Jeová krê pa bu konxe-l midjór. Pamodi? El ta spéra ma kantu más bu ta ba ta prende sobri se kualidadis, se manera di faze kuzas i kuzê ki el krê pa bo, más bu ta krê ser se amigu. Bu ta atxa ma bu pode ser amigu di Deus? (Lé Salmo 25:14.) Kuzê ki bu pode faze pa bu ser se amigu? Bíblia ta responde kes pergunta li i el ta mostra pamodi ki amizadi ku Jeová é kel amizadi más inportanti ki bu pode ten.

1. Ki konviti Jeová ta faze-u?

‘Nhos ser amigu di Deus i el ta ser nhos amigu.’ (Tiago 4:8) Kuzê ki kel-li krê fla? El krê fla ma Jeová ta konvida-u pa bu ser se amigu. Alguns algen pode atxa difísil di kridita ma es pode ser amigu di Deus pamodi es ka ta pode odja-l. Má na se Palavra, Bíblia, Jeová ta fla-nu tudu kel ki nu meste sabe sobri se manera di ser, asi pa nu pode ser se amigu. Óras ki nu ta lé Bíblia, nos amizadi ku Jeová ta fika más fórti, sikrê nunka nu ka odja-l.

2. Pamodi ki Jeová é kel midjór Amigu ki bu pode ten?

Ningen ka ta ama-u más ki Jeová. El krê pa bu ser filís i pa bu pâpia ku el kalker óra ki bu meste di ajuda. Bu pode ‘bota tudu bus preokupason riba di el, pamodi el ta kuida di bo.’ (1 Pedro 5:7) Jeová sta sénpri prontu pa djuda, konsola i obi se amigus. — Lé Salmo 94:18, 19.

3. Kuzê ki Jeová krê pa se amigus faze?

Jeová ta ama tudu algen, ‘má el ten amizadi fórti ku kes algen ki é lial pa el.’ (Provérbios 3:32) Jeová krê pa se amigus sforsa pa faze kes kuza ki el ta fla ma é dretu i pa es ka faze kes kuza ki el ta fla ma é mariadu. Alguns algen pode atxa ma nunka es ka ta konsigi vive sima Jeová ta krê. Má Jeová ta ntende-nu. El ta seta tudu algen ki ta ama-L di korason i ki ta faze se midjór pa agrada-L. — Salmo 147:11; Atos 10:34, 35.

 SABE MÁS

4. Abraon éra amigu di Jeová

Stória di Bíblia sobri Abraon (ki tanbê ta txomadu Abron) ta djuda-nu ntende kuzê ki siginifika ser amigu di Deus. Lé sobri Abraon na Génesis 12:1-4. Dipôs pâpia sobri kes pergunta li:

• Kuzê ki Jeová pidi Abraon pa faze?

• Kuzê ki Jeová promete-l?

• Kuzê ki Abraon faze?

5. Kuzê ki Jeová ta spéra di se amigus

Nu ta kustuma spéra alguns kuza di nos amigus.

• Kal ki é alguns kuza ki bu ta gostaba pa bus amigu faze pa bo?

Lé 1 João 5:3, i dipôs pâpia sobri kel pergunta li:

• Kuzê ki Jeová krê pa se amigus faze?

Pa nu pode obi ku Jeová, talvês nu meste muda nos konportamentu ô nos manera di ser. Lé Isaías 48:17, 18, i dipôs pâpia sobri kel pergunta li:

• Pamodi ki Jeová ta pidi se amigus pa faze mudansas na vida?

 6. Kuzê ki Jeová ta faze pa se amigus

 REZUMU

Jeová krê pa bu ser se amigu, i el ta djuda-u faze kel-la.

Perguntas di rezumu

• Modi ki Jeová ta djuda se amigus?

• Pamodi ki Jeová ta pidi se amigus pa faze mudansas na vida?

• Bu ta atxa ma Jeová ta iziji dimás di se amigus? Pamodi?