Nkunga 76:1-12
Na ntwadisi; ya kuyimba ti bima ya kubudila miziki ya kele ti bansinga. Miziki ya Asafi.+ Nkunga.
76 Nzambi me zabana na Yuda;+Zina na yandi kele nene na Izraele.+
2 Kisika na yandi ya lutaninu kele na Salemi,+Mpi kisika na yandi ya kuzinga kele na Sioni.+
3 Kuna yandi bukaka batolo- tolo ya tiya ya munduki ya tolo-tolo,Kitaninu, mbele ya bitumba, mpi binwaninu ya bitumba.+ (Sela)
4 Nge ke sema ngolo;*Nge kele nene mingi kuluta bangumba yina bo ke zombaka bambisi.
5 Bo me botula bantu yina kele na ntima ya kikesa bima.+
Bo me lala mpongi;Basoda yonso kondaka lusadisu.+
6 Sambu nge me nganina bo, O Nzambi ya Yakobi,Muntu ya ke tambusaka pusu-pusu mpi mpunda me lala mpongi ya ngolo.+
7 Nge mpamba muntu ke pesaka boma.+
Nani lenda telama na ntwala ya makasi na nge ya ngolo?+
8 Katuka na zulu nge sambisaka;+Ntoto waka boma mpi vandaka pima+
9 Ntangu Nzambi telamaka sambu na kuzenga makambu,Sambu na kugulusa bantu yonso ya kudikulumusa ya kele na ntoto.+ (Sela)
10 Sambu makasi ya muntu ta sala nde bo pesa nge lukumu;+Nge ta lwata makasi na bo yina me bikala.
11 Beno sala balusilu na Yehowa Nzambi na beno mpi beno lungisa yo+Bika bantu yonso yina kele na nziunga na yandi kunata makabu na bo ti boma.+
12 Yandi ta kulumusa lulendo* ya bantwadisi;Yandi ke pesa bantotila ya ntoto boma.
