Kel site li fazedu pa djuda-u prende más sobri Deus, sobri Bíblia i sobri Tistimunhas di Jeová. Lé, odja i diskarega kes kuza ki ta interesa-u. Nu krê pa otus algen tra pruvetu di nos site tanbê, má favor ka bu poi kuzas di nos site na otus site ô aplikativus. Si bu krê mostra otus algen kel ki bu prende li, fla-s pa es entra na es site sima sta na Régras di uzu dibaxu.

•  Direitus di autor

•  Markas rejistadu

•  Régras di uzu i lisénsa di uzu di site

•  Informasons pa médikus

•  Avizu sobri garantia i limitis di responsabilidadi

•  Violason di Régras di uzu

•  Mudansas

•  Lei i jurisdison

•  Siparason di kláuzulas

•  Kontratu konplétu

© 2024 Watch Tower Bible and Tract Society of Pennsylvania. Tudu direitus rezervadu.

É Watchtower Bible and Tract Society of New York, Inc. (“Watchtower”) ki ta publika i ki ta kuida di kel site li. Si ka dadu otu indikason, tudu kes testu i otus informason ki sta na site, é propriadadi inteletual di Watchtower Bible and Tract Society of Pennsylvania (“Watch Tower”).

Adobe i se logotipu, tanbê Acrobat i se logotipu, es é marka rejistadu di Adobe Systems Incorporated. Apple, iTunes i iPod é markas rejistadu di Apple Inc. Microsoft i se logotipu i tanbê kalker software i produtu di Microsoft, ki ta inklui Microsoft Office i Microsoft Office 365, é marka rejistadu di Microsoft Inc. Tudu kes otu marka i markas rejistadu é di ses proprietáriu.

Pa uza es site, bu ten ki kunpri Régras di uzu. Óras ki bu uza es site, bu sta dexa klaru ma bu ta konkorda ku tudu Régras di uzu djuntu ku kalker Otus régra di uzu (ki djuntu ta txomadu di Régras di uzu) ki sta na kel site li. Si bu ka ta konkorda ku tudu Régras di uzu, nton ka bu uza es site.

Modi ki es site debe uzadu? Di akordu ku kes régra ki sta dibaxu, bu pode:

• Odja, diskarega ô inprimi imajis di Watch Tower, publikasons eletróniku, múzika, fotus, testu ô vídius, na es site pa bu uza pa bo, má ka pa faze nogósiu.

• Manda link ô kópia eletróniku di kes publikason ki ta da pa diskarega, vídius ô prugramas pa obi na kel site li.

Bu ka pode:

• Poi imajis, publikasons eletróniku, markas rejistadu, múzikas, fotus, vídius ô artigus di es site na internet (kalker site, site di tróka di arkivus, site di tróka di vídius ô redi sosial).

• Distribui imajis, publikasons eletróniku, markas rejistadu, múzikas, fotus, testus ô vídius di es site sima párti di kalker software ô aplikativu (kel-li ta inklui poi kes kuza li na un servidor pa uza na un software ô aplikativu).

• Reproduzi, duplika, kôpia, distribui ô faze nogósiu ku kalker imaji, publikason eletróniku, marka rejistadu, múzika, fotus, testu ô vídius di es site pa nogósiu ô troka-s ku dinheru (sikrê bu ka ganha nada).

• Kria kalker software, aplikativu, feraménta ô tékinikas ki ta sirbi pa djunta, kôpia, diskarega, tra ô sigi informasons, HTML, imajis ô testus di kel site li, i dipôs ku obijetivu di distribui kes informason. (Kel-li ka ta proíbi distribui aplikativus di grasa, kes aplikativu ki é ka pa nogósiu ki fazedu pa diskarega fixerus eletróniku sima na formatu EPUB, PDF, MP3 i MP4 ki tradu di párti públiku di es site.)

• Uza es site ô ses sirbisu mariadu, pur izénplu, interfiri na el ô entra na es site i ses sirbisu ku métodus ki é ka kes ki dadu klaramenti.

• Uza es site di un manera ki ta kauza ô ki pode kauza stragu na kel site li, ô prujudika se disponibilidadi i entrada na el. Tanbê el ka debe ser uzadu di un manera mariadu, ilegal, pa ngana ô prujudika, ô ligadu ku algun atividadi mariadu, ilegal, ki ta ngana ô prujudika.

• Uza es site ô kalker imaji, publikasons eletróniku, markas rejistadu, múzikas, fotus, testu ô vídius pa kalker obijetivu ki ten aver ku publisidadi.

 Obijetivu di kes matéria ki sta na es site na párti Informasons pa médikus (“Informasons pa médikus”) é sô pa informa, é ka konsedjus sobri saúdi, nen el ka ta toma lugar di konsulta, rezultadu di análizi ô tratamentus. Párti Informasons pa médikus ka ta rekumenda ô difende kalker análizis, médikus, produtus, tratamentus, opinion ô otu informason ki pode parse na Informasons pa médikus.

Si bu ten algun pergunta sobri algun prubléma di saúdi ô tratamentu, djobe sénpri konsedju na un médiku ô na otu algen kualifikadu di ária di saúdi.

Kel site li ta sforsa pa tene informasons izatu i atualizadu na párti Informasons pa médikus. Má informason ki bu ta atxa na párti Informasons pa médikus ta podu “SIMA STA” sen ninhun garantia di manera klaru ô nau. Kel site li ta nega tudu garantia ki dadu di manera klaru ô nau sobri párti Informasons pa médikus, ki ta inklui kuzas sima garantias ki ka dadu di manera klaru ô pa faze nogósiu ô pa algun otu obijetivu. Nu ka ta da ninhun garantia ma kes informason ki sta na párti Informasons pa médikus é di kunfiansa, ma es é izatu, ma es ta sirbi, ma ka pasa prazu ô ma informason sta konplétu. Kel site li ka ta seta ninhun obrigason ô responsabilidadi pa kalker éru ô párti ki falta na Informasons pa médikus. É bu responsabilidadi kúnfia ô nau na kalker informason ki sta na párti Informasons pa médikus. Na ninhun situason kel site li ka ten responsabilidadi ô obrigason pa kalker kexa ô stragu (sima algun stragu pur asidenti ô pur konsekuénsia, stragu pesoal ô mórti pur niglijénsia, prujuis na dinheru, stragu pamodi pérda di informasons ô pamodi nogósiu para) pamodi uzu di kuzê ki sta na párti Informasons pa médikus ô tanbê pamodi ka konsigidu uza kes informason, ka ta nporta si kes kexa ô stragu ten bazi na garantias, kontratus, fadjas, ô kalker tioria legal, i ka ta nporta si kel site li avizadu ô nau ma pode ten kexas ô stragus.

 Kel site i tudu informasons, tudu kontiúdu, tudu material i otus sirbisu ki sta disponível através di kel site li é Watchtower ki ta da pa poi na kel site li i el ta podu “sima sta”. Watchtower ka ta faze ninhun tipu di reprizentason ô garantia di manera klaru ô nau.

Watchtower ka ta garanti ma kel site li ka ten vírus ô otu kuza ki pode faze stragu. Watchtower ka ten responsabilidadi pa kalker stragu di kalker tipu pamodi uzu di kalker sirbisu, ô di kalker informason, kontiúdu, material ô otu sirbisu ki sta disponível na kel site li. Kel-li ta inklui ka sô kes stragu dirétu, indirétu, pur asidenti, kastigu, i pur konsekuénsia (ki tanbê pode ser prujuis di dinheru).

 Sen prujudika kes otu direitu ki Watchtower ten na Régras di uzu, si bu viola kalker Régras di uzu ki sta li, Watchtower ten direitu di toma medidas ki el atxa ma el debe toma. Medidas pode ser suspende bu entrada na site, proibi-u di entra na site, inpidi entrada di kes konputador ki ta uza bu nunbru de IP, kontata kel enpréza ki ta da-u internet pa inpidi bu entrada na site i/ô toma algun medida kóntra bo na tribunal.

 Di vês en kuandu Watchtower pode atualiza Régras di uzu. Régras atualizadu ta pasa ta vigora lógu ki podu na site. Favor, djobe es pájina manenti pa bu sta sénpri en dia ku últimus mudansa.

 Régras di uzu é governadu i interpretadu di akordu ku lei di stadu di Nova York, Mérka, sen leba en kónta kalker konflitu di lei. Kalker medida jurídiku ligadu ku Régras di uzu, debe lebadu pa un tribunal di stadu ô federal ki stadu di Nova York na Mérka sta na se alsada.

 Si un tribunal ki sta déntu se alsada fla ma algun kláuzula di Régras di uzu é nulu, ka bale más, é ilegal ô ka ta aplika, kes otu kláuzula ta kontinua ta vigora. Si Watchtower fadja na faze kunpri algun kláuzula di Régras di uzu, ka krê fla ma ken ki sta uza site sta livri di kunpri-l ô ki Watchtower ka ten direitu di faze-l kunpri.

 Régras di uzu é un kontratu konplétu entri bo ku Watchtower, na uza site. Kalker otu akordu ligadu ku bu uzu di site ta fika kanseladu.