Nkunga 25:1-22
Ya Davidi.
א [Aleph]
25 Mono ke samba nge,* O Yehowa.
ב [Beth]
2 Nzambi na mono, mono ke tudila nge ntima;+Kubika ve nde bo pesa mono nsoni.+
Kubika ve nde bambeni na mono kuyangalala sambu na mpasi na mono.+
ג [Gimel]
3 Ya kieleka muntu mosi ve yina ke tulaka kivuvu na nge ta baka nsoni,+Kansi nsoni ke vingila bantu yina ke yekulaka kukonda kikuma.+
ד [Daleth]
4 Songa mono banzila na nge, O Yehowa;+Longa mono banzila na nge.+
ה [He]
5 Tambusa mono na kieleka na nge mpi longa mono,+Sambu nge kele Nzambi na mono ya luguluku.
ו [Waw]
Mono ke tula kivuvu na nge kilumbu ya mvimba.
ז [Zayin]
6 O Yehowa, yibuka mawa na nge mpi zola na nge ya kwikama,+Yina nge ke monisaka ntangu yonso.*+
ח [Heth]
7 Kuyibuka ve masumu na mono ya kileke mpi mambu na mono ya mbi.
Yibuka mono na kutadila zola na nge ya kwikama,+Sambu na bumbote na nge, O Yehowa.+
ט [Teth]
8 Yehowa kele muntu ya mbote mpi ya masonga.+
Yo yina yandi ke longaka bansumuki na nzila yina bo fwete landa.+
י [Yod]
9 Yandi ta twadisa bantu ya kudikulumusa na mambu ya mbote,*+Mpi yandi ta longa bantu ya kudikulumusa na nzila na yandi.+
כ [Kaph]
10 Banzila yonso ya Yehowa kele zola ya kwikama mpi kwikamaSambu na bantu yina ke zitisaka kuwakana na yandi+ mpi bangibusa na yandi.+
ל [Lamed]
11 Sambu na zina na nge, O Yehowa,+Lolula kifu na mono, ata yo kele nene.
מ [Mem]
12 Nani ke waka Yehowa boma?+
Yandi ta longa yandi nzila yina yandi fwete sola.+
נ [Nun]
13 Yandi* ta mona mambu ya mbote,+Mpi bana* na yandi ta baka ntoto.+
ס [Samekh]
14 Kinduku ya ngolo ti Yeho- wa kele sambu na bantu yina ke waka yandi boma,+Mpi yandi ke zabisaka bo kuwakana na yandi.+
ע [Ayin]
15 Meso na mono ke talaka ntangu yonso na Yehowa,+Sambu yandi ta katula makulu na mono na bukondi.+
פ [Pe]
16 Balula luse na nge na ndambu na mono mpi wila mono mawa,Sambu mono kele mono mosi mpi kukonda lusadisu.
צ [Tsade]
17 Bampasi ya ntima na mono me kuma mingi;+Katula mono na mpasi yina mono kele na yo.
ר [Resh]
18 Tala bampasi na mono mpi mambu ya ke yangisa mono,+Mpi lolula masumu na mono yonso.+
19 Tala mutindu bambeni na mono kele mingi,Mpi mutindu bo ke menga mono na nku yonso.
ש [Shin]
20 Tanina luzingu* na mono mpi gulusa mono.+
Kubika ve nde bo pesa mono nsoni, sambu mono me tina na nge.
ת [Taw]
21 Bika nde kwikama mpi ku- sungama kutanina mono,+Sambu mono ke tula kivuvu na nge.+
22 O Nzambi, gulusa* Izraele na bampasi na yandi yonso.
Banoti na nsi ya lutiti
^ To “Mono ke tombula moyo na mono na nge.”
^ To “Yina kele katuka bantangu ya ntama.”
^ Na kisina, “na lusambisu.”
^ To “Moyo na yandi.”
^ Na kisina, “nkuna.”
^ To “moyo.”
^ Na kisina, “sumbulula.”
