Nkunga 115:1-18
115 Na beto ve, O Yehowa, na beto ve,*Kansi pesa nkembo na zina na nge+Sambu na zola na nge ya kwikama mpi kwikama na nge.+
2 Sambu na nki makanda fwete tuba nde:
“Nzambi na bo kele na wapi?”+
3 Nzambi na beto kele na zulu;Yandi ke salaka konso kima yina yandi me zola.
4 Biteki na bo kele arza mpi wolo,Kisalu ya maboko ya muntu.+
5 Yo kele na munoko, kansi yo ke tubaka ve;+Yo kele na meso, kansi yo ke monaka ve;
6 Yo kele na makutu, kansi yo ke waka ve;Yo kele na mbombo, kansi yo ke waka ve nsudi;
7 Yo kele na maboko, kansi yo ke simbaka ve;Yo kele na makulu, kansi yo ke tambulaka ve;+Mungungu na yo ke basisaka ve ndinga.+
8 Bantu yina ke salaka yo ta kuma kaka bonso yo,+Bayina yonso mpi ke tudilaka yo ntima ta kuma bonso yo.+
9 O Izraele, tudila Yehowa ntima+—Yandi kele lusadisu na bo mpi kitaninu na bo.+
10 O nzo ya Aroni,+ beno tudila Yehowa ntima—Yandi kele lusadisu na bo mpi kitaninu na bo.
11 Beno bantu yina ke waka Yehowa boma, beno tudila Yehowa ntima+—Yandi kele lusadisu na bo mpi kitaninu na bo.+
12 Yehowa ke yibukaka beto mpi ta sakumuna beto;Yandi ta sakumuna nzo ya Izraele;+Yandi ta sakumuna nzo ya Aroni.
13 Yandi ta sakumuna bantu yina ke waka Yehowa boma,Bantu ya kukonda mfunu mpi bantu ya mfunu.
14 Yehowa ta kumisa beno mingi,Beno ti bana na beno.*+
15 Bika beno baka lusakumunu ya Yehowa,+Muntu yina salaka zulu ti ntoto.+
16 Zulu kele ya Yehowa,+Kansi yandi me pesaka ntoto na bana ya bantu.+
17 Bafwa ke kumisaka ve Yah;+Ata muntu mosi mpi ve yina ke kulumuka na pima ya lufwa* ke kumisaka yandi.+
18 Kansi beto ta kumisa YahYantika bubu yai mpi kimakulu.
Beno kumisa Yah!*
Banoti na nsi ya lutiti
^ To “Kima mosi ve kele ya beto, O Yehowa, kima mosi ve kele ya beto.”
^ Na kisina, “bana na beno ya babakala.”
^ Na kisina, “na kisika ya pima.”
^ To “Aleluya!” “Yah” kele zina ya Yehowa na bunkufi.
