LISHOMO 01
Ibibiliya ilota kukupwashela dashi wako?
Kwaumwiu uti wetu tunkuvanavo vyakudya kwaupande wa Shingumi, mauvilo, kupela, na wakati wa mushu. Nayadavo tunangaikangila vinu vya kula liduva, kenga mwashi mwakunamila au mwakupatila lipuwilo palikola. Vanu voe vandyanalela kenga Ibibiliya inajang’ula shinu bai vyakudya vikumene vya mushingumi shave, kanji momo inkujaula midimu vya kuvikila mmitendo mushingumi sha kula liduva. Da wako wona kenga Ibibiliya inkuulula kumpwashela kula munu?
1. Vyakudya shani vinji vijang’uligwamu Ibibiliya?
Ibibiliya inkujang’ula vyakudya vikumene kenga avi: Shingumi shitunduvenge dashi? Ishabaa ya shingumi ni yakwashi? Mwaa shani vanu vakave makosha vankuva? Munu akapela shintandeka nyamani? Ikava kenga kula munu ankulota amani, mwaa shani inkupagwa ing’ondo? Nyamani shilota kutandeka mushilambo muwakati wa mushu? Ibibiliya inkutupa ntima shii pakulota tupate majibu avyakudya avi, na dimilioni dyoe dya vanu vandipata majibu lambone namene.
2. Ibibiliya inkutupwashela dashi kupuwanga na shingumi shetu sha kula liduva?
Ibibiliya inkutupa midimu vyambone. Kwampano, inkupundisha mwashi mwakupatila lipuwilo liu palikola. Yanavo inkutwaulila nyamani shivaikidile kutenda tukashanganikiwa na mwashi mwakupatila lipuwilo na madengo letu. Wako undauka ndamanya nyamani shipundisha Ibibiliya, kwaupande wa myaa avi na kupunda namene tundauka nambangila mwaa pamo kwa vinu avyo. Wako undauka navanavo wakika kenga “maandiko uti [vinu uti vyamu Ibibiliya] . . . vinkuvanavo mana.”—2 Timoti 3:16.
Ibulushula ai hainadiva shinu lyutu lya Ibibiliya. Pavedoni, tunkukupa ntima shii pakulota ushomye maandiko landikigwe mu mashomo ala na ulinganiange na avilá vyaulipundisha.
LAMBELA KUMANYA VYOE
Lola mwashi mwaivapwashaladile vanu Ibibiliya, wako ulota kupuwangadashi paushomya yanavo, na mwaa shani ni shambone kupata lipwashalelopakulota kwigwa shana Ibibiliya.
3. Ibibiliya inkuulula kutulangalalela
Ibibiliya ni kenga itoshi ya dimongo namene. Yanavo inkuulula kutupwashela wetu mwakutandela wamushi wambone na inkuulula kutwaulila nyamani shilota kutandeka muwakati wa mushu
Shomya Dimu 119:105, na badae mwambangile mwaa vyakudyavya mwina:
-
Nkwaandika dimu ashanela mwashi Ibibiliya?
-
Wako wonela mwashi Ibibiliya?
4. Ibibiliya inkuulula kujang’ula vyakudya vyatuvenavo
Nkongwe jumo andipata mu Ibibiliya majibu a vyakudya vyakukamadyanga vyavenavo mu myaka vyoe. Lola VIDEO, na badae mwambangile mwaa vyakudya vya mwina.
-
Mu video, vyakudya shani vyavenavo nkongwe?
-
Kulipundisha Ibibiliya kumpwashadile dashi nae?
Ibibiliya inkutupa ntima shii pakulota tutende vyakudya. Shomya Mateu 7:7, na badae mwambangile mwaa shakudya sha mwina:
-
Vyakudya shani vyauvenavo vilota kujang’uligwa mu Ibibiliya?
5. Wako unkuulula kupuwanga na kushomya kwa Ibibiliya
Vanu voe vankupuwanga na kushomya kwa Ibibiliya na vankupatangila mana kwa kutenda davo. Lola VIDEO, na badae mwambangile mwaa vyakudya vya mwina.
-
Mu video, vanemba vankuligwa dashi kwaupande wa kushomya Ibibiliya uti?
-
Mwaa shani vanavo vankulyona kubadilika namene kwaupande wa kushomya Ibibiliya?
Ibibiliya inkuvalanga kenga, inkuulula kutupa midimu vilota kutupambadyanga na kutupa lilindililo. Shomya Valoma 15:4, na badae mwambangile mwaa shakudya sha mwina:
-
Da vyakulivikila vyakupambadyanga vyamu Ibibiliya vinakunagwela wako?
6. Vanu vanji vankuululakutupwashela kwigwashana Ibibiliya
Wakati unji ni shambone kushomya Ibibiliya gweka yako, kanji vanu voe vandyanalela kenga kushomya na munu junji linkupagwa lipwashalelo likumene. Shomya Vitendo 8:26-31, na badae mwambangile mwaa vyakudya vya mwina:
-
Tulota kuulula dashi kwigwa shana Ibibiliya?—Lola mishitali 30, 31.
Mwitiope andilota lipwashalelo pakulota kwigwa shana Maandiko. Vanu voe maduvano vandyanalela kuva shambone kulipundisha Ibibiliya navanu vanji
VANU VANJI VANKUSHIDONI: “Kulipundisha Ibibiliya ni kukatoka kwa wakati.”
-
Napanelo wako ukate dashi? Na mwaa wa nyamani?
KWAUNGWIPI
Ibibiliya inkuvanavo midimu vya shingumi, inajang’ula vyakudya vikumene, na inavapambadyanga vanu na kuvapa lilindililo.
Tukumbukilange
-
Midimu shani vyatulota kupata mu Ibibiliya?
-
Vyakudya shani vijang’uligwa mu Ibibiliya?
-
Nyamani shikunagwela wako kulipundisha mu Ibibiliya?
LIPUNDISHE
Lola mwaa shani midimu vyamu Ibibiliya ni vyaipaida maduvano.
“Mafundisho ya Biblia—Hekima Isiyopitwa na Wakati” (Mnara wa Mlinzi, Na. 01 2018)
Lola Ibibiliya mwaimpwashaladile nnume ashuvauvanga na makumbukililo lake tangu shidyoko shake.
Lipuwilo lya shingumi shangu shaambi litunduvenge dashi (2:53)
Lipundishe midimu vyamu Ibibiliya mwavipwashalela shingumi sha palikola.
Lipundishe mwashi Ibibiliya mwaivalangangila shana makumbukililo la vanu kwaupande wa nyani alangalela shilambo.
Mwaa shani inkutubidi tulipundishe Ibibiliya?—Vyakulingana (3:34)
