THUTO 60
Dwilila ne Bukhwinya Gugo na Jehova
Mu zwidiyo izwezwi zose zwe Baibili, wa zwidiya kunjinji ne kwa Jehova. Zwithu zwa wa zwidiya zwa thama kuti u nde kwazo, kwa wa pelela wa zwipa mu nli ne ku dubikiwa. Ha ku sa ka jalo, pangwe u no kumbulila ku thama ichecho mu chibaka chi pejo. Ngono ku dubikiwa ha ku to misa ku dwilila kuko. U nga dwilila u na bukhwinya na Jehova cha chose. Chini?
1. Ini wa ka fanila ku dwilila u simisa bukhwinya gugo na Jehova?
Ta ka fanila ku dwilila ti simisa bukhwinya gwedu na Jehova. Ini kwa ka jalo? “Kuti tisitongodwa tibhuda mu” nli. (Bahebera 2:1) Ini chi nga ti batsha ku dwilila ti shingila Jehova ne ku thembeka? Ti nga khona ha ti dwilila ta ka batika mu ku rera ne ku shaka zila dzingwe dze ku shingila Ndzimu kwa ka paphidzika. (Bala Bafilipi 3:16.) Ku shingila Jehova i zila i no dzi pinda dzose mu buchilo!—Pisalema 84:10.
2. Ini cha wa ka fanila ku dwilila u thama kakale?
Nenguba zwidiyo izwezwi zwe Baibili zwi pela ngwenu, buchilo gugo se Nkirisiti go dwilila. Baibili ikati “ibeni batshwa.” (Baefeso 4:23, 24) Ha u dwilila u zwidiya Dama le Ndzimu ne ku be po mu zwidiyo zwe gubungano, u nowo zwidiya zwithu zwiptshwa ne kwa Jehova ne buthu gugwe. Shaka zila dzingwe dza u nga yedza buthu gugwe kwa ka paphidzika mu buchilo gugo. Dwilila u bona kuti ini cha u nga shalula mu buchilo gugo kuti u shathise Jehova.
3. Jehova u nowo ku batsha chini kuti u dwilile?
Baibili ikati: “Ndzimu . . . unowomuthama bakapelela, ukamubaka, ukamusimisa.” (1 Pita 5:10) Tose to lingisana ne dzindiko. Ngono Jehova u no ti pa cha ti no sheta ku lingisana nadzo. (Pisalema 139:23, 24) U no ku thembesa kuti u nowo ku pa masimba e ku nshingila ne ku thembeka.—Bala Bafilipi 2:13.
ZWIDIYE KWA KA NGINILILA
Bona kuti u nga dwilila chini, ne se kwa Jehova a nowo ku batsha.
4. Dwilila u lebeleka ne Nkhwinya uwo nkulu
Ku tembezela ne ku zwidiya Baibili kwa ku batsha ku be nkhwinya wa Jehova. Ku thama u jalo kowo ku batsha chini kuti u dwilile uli nkhwinya uwe?
Bala Pisalema 62:8, mu be mu lebesana ne kwe buzo i no tobela:
-
Ini cha u nga shandula mu zila ya u no tembezela nayo ku simisa bukhwinya gugo na Jehova?
Bala Pisalema 1:2, mu be mu lebesana ne kwe buzo i no tobela:
-
U nga paphidza chini ku bala Baibili kuko kuti u simise bukhwinya gugo na Jehova?
Ini cha u nga thama kuti u shathile ku zwidiya Baibili kwa ka paphidzika? Ku bona mingwe mikumbulo, zana VIDIYO, mu be mu lebesana ne kwe buzo dzi no tobela.
-
I mikumbulo ipi ya u nga shingisa ku dwa mu vidiyo?
-
Misholo ipi ya u nga da ku zwidiya ne kwayo?
5. Zwibigile mazwimisilo e zwa u no shaka thama
Ku be ne mazwimisilo e zwingwe zwa u nga thama mu ku shingila Jehova kowo ku batsha ku dwilila. Zana VIDIYO, mu be mu lebesana ne kwe buzo i no tobela.
-
Mu vidiyo iyeyi, ku zwibigila mazwimisilo kwa ka batsha Cameron chini?
Ha te nngwe ne nngwe u nga fulukila ku ingwe shango ku no rera. Ne kwa ka jalo, nngwe ne nngwe wedu u nga zwimisila ku thama chingwe cha a nga khona. Bala Zwiani 21:5, u bo u kumbulila zwingwe zwa u nga zwimisila ku thama mu . . .
-
gubungano.
-
ku rera.
Nlayontewo u mu ndimana u nga ku batsha chini ku shingikadza mazwimisilo awo?
Mazwimisilo a u nga kumbulila
-
Paphidza bukhoni gugo gwe ku tembezela.
-
Ku bala Baibili yose.
-
Ku ziba nngwe ne nngwe u mu gubungano lilo.
-
Ku tangisa ku be ne thuto ye Baibili.
-
Ku shingila se nzhulazila u no batsha kene we chibaka chi zhele.
-
Ha uli nzwalani, gwisila kuti u fanilike ku be nlanda u no shingila.
6. Shathila buchilo cha chose!
Bala Pisalema 22:26, mu be mu lebesana ne kwe buzo i no tobela:
-
Ini chi nga ku batsha kuti u shathile buchilo ngwenu ne cha chose?
CHA WA ZWIDIYA
Dwilila u simisa bukhwinya gugo na Jehova ne ku zwibigila mazwimisilo e zwa u no shaka thama. Ngono nowo shathila buchilo cha chose!
U Nga Tini?
-
Ini u nga themba kuti Jehova u nowo ku batsha kuti u nshingile ne ku thembeka?
-
U nga simisa bukhwinya gugo na Jehova chini?
-
Ku be ne mazwimisilo e zwa u no shaka thama kowo ku batsha chini ku dwilila?
SHAKISISA
Ini chi no tolegwa pezhugwi na Jehova, ku nshingila ka ngompela ti be ti lecha, kene ku dwilila ti thembeka mu nli buchilo gwedu gose?
Ku nga shingikala kuti nlanda u no thembeka wa Jehova a pelegwe ne ku shatha. Bona se kwa a ngabe ne ku shatha kakale.
U nga zwibigila ne ku shingikadza chini mazwimisilo awo?
“Kudza Mbumbi Uwo ne Zwa wa ka Zwimisila Thama” (Thungamakole, July 15, 2004)
Ini ku sheteka kuti u be Nkirisiti wa ka kula, ngono u nga thama u jalo chini?
“Dwilila u Kula—‘Zhuba la Jehova li Pejo’” (Thungamakole, May 15, 2009)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
