THUTO 49
Nsha Uwo u Nga Shatha Chini?—Ipithu 1
Ba cha dwa ku lobolana ba ka lingilila kuti ku shatha kwa ba ka be na ko mu zhuba labo le ndobolo, kowo dwilila cha chose. Iko ku nga khoneka. Bakirisiti ba na chibaka chilefu ba ka lobolana, kakale be gwisa ku shingikadza kumbuludzo ye Baibili ba no ziba kuti ichecho cho khoneka.
1. Baibili i no batsha chini balume ba ka lobola?
Jehova wa ka shalula nlume ku be nsholo we nsha. (Bala Baefeso 5:23.) Jehova wa ka lingilila kuti a shalule zwi nowo batsha nsha uwe. Baibili i no kumbuludza balume ba ka lobola iti: “Idani bakadzi benyu.” (Baefeso 5:25) Ichecho cho dwani? Nlume wa ka lobola u no bata nkadzi uwe ne buthu, ha bali mu nzi kene ba na bangwe. U no mbakilila mu zwithu zwi nga nkubadza kakale u no nthokomela ne zwithu zwa a no sheta mu mbili ne mu mazwiwo. (1 Timoti 5:8) U no tolela pezhugwi kuti nkadzi uwe a be ne bukhwinya gu pejo na Jehova. (Matewu 4:4) Ha ti lakidzila, u nga tembezela ne ku bala Baibili ne nkadzi uwe. Ha nlume e lakidza nkadzi uwe ludo ne ku nthokomela, u no dwilila ali nkhwinya wa Jehova.—Bala 1 Pita 3:7.
2. Baibili i no batsha chini bakadzi ba ka lobogwa?
Dama le Ndzimu likati, nkadzi “wakafanila teta nlume uwe.” (Baefeso 5:33) U nga thama ichecho chini? U nga kumbula ne kwe buthu gu buyanana gwe nlume uwe ne zwa a no thama ku nthokomela ne bana. Kakale u nga lakidza ku nteta ne ku batsha kuti zwi no shalugwa ne nlume uwe zwi yende zwibuyanana, ne ku lebesana naye kene ku leba ne kukwe ne buthu, ne a si nga namate Jehova.
3. Ba ka lobolana ba nga simisa chini ndobolo yabo?
Baibili ha i leba ne kwe ba ka lobolana ikati: “Bubili gowobe mbili nng’ompela.” (Matewu 19:5) Ichechi cho dwa kuti ba ka fanila ku gwisana ne chingwe ne chingwe chi nga thama kuti ba thubukane. Ba no thama be jalo ne ku shingisa chibaka chinjinji bali bose, be budzana mikumbulo ne mazwiwo abo ba ka sungunuka. Habazo fanila ku tolela pezhugwi nngwe kene chingwe kuzhe kwa Jehova, ku pindisa wa ba ka lobolana naye. Ba no lamba ku hwanana kwazo ne nngwe wa ba sa ka lobolana naye.
ZWIDIYE KWA KA NGINILILA
I milayontewo ipi ye Baibili i nga simisa ndobolo yenyu?
4. Balume—idani ne ku thokomela bakadzi benyu
Baibili ikati: “Balume bakafanila kuda bakadzi babo se mibili yabo.” (Baefeso 5:28, 29) Ichecho cho dwani? Zana VIDIYO, mu be mu lebesana ne kwe buzo i no tobela.
-
Nlume u nga lakidza kuti u no da ne ku thokomela nkadzi uwe ne zila dzipi?
Bala Bakolosa 3:12, mu be mu lebesana ne kwe buzo i no tobela:
-
Nlume u nga lakidza chini buthu igogu mu ndobolo?
5. Bakadzi—idani ne ku teta balume benyu
Baibili i no kumbuludza nkadzi ku teta nlume uwe ne a si Nfakazi. Bala 1 Pita 3:1, 2, mu be mu lebesana ne kwe buzo dzi no tobela:
-
Ha ili kuti wa ka lobogwa ne nlume u si Nfakazi, malebeswa wuti no shaka kuti a namate Jehova. U no kumbula kuti ini chi nga batsha? Ku dwilila u nrerela kene ku be ne mazwibato a no lakidza kuti u no nteta? Ini u jalo?
Balume ne bakadzi ba nga shalula cha ka lulwama bose. Ne kwa ka jalo, zwibaka zwingwe nkadzi u ngana a ka si dumane ne nlume uwe. U nga leba se kwa a no zwiwa a ka wila zwilopa kakale ne zila i no lakidza ku teta nlume uwe, ngono wa ka fanila alakana kuti Jehova wa ka pa nlume mazwidabililo e ku shalula cha ka lulwamila nsha. Wa ka fanila ku thama kose kwa a nga khona ku batsha nlume mu na cha a shalula. Ha e thama e jalo, u no thama kuti ku be ne ku shatha mu nsha. Bala 1 Pita 3:3-5, mu be mu lebesana ne kwe buzo i no tobela:
-
Jehova u no zwiwa chini ha nkadzi e teta nlume uwe?
6. U nga mililana ne mathatha e nsha
A kuna nsha u si na mathatha. Ndizo, ba ka lobolana ba ka fanila ku shingidzana mu ku mililana nawo. Zana VIDIYO, mu be mu lebesana ne kwe buzo dzi no tobela.
-
Mu vidiyo, i zwithu zwipi zwi no lakidza kuti nlume ne nkadzi ba ka be be tangisa ku sa be pejo?
-
I zwithu zwipi zwa ba ka thama ku simisa ndobolo yabo?
Bala 1 Bakorinta 10:24 ne Bakolosa 3:13. Shule kwe ku bala ndimana ingwe ne ingwe, lebesanani ne kwe buzo i no tobela:
-
Ku shingisa kumbuludzo iyeyi ku nga simisa ndobolo chini?
Baibili ikati ta ka fanila ku kudzana. Ku kudza nngwe ko shanganyila ku bata nthu iwoyo ne zila ye ku nteta. Bala Baroma 12:10, mu be mu lebesana ne kwe buzo dzi no tobela:
-
A balume kene bakadzi ba ka fanila ku milila wa ba ka lobolana naye kuti a ba kudze takhwa? Ne kutini?
BATHU BANGWE BA KATI: “Mazhuba iyawa, ha ndi cha hwanana kwazo ne wa nda ka lobolana naye sa ntolo.”
-
U nga ba chenesela chini kuti Baibili i nga ba batsha?
CHA WA ZWIDIYA
Nlume ne nkadzi ba ka lobolana ba nga shatha ha be dana, be tetana, kakale be shingisa milayontewo ye Baibili.
U Nga Tini?
-
Nlume u nga thama chini kuti ku be ne ku shatha mu nsha?
-
Nkadzi u nga thama chini kuti ku be ne ku shatha mu nsha?
-
Ha uli mu ndobolo, i nlayontewo upi mu Baibili u nga ku batsha ku simisa ndobolo yenyu?
SHAKISISA
Zwidiye ne kwe zwithu zwa mu nga thama zwi nga mu batsha kuti mu shathile buchilo gwe nsha.
Lingilila vidiyo ye nlidzo i no lakidza se kwa Ndzimu e batsha ba no shingikadza kumbuludzo iye mu nsha.
Shakisisa kuti ku zwiyesa pasi kwe nkadzi mu nlume uwe ko dwani.
“Bakadzi, Ini ma ka Fanila ku Teta Butungamili?” (Thungamakole, May 15, 2010)
Bona masimba e kumbuludzo ye Baibili ne kwe ndobolo.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
