Mika 5:1-15
5 “Ntangu yai nge ke kudizenga,O mwana-nkento yina bo ke nwanisa;Bo me ziunga beto.+
Bo ke bula zuzi ya Izraele nti na ditama.+
2 Mpi nge, O Betelemi Efrata,+Mbanza yina kele fioti kibeni sambu bo tanga yo na kati ya mafunda* ya Yuda,Muntu yina ta vanda mfumu na Izraele sambu na mono ta basika na nge,+Muntu yina kisina na yandi kele tuka bantangu ya ntama, tuka bilumbu ya ntama.
3 Yo yina yandi ta yambula boTii na ntangu yina nkento yina fwete buta ta buta.
Mpi bampangi na yandi yina me bikala ta vutuka na bantu ya Izraele.
4 Yandi ta telama mpi ta gungula na ngolo ya Yehowa,+Na bunene ya zina ya Yehowa Nzambi na yandi.
Mpi bo ta zinga na lutaninu,+Sambu ntangu yai bunene na yandi ta kuma tii na nsuka ya ntoto.+
5 Mpi yandi ta nata ngemba.+
Kana muntu ya Asiria kukota na ngolo na insi na beto mpi kuniata banzo-zulu na beto ya kele ti bibaka ya ngolo,+Beto ta basisila yandi bangungudi nsambwadi, ee, bamfumu* nana na kati ya bantu.
6 Bo ta gungula insi ya Asiria ti mbele ya bitumba,+Mpi insi ya Nimrodi+ na bisika na yo ya kukotila.
Mpi yandi ta gulusa beto na maboko ya muntu ya Asiria,+Ntangu yandi ta kota na insi na beto mpi ta niata teritware na beto.
7 Bantu ya Yakobi yina ta bikala ta vanda na kati ya bantu mingiBonso malulu ya me katuka na Yehowa,Bonso mvula ya ngolo na zulu ya matitiYina ke tulaka ve kivuvu na muntuMpi ke vingilaka ve bana ya bantu.
8 Bantu ya Yakobi yina ta bikala ta vanda na kati ya makanda,Na kati ya bantu mingi,Bonso ntambu na kati ya bambisi ya mfinda,Bonso mwana-ntambu* na kati ya bimvuka ya mameme,Yina ke luta na kati-kati, ke kanga, mpi ke zenga bitini-bitini;Mpi muntu ya kugulusa bo kele ve.
9 Diboko na nge ta tombuka na zulu ya bambeni na nge,Mpi bo ta fwa bambeni na nge yonso.”
10 “Na kilumbu yina,” Yehowa muntu me tuba,“Mono ta fwa bampunda yina kele na kati na beno mpi mono ta bebisa bapusu-pusu na nge.
11 Mono ta fwa bambanza ya insi na ngeMpi mono ta bwisa bisika na nge yonso ya kele ti bibaka ya ngolo.
12 Mono ta sukisa* kindoki yina nge ke salaka,Mpi muntu mosi ve ya ke salaka mazi ta bikala na kati na nge.+
13 Mono ta buka-buka biteki na nge ti makunzi na nge yina kele na kati na beno,Mpi nge ta fukimina diaka ve kisalu ya maboko na nge.+
14 Mono ta tumuna makunzi na nge ya santu*+ yina kele na kati na benoMpi mono ta fwa bambanza na nge.
15 Na makasi mpi na nganzi, mono ta vutula mbiNa makanda yina me lemfuka ve.”
Banoti na nsi ya lutiti
^ To “mabuta.”
^ To “bantwadisi.”
^ To “mwana-ntambu yina kele ti mika mingi na nkingu.”
^ Na kisina, “ta katula na diboko na nge.”
^ Tala Bantendula ya Bangogo.
