LISHOMO 41
Ibibiliya ivalanga nyamani kwaupande wa wendi?
Vanu voe hainavanagwela kutangola kwaupande wa wendi. Ata ikava davo, Ibibiliya inkuvalanga shalowa kwaupande wa wendi kanji na ishima. Vitangaleka mwanavo vinkuvanavo mana kwetu. Inkupagwa ishaliya. Mwaa Yeova ni Namalunda wetu. Nae ankumanya nyamani shambone kwetu. Na ndyomana nae ankutulodya nyamani shituvaikidile tutende pakulota tumpuwangidye, na nyamani shilota kutupwashela kuvanavo lipuwilo ngwengwe.
1. Yeova avenavo maoni shani kwaupande wa wendi?
Yeova animumba nnume na nkongwe pakulota havanatumile kunyata uwendi. Kanji nae alota nnume na nkongwe vaungile shitamu vapuwangile shawadi ayo. Shawadi ai hainavapa shinu litala vakulambana kuvanavo vana bai, kanji pakulota valodye linagwaledyo kula munu na muje mu inamuna muvaikidile na lipuwilo. Lilove lya Nnungu linkushidoni: ‘Puwanga na ndyavo wa shinemba shako.’ (Mikong’o 5:18, 19) Yeova alota ntwamunu na ndyamunu vakulupilanile, ndyomana Nklistu haimmaikidile alavalave.—Shomya Vabalaniya 13:4.
2. Vitendo vyawendi ni nyamani?
Ibibiliya inkushidoni “vaténda vyawendi . . . havapata maleko la Utawala wa Nnungu.” (1 Vakolintu 6:9, 10) Lilove lya Shigalego lyavatumidile mu Ibibiliya pakulota kuvalanganga vitendo vyawendi ni porneia. Lilove ali linkuvika nkati 1) kulalanavo a nnume au nkongwe waukaungilenavo shitamu, 2) kulalanavo nnumemwavo, na 3) kulalanavo vanyama. Wetu “tukanyema vitendo vyawendi” tunampuwangidya Yeova na shingumi shetu shindava shambone.—1 Vateshalonika 4:3.
LAMBELA KUMANYA VYOE
Manya mwashi mwakutukutila vitendo vyawendi na manya mwaa shani ni shambone kwako kuvanavo makumbukililo lambone.
3. Tukuta vitendo vyawendi
Nnume jumo wavanshema Yoshe wavammalanga mu Ibibiliya, andíta kutenda vitendo vyawendi na nkongwe wamwene. Shomya Kutunduvanga 39:1-12, na badae mwambangile mwaa vyakudya vya mwina:
-
Nyamani shintadídye Yoshe atukute?—Lola nshitali 9.
-
Wako wona kenga Yoshe andyumya wamushi wambone? Mwaa wa nyamani?
Nelo vanemba valota kunjedya dashi Yoshe kutukuta vitendo vyawendi? Lola VIDEO.
Yeova alota wetu uti tutukute vitendo vyawendi. Shomya 1 Vakolintu 6:18, na badae mwambangile mwaa vyakudya vya mwina:
-
Vinu shani vilota kuntadya munu kutenda vitendo vyawendi?
-
Wako ulota kutukuta dashi vitendo vyawendi?
4. Wako unkuulula kutema malingo
Nyamani shilota kutukamadyangidya kutema malingo lakutenda vitendo vyawendi? Lola VIDEO, na badae mwambangile mwaa shakudya sha mwina.
-
Nnung’unumunu mu video atandile nyamani pagwene kenga makumbukililo na vitendo vyake, vikanintadya nae mene kuva wakukulupilika kwa ndyagwe?
Wakati unji ata Vaklistu vakukulupilika vanalikanyalidya pakulota vavenavo makumbukililo lambone. Ulota kuulula dashi kuleka makumbukililo lakunyata? Shomya Vapilipo 4:8, na badae mwambangile mwaa vyakudya vya mwina:
-
Ituvaikidile tukumbukile vinu shani?
-
Kushomya Ibibiliya na kuvanavo vyakutenda vyoe mushimadengo shimwe Yeova, kulota kutupwashela dashi kutema malingo lakutenda lidambi?
5. Malamulo lamwe Yeova lankutupa ipaida
Yeova ankumanya shambone kwetu. Nae ankutupundisha mwashi mwakupatila makumbukililo lambone na ipaida yatulota kupata tukatenda davo. Shomya Mikong’o 7:7-27 au lola VIDEO, na badae mwambangile mwaa vyakudya vya mwina.
-
Nnemba wa vammalenge mu lyaandiko aukile ndalivika dashi mu malingo?—Lola Mikong’o 7:8, 9.
-
Kulingana na Mikong’o 7:23, 26, vitendo vyawendi vinkuulula kuvanavo vyakumilila vyakunyata. Tukavanavo makumbukililo lambone tulota kuulula dashi kunyema matatisho alo?
-
Kuvanavo makumbukililo lambone kulota kutupwashela dashi kunama ngwengwe?
Vanu vanji vona kenga ashilá shivalanga Ibibiliya kwaupande wa nnume kulalanavo nnumemwagwe hashinava shinu shambone. Kanji Yeova Nnungu walinagwaledyo ankulota vanu ngwengwe vapuwange. Pakulota tuname ngwengwe, ituvaikidile tutende ashilá shatwaulila nae. Shomya 1 Vakolintu 6:9-11, na badae mwambangile mwaa shakudya sha mwina:
-
Da shana valume vavalála valumemwave ni shinu shimo shinnyatila Nnungu au vipali vinu vinji?
Pakulota tumpuwangidye Nnungu, ituvaikidile tutende mabadiliko mushingumi. Tushidoni inkupagwa ipaida? Shomya Dimu 19:8, 11, na badae mwambangile mwaa vyakudya vya mwina:
-
Wako wona kenga malamulo lamwe Yeova kwaupande wa makumbukililo ni lakawaida? Mwaa wa nyamani?
Yeova andivapwashela vanu voe pakulota kwigwilila malamulo lake kwaupande wa makumbukililo. Nae momo andakupwashela wako
VANU VANJI VANKUSHIDONI: “Kutenda wendi pakati pa vanu vavili vanagwaladyania ni shinu shakawaida mushilambo.”
-
Wako ukatee dashi?
KWAUNGWIPI
Wendi ni shawadi yajawile Nnungu kwaupande wa ntwamunu na ndyamunu.
Tukumbukilange
-
Vitendo shani vivalangangigwa kuva vyawendi?
-
Nyamani shilota kutupwashela kutukuta vitendo vyawendi?
-
Mwaa shani kwigwilila malamulo lamwe Yeova kwaupande wa makumbukililo ni shambone kwetu?
LIPUNDISHE
Lola mwaa shani ni shambone kwake Nnungu nnume na nkongwe vanama pamo kunga shitamu.
“Biblia Inasema Nini Kuhusu Kuishi Pamoja Bila kufunga Ndoa?” (Makala iliyo kwenye mtandao)
Ata Ibibiliya ikavalanga kenga nnume kulalanavo nnumemwagwe ni shinu shakunyata, lola mwaa shani yanavo hainavalanga shinu kenga ivaikidile tuvavangedye vatenda shinu asho.
“Je, Ni Kosa Kufanya Ngono Kati ya Watu wa Jinsia Moja?” (Makala iliyo kwenye mtandao)
Manya mwaa shani malamulo lake Nnungu kwaupande wa wendi lankutushililidya.
“Je, Ngono ya Mdomo Ni Ngono?” (Makala iliyo kwenye mtandao)
Pakulota umanye nyamani shintadidye nnume ashivalala valumemwagwe kubadili makumbukililo pakulota kumpuwangidya Nnungu shomya shakupitila “Vanavo vaningutanana na ishima.”
a Vitendo vyawendi vinkuvika nkati vinu vyakuvilingananga kenga, kunnala munu utumila ikanywa, kunnala munu utumila lukundu lwa mavi, kumpalapata munu junji kushinena pakulota avenavo mweshe wakutenda wendi, na kulalanavo nnume au nkongwe waukaungilenavo shitamu.
