Yo ta baka bantangu ikwa?

Yo ta baka kiteso ya ngunga mosi.

Yo ta salama na wapi?

Solula ti Bambangi ya Yehowa ya kele na teritware na beno sambu bo songa nge.

Keti mono fwete pesa mbongo sambu na kukwisa?

Ve.

Keti bo ta kongula mbongo?

Ve.

Mono fwete lwata nki mutindu?

Bo me tubila ve mutindu nge fwete lwata. Ata mpidina, Bambangi ya Yehowa ke salaka bikesa sambu na kulanda ndongisila ya Biblia yina ke monisaka nde beto fwete lwata kukonda kulutisa ndilu mpi na mutindu ya ke monisa luzitu. (1 Timoteo 2:9) Yo ke lomba ve nde nge lwata bilele ya ntalu to ya sipesiali.

Nkinsi yango ta salama nki mutindu?

Nkinsi yango ta yantika na nkunga mpi yo ta suka na nkunga. Na nima, Mbangi mosi ya Yehowa ta sala kisambu na luyantiku mpi na nsuka ya Nkinsi yango. Kitini ya mfunu ya lukutakanu yango ta vanda diskure yina ta monisa mfunu ya lufwa ya Yezu mpi mambu yina beto fwete sala sambu na kubaka mambote ya mambu yina Nzambi mpi Kristu me salaka sambu na beto.

Sambu na kuzaba mambu mingi, tanga disolo “Sambu na Nki Bambangi ya Yehowa Ke Salaka Ve Nkinsi ya Madia ya Mfumu Bonso Mabundu ya Nkaka?”

Inki kilumbu Nkinsi ya Kuyibuka Lufwa ya Yezu ta salama na bamvula ya ke kwisa?

2025: Mposo 12 avril

2026: Kiya 2 avril