PERGUNTA 10
Bíblia pode djuda algen?
KUZÊ KI BU TA FAZEBA?
Imajina kel situason li: Davidi sta ta konduzi karu na un zóna ki el ka konxe. Sinal na strada i kes plaka ku nómi di zóna ta mostra ma el sta na lugar mariadu. Dja el da kónta ma dja el perde. Na viaji el entra na algun rua mariadu.
Si bo éra Davidi, kuzê ki bu ta fazeba?
PARA I BU PENSA!
Bu pode skodje:
-
Pidi algun algen informason.
-
Djobe na mapa ô uza GPS.
-
Kontínua ta konduzi karu, ku speransa na atxa kaminhu sértu.
Klaru ki kel últimu sujiston é kel ki ménus ta djuda-u.
Kel sugundu sujiston é midjór ki kel primeru. Afinal, ka ten nada midjór di ki ten un mapa ô un GPS pa djuda-u atxa kaminhu.
Bíblia pode djuda-u di mésmu manera!
El é livru más konxedu na mundu. Bíblia pode:
-
djuda-u lida ku prublémas di vida
-
djuda-u konxe bu kabésa dretu i bira un algen midjór
-
mostra-u modi ki bu pode ten midjór vida ki ten
RESPÓSTA PA KES PERGUNTA MÁS INPORTANTI DI VIDA
Sin ki nu prende pâpia, nu ta faze pergunta.
-
Pamodi ki Séu é azul?
-
Kantu stréla ki ten?
Sima nu ta ba ta kria nu ta faze pergunta sobri kes kuza ki nu ta odja ta kontise na mundu.
-
Pamodi ki algen ta móre?
I si tudu kel ténpu li respóstas dja staba na Bíblia?
Txeu algen ta fla ma Bíblia ten un monti stória inventadu, ka ta sirbi pa nos ténpu ô ma é ka faxi di ntende. Má prubléma sta na Bíblia, ô na kuzê ki kes algen ta atxa ma es sabe di Bíblia? I si kes algen sta nganadu?
Pur izénplu, txeu algen ta atxa ma Bíblia ta fla ma é Deus ki ta manda na mundu. Má é simé? Es mundu sta di kabésa pa baxu! El sta xeiu di dór i sufrimentu, duénsa i mórti, mizéria i disgrasa. Modi ki un Deus ki ta ama-nu txeu, ta kastiga-nu di kel manera li?
Bu ta gostaba di sabe respósta? Bu pode fika spantadu ku kuzê ki Bíblia ta fla sobri ken ki sta governa mundu!
Sima dja bu odja, konsedjus ki sta na kel folhetu li tradu di Bíblia. Tistimunhas di Jeová ten sertéza ma Bíblia ta mostra-nu kal ki é midjór kaminhu ki nu debe sigi. Pamodi el ‘ben di Deus i el ta sirbi pa inxina, pa koriji, pa poi kuzas na kaminhu’. (2 Timóteo 3:16, 17 ) Bu ka ta atxa ma midjór kuza ki bu debe faze é analiza Bíblia, un livru antigu má ki ti inda ta sirbi?
Bu pode gosta di kes-li tanbê
NOS ORGANIZASON
Kuzê ki é un studu di Bíblia?
Na mundu interu, Tistimunhas di Jeová é konxedu pa studu di Bíblia ki es ta oferese di grasa. Odja modi ki ta studadu.
NOS ORGANIZASON
Pidi un vizita
Pâpia sobri un pergunta di Bíblia ô prende más sobri Tistimunhas di Jeová.
LIVRUS I BRUXURAS
Undi nu ta atxa respósta pa perguntas más inportanti di vida?
Respósta sta na siênsia, na ensinu supirior ô na Bíblia?
