. Jérĩn mỹ ã tỹ vẽnh kaga kórég nĩ, ã tỹ nén ũ há tỹ hẽn ri kenh fã ag kri fi kỹ, ã tỹ mỹ sér nĩnh ke mũ. (Roma 12:12) Topẽ Vĩ Rá vỹ ẽg mỹ vãmén tĩ, kejẽn ũn ag vỹ “kaga venh ke tũ nĩ, fag ke gé.” (Isaías 33:24) Jérĩn mỹ, cientista ag pi vẽnh kaga kórég ag hágháꞌ ke tĩ, Topẽ tỹ vẽnh kaga kórég ag tỹ tũꞌ kenh ke mũ mỹr. Topẽ Vĩ Rá vỹ ẽg mỹ ke tĩ, ũn kófa ag to: “Kỹ tóg han mãn mũ sir, kỹ ti há tóg tar nĩ mãn mũ, ti tỹ kyrũ nĩn kỹ tar nĩ ja ri ke.” — Jó 33:25.

 Mĩ ẽkrén nĩ: Jeová Kãmén Fã ag tỹ ki kanhró nỹtĩ, Topẽ tỹ ag ajũna ke tĩ. Ge ra, ag tỹ médico jãvãnh nỹtĩ, ti tỹ ag ki rĩr jé. (Marcos 2:17) Hã ra, ẽg pi ũn ag mỹ kãmén tĩ, ag tỹ vẽnh kagta tỹ ne kuprãg ke mũ ti to. Ẽg mỹ, ũn ag tỹ tag to kuprãg ke nỹtĩ.