Reinu di Deus sta na bu korason?
Respósta di Bíblia
Nau. Reinu di Deus é ka un kuza ki sta na korason di kes algen ki ta sirbi Deus. a Bíblia ta mostra undi ki kel Reinu li ta fika pamodi el ta txoma-l ‘Reinu di Séu’. (Mateus 4:17, Tradução do Novo Mundo) Odja modi ki Bíblia ta mostra ma Reinu é un govérnu di verdadi ki sta na Séu.
Reinu di Deus ten governantis, un povu, leis i autoridadi di faze vontadi di Deus na Séu ku na Téra. — Mateus 6:10; Apocalipse 5:10.
Govérnu ô Reinu di Deus ta ben governa tudu ‘povu, nason i língua’ na Téra. (Daniel 7:13, 14) Reinu di Deus ta resebe autoridadi pa governa dirétu di Deus, é ka povu ki ta da-l kel autoridadi li. — Salmo 2:4-6; Isaías 9:7.
Jizus fla se apóstlus fiel ma es ta baba pa Séu pa ‘xinta na tronus’ ô pa governa ku el na Reinu di Séu. — Lucas 22:28, 30.
Reinu di Deus ten inimigus i el ta ben kaba ku tudu es. — Salmo 2:1, 2, 8, 9; 110:1, 2; 1 Coríntios 15:25, 26.
Bíblia ka ta inxina ma Reinu di Séu sta na nos korason i nen ma el ta governa na korason di kada algen. Má, el ta mostra ma ‘palavra di Reinu’ i ‘notísias sábi di Reinu’ pode i debe influensia nos korason. — Mateus 13:19; 24:14.
Kuzê ki kel frazi ‘Reinu di Deus sta déntu di nhos’ ta siginifika?
Alguns algen fika konfuzu sobri undi ki Reinu di Deus ta fika pamodi manera ki Lucas 17:21 sta traduzidu na alguns traduson di Bíblia. Pur izénplu, Traduson di Rei Jaime ta fla: ‘Reinu di Deus sta déntu di nhos.’ Pa nu ntende kel versíklu li dretu, nu meste sabe kuzê ki kes versíklu antis ta fla.
Reinu di Deus ka staba na korason di kes inimigu di Jizus, ki éra orgulhozu i ki krê mataba el
Jizus staba ta pâpia ku farizeus, ki éra un grupu di xéfi di relijion. Es éra se inimigus i es tinha intenson di mata-l. (Mateus 12:14; Lucas 17:20) Ta faze sentidu atxa ma Reinu di Deus éra un kuza ki staba na korason di kes farizeu orgulhozu? Jizus fla-s: ‘Di pa déntu nhos sta xeiu di finjimentu i di kuzas ki é kóntra lei.’ — Mateus 23:27, 28.
Otus traduson di Bíblia ta mostra klaru kuzê ki Jizus krê flaba na Lucas 17:21: ‘Reinu di Deus sta ku nhos.’ (Nos ki distaka palavra; Contemporary English Version) ‘Reinu di Deus sta na nhos meiu.’ (Tradução do Novo Mundo) Reinu di Séu staba ‘ku’ kes farizeu ô na ses ‘meiu’ pamodi Jizus, ki é kel Rei ki Deus skodje, staba la na ses frenti. — Lucas 1:32, 33.
a Txeu relijion ki ta kridita na Jizus, ta inxina ma Reinu di Deus sta déntu di kada un di nos ô na nos korason. Pur izénplu, un asosiason di igreja Batista na Mérka fla ma Reinu di Deus é “govérnu di Deus na korason i na vida di kada algen.” Na livru ki Papa Bentu 16 skrebe, ku téma Jizus di Nazaré, el fla ma Reinu di Deus ta ben riba korason di kes ki obi ku el.
Bu pode gosta di kes-li tanbê
ESSENTIAL BIBLE TEACHINGS
Kuzê ki é Reinu di Deus?
Na se trabadju di pregason, kuza ki más Jizus pâpia di el éra Reinu di Deus. Dja ten txeu ténpu ki se sigidoris ta ora pa kel Reinu ben.
SPLIKASON DI TESTUS DI BÍBLIA
Splikason di Marcos 1:15 — ‘Reinu di Deus sta kuazi ta ben’
Jizus krê flaba ma Reinu dja kumesaba ta governa?
SENTINÉLA
Ken ki é Rei di Reinu di Deus?
Deus orienta alguns skritor di Bíblia pa skrebe kuzas ki ta djuda-nu sabe ken ki ta sérba Rei di Reinu di Deus. Désdi ki ómi kriadu, é sô na un algen ki kunpri tudu kes kuza ki Bíblia ta fla.
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.