‘Kel livru di Lei li, bu ka debe tra-l di bu bóka; bu debe le-l ku vós baxu dia ku noti, pa bu pode kunpri ku kuidadu tudu ki sta skrebedu na el. Asi, bu ta ten bon rezultadu na bu kaminhu i bu ta aji ku sabedoria.’

Josué 1:8

‘Es kontinua ta lé kel livru ku vós altu, kel Lei di Deus verdaderu, ta splika-l di manera klaru i ta fla kuzê ki el ta siginifikaba; asi, es djuda povu intende kuzê ki es staba ta lé.’

Neemias 8:8

‘Filís é ómi ki ka ta sigi konsedju di algen mau. . . , má, el gosta txeu di lei di Jeová, i el ta lé Se lei ku vós baxu, dia ku noti. . . . Tudu kuza ki el faze ta ten bon rezultadu.’

Salmo 1:1-3

“Filipi kóre na ladu di karu i el obi-l ta lé proféta Izaías ku vós altu. Nton el pergunta-l: ‘Bu sta intende kuzê ki bu sta lé?’ El responde: ‘Na verdadi, modi ki N pode intende si ningen ka inxina-m?’”

Atus 8:30, 31

 “Se kualidadis ki nu ka ta pode odja, sima se puder ki ka ta kaba i próvas ma el é Deus, sta ta odjadu klaru désdi kriason di mundu, pamodi es ta pode intendedu através di kes kuza ki kriadu. Pur isu, kes algen ka ten diskulpa.”

Romanus 1:20

“Pensa na kes kuza li, konsentra txeu na es, asi pa tudu algen odja klaru bu prugrésu.”

1 Timótiu 4:15

“Nu pensa na kunpanheru pa nu motiva kunpanheru pa mostra amor i faze bons óbra, ka nu dexa di sta na runion.”

Ebreus 10:24, 25

“Si algun di nhos tene falta di sabedoria, pa el kontinua ta pidi Deus, i el ta dadu el, pamodi Deus ta da tudu algen el avontádi, i el ka ta fika xatiadu ku kel ki ta pidi-l.”

Tiagu 1:5