Bantu mingi ke monaka nde kulunsi kele kidimbu yina ke monisaka dibundu ya Bukristu na ntoto ya mvimba. Bambangi ya Yehowa kele Bakristu kansi bo ke sadilaka ve kulunsi na lusambu na bo. Sambu na nki?

 Kikuma mosi kele nde Biblia ke monisa nde Yezu fwaka ve na zulu ya kulunsi kansi na zulu ya nti. Diaka, Biblia ke pesa Bakristu lukebisu nde “[bo] tina lusambu ya biteki,” yo ke tendula mpi nde bo fwete sadila ve kulunsi na lusambu.​—1 Bakorinto 10:14; 1 Yoane 5:21.

 Yezu tubaka nde: “Na diambu yai, bantu yonso ta zaba nde beno kele balongoki na mono​—kana beno ke zolana beno na beno.” (Yoane 13:34, 35) Ntangu Yezu tubaka mutindu yina, yandi monisaka nde bantu ta zaba balongoki na yandi ya kieleka sambu na zola ya kuditambika yina bo ta monisa kansi ve sambu na kulunsi to kifwanisu ya nkaka.