Bingana 4:1-27
4 Bana na mono, beno wa malongi ya tata;+Beno tula dikebi sambu na kubaka mayele ya kubakisa mambu,
2 Sambu mono ta pesa beno malongi ya mbote;Beno yambula ve malongi* na mono.+
3 Mono vandaka mwana ya mbote sambu na tata na mono+Mpi muntu yina mama na mono vandaka kuzola mingi.+
4 Yandi longaka mono mpi tubaka nde: “Bika ntima na nge kusimba ngolo bangogo na mono.+
Zitisa bansiku na mono mpi landa kuzinga.+
5 Baka mayele, baka mayele ya kubakisa mambu.+
Kuvila ve, mpi kubikisa ve mambu ya mono ke tuba.
6 Kuyambula yo ve, ebuna yo ta tanina nge.
Zola yo, ebuna yo ta keba nge.
7 Mayele kele kima ya kuluta mfunu,*+ yo yina baka mayele,Mpi na bima yonso ya nge ke baka, baka mayele ya kubakisa mambu.+
8 Baka yo na mfunu mingi, ebuna yo ta tombula nge.+
Yo ta pesa nge lukumu sambu nge ke ndima yo.+
9 Yo ta tula mpu ya kitoko ya bintuntu na ntu na nge;Yo ta kumisa nge kitoko ti mpu ya kimfumu ya kitoko.”
10 Mwana na mono, wa mpi ndima mambu ya mono ke tuba,Ebuna bamvula ya luzingu na nge ta vanda mingi.+
11 Mono ta longa nge na nzila ya mayele;+Mono ta nata nge na banzila ya kusungama.+
12 Ntangu nge ke tambula, bitambi na nge ta kangama ve;Mpi kana nge baka ntinu, nge ta bula ve sakuba.
13 Kangama na malongi; kuyambula yo ve yo kwenda.+
Tanina yo, sambu yo ke tendula luzingu na nge.+
14 Kukota ve na nzila ya bantu ya mbi,Mpi kutambula ve na nzila ya bantu yina ke salaka mambi.+
15 Tina yo, kuluta ve na nzila yina;+Buya yo, mpi luta.+
16 Sambu bo lenda lala ve kana bo me sala ntete ve mambu ya mbi.
Mpongi ke simbaka bo ve kana bo me bwisa ntete ve muntu.
17 Bo ke dia mampa ya mambu ya mbi,Mpi bo ke nwa vinu ya mambu ya nku.
18 Kansi nzila ya bantu ya lunungu kele bonso nsemo ya sukaYina ke landaka kukuma mingi tii kuna mwini ke kuma ngolo kibeni.+
19 Nzila ya bantu ya mbi kele bonso mpimpa;Bo ke zabaka ve kima yina ke budisaka bo sakuba.
20 Mwana na mono, tula dikebi na bangogo na mono;Wa mbote-mbote* mambu ya mono ke tuba.
21 Kukatula yo ve na meso na nge;Bumba yo na nsi ya ntima na nge,+
22 Sambu yo kele luzingu sambu na bantu yina ke monaka yo+Mpi mavimpi sambu na nitu na bo ya mvimba.*
23 Kuluta bima yonso yina nge ke tanina, tanina ntima na nge,+Sambu banto ya luzingu ke katukaka na yo.
24 Tula ntama ti nge kutuba ya nioka-nioka,+Mpi tula ntama ti nge bangogo ya luvunu.
25 Meso na nge fwete tala kaka na ntwala,Ee, tala* kaka na ntwala na nge.+
26 Kumisa lelensi* nzila ya makulu na nge,+Ebuna banzila na nge yonso ta vanda ya kusungama.
27 Kukwenda ve na diboko ya kitata to ya kimama.+
Katula makulu na nge na mambu ya mbi.
Banoti na nsi ya lutiti
^ To “nsiku.”
^ To “ya ntete.”
^ Na kisina, “Tula dikutu na.”
^ Na kisina, “na nsuni na bo yonso.”
^ To “tula meso na nge ya ke semaka.”
^ To mbala ya nkaka, “Tadila mbote-mbote.”
