Txeu di nos dja odja injustisa ta kontise i é normal odja algen mau ta maltrata algen dretu i ki ka ten kulpa. Algun dia nu ta ben fika livri di injustisa i di maldadi?

Salmo 37 ta responde kel pergunta li i el ta da bons konsedju ki ta sirbi pa nos ténpu i el ta responde otus pergunta inportanti tanbê.

• Modi ki nu debe reaji óras ki nu ta sufri pamodi maldadi di otus algen? — Versíklus 1, 2.

• Kuzê ki ta ben kontise ku kes algen mau? — Versíklu 10.

• Kuzê ki ta ben kontise ku kes algen ki ta faze kuzê ki é dretu? — Versíklus 11, 29.

• Kuzê ki nu debe faze gósi? — Versíklu 34.

Na Bíblia, na Salmo 37 ta dexa klaru ma kes ki ta ‘spéra na Jeová i sigi se kaminhu’ ta ten un futuru rei di sábi. Tistimunhas di Jeová ta fika kontenti di djuda-u studa Bíblia i ntende kuzê ki bu pode faze pa bu ten kel futuru li djuntu ku kes algen ki bu ta ama.