LISHOMO 34

Tulota kulodya dashi linagwaledyo lyetu kumwe Yeova?

OMBA

Da wako unkunnagwaledya namene Yeova kuliko pautunduvenge kulipundisha Ibibiliya? Da unkulota kuka mushu unanowanga umbodi wako namu Nae? Ikava davo, kumbukila kenga Yeova palota kwona linagwaledyo lyako lyuka mushu likulumuka, nae andauka ndakunagwaledya namene wako na kukutanana. Wako ulota kulodya dashi kenga unkunnagwaledya nae?

1. Wetu tulota kulodya dashi kenga tunkunnagwaledya Yeova?

Wetu tunalodya kenga tunkunnagwaledya Yeova kwa kumwigwilila nae. (Shomya 1 Nshuwau 5:3.) Nae hanankanyalidya shinu munu pakulota amwigwilile. Kuleka davo, nae ankumupa kula munu litala lyakulota kutandola ikava kenga anamwigwilila au mene. Mwaa wa nyamani? Yeova alota “twigwilile kuma muntima.” (Valoma 6:17) Mu malove lanji nae alota umwigwilile i kwamwaa ikuvaikidile utende davo, kanji kwamwaa unkunnagwaledya nae. Imbande 3 na 4 ya libuku ali vandipanganianga pakulota kukupwashela wako kulodya linagwaledyo lyako kumwe Yeova kwa kutenda vinu vimpuwangidya nae na kuleka vinu víkampuwangidya nae.

2. Mwaa shani shinkuulula kuva shinu shakukamadyanga wetu kulodya linagwaledyo kumwe Yeova?

‘Waishaliya ankuvanavo matatisho loe.’ (Dimu 34:19) Wetu uti tunkutenda ing’ondo ya ungaloka watuvenavo. Na tunkuvanavo matatisho la kwova kwa njuluku, ungave-ishaliya, na matatisho lanji. Muwakati watupita mmatatisho tunkuulula kwona kuva shinu shakukamadyanga kwodedya ashilá shatwaulila Yeova. Kanji wako ukatenda ashilá shinnagwela Yeova mukukulupilika, wako undalodya kenga unkunnagwaledya nae kuliko shinu shoeshoe. Na wako undalodya kenga unkukulupilika kwake nae. Kwa kutenda davo nae momo andauka ndakulupilika kwako. Na mwiko hakwambukanga.—Shomya Dimu 4:3.

LAMBELA KUMANYA VYOE

Manya mwaa shani kumwigwilila Yeova kunampuwangidya nae, na nyamani shilota kukupwashela wako kuka mushu uva wakukulupilika kwake nae.

3. Litatisho likuvika nkati wako

Kulingana na Ibibiliya mulibuku limwe Jobi, Sha- twani anintambudyanga Jobi na vanu uti valota kuntumikila Yeova. Shomya Jobi 1:1, 6–2:10, na badae mwambangile mwaa vyakudya vya mwina:

Kulingana na shatangwele Shatwani, mwaa shani Jobi ashinamwigwilila Yeova?—Lola Jobi 1:9-11.
Nyamani shatangwele Shatwani kwaupande wa vanu uti, kukuvika nkati wako?—Lola Jobi 2:4.

Shomya Jobi 27:5b, na badae mwambangile mwaa shakudya sha mwina:

Jobi alodídye dashi kenga kwaumwiu ashinannagwaledya Yeova?

Jobi andilodya linagwaledyo lyake kumwe Yeova kwa kuka mushu akulupilika kwake nae

Wetu tundalodya linagwaledyo lyetu kumwe Yeova kwa kuka mushu tukulupilika kwake nae

4. Tadya ntima umwe Yeova kuvanavo lipuwilo

Shomya libuku lya Mikong’o 27:11, na badae mwambangile mwaa vyakudya vya mwina:

Yeova aligwa dashi wako ukavanavo limanyilo na ukamwigwilila nae? Mwaa wa nyamani?

5. Wako unkuulula kuva wakukulupilika kumwe Yeova

Kwamwaa wakunnagwaledya Yeova kundatutadya wetu kuvandadidya vanu vanji kwaupande wake nae. Kwamwaa wakukulupilika kwetu kundatutadya wetu kutenda davo ata ikava kenga ni shinu shakukamadyanga. Lola VIDEO, na badae mwambangile mwaa vyakudya vya mwina.

VIDEO: Shililidya likulupililo lyako ata ukapapatigwa (5:09)

Da wako unkwona kuva shinu shakukamadyanga kuvaulila vanu vanji kwaupande umwe Yeova?
Mu video, nyamani shimpwashadile Grayson kutema kujopa kwake?

Ni shinu shíkakamadyanga kuva wakukulupilika kumwe Yeova ukanagwaledya ashilá shanagwaledya nae na ukavangedya ashilá shavangedya nae. Shomya Dimu 97:10, na badae mwambangile mwaa vyakudya vya mwina:

Kulingana na vinu vyaulipundishidye, vinu shani vanagwaledya Yeova? Na vinu shani vyavangedya nae?
Wako ulota kulipundisha dashi kunagwaledya vinu vyambone na kuvangedya vinu vyakunyata?

6. Wetu tunkupata ipaida tukamwigwilila Yeova

Kumwigwilila Yeova Ngwengwe ni shinu shambone. Shomya Ishaiya 48:17, 18, na badae mwambangile mwaa vyakudya vya mwina:

Wako wona kenga tunkuulula kukulupila kenga Yeova ngwengwe ankumanya shambone kwetu? Mwaa wa nyamani?
Mpaka ambi, kulipundisha Ibibiliya na kwaupande wa Nnungu wiu Yeova, upatangidile ipaida shani?

VANU VANJI VANKUSHIDONI: “Vitendo vyangu kwaumwiu Nnungu hanajali shinu.”