THUTO 30
Ba u no Da ba Nga Chila Kakale!
Ku figwa ko ti hwisa zogwadza kwazo. Ndizo Baibili i dana lufu iti i chita. (1 Bakorinta 15:26) Mu thuto 27, wa ka zwidiya kuti Jehova u nowo pedzisa chita ichechi. Ngono bathu ba ka fa ba nowo shingikaligwa neni? Mu thuto iyeyi nowo zwidiya kwa ka paphidzika ne kwe chingwe kakale chi no shathisa cha ka thembesiwa na Jehova, iye u nowo gwiliza dzibiliyoni dze bathu mu shango kuti ba shathile buchilo cha chose. U nowo ba musa! A dumbu ichecho chi nga shingikala? A ba nowo musiwa kuti ba no chilila kudzimu kene mu shango?
1. Jehova u no shaka ku thamilani ba ka fa?
Jehova u no shaka dumbu ku musa bathu ba ka fa. Jobe, nlume u na dumilo wa ka be e dumila kwa ka pelela kuti Ndzimu u nowo nkumbula ha a fa. Wa ka dwa Ndzimu eti: “Ha mundidana ndowomudabila [ku dwa mu Ikumbu kene Libita].”—Bala Jobe 14:13-15.
2. To ziba chini kuti bafi ba nga musiwa?
Ha Jesu ali mu shango, Ndzimu wa ka mpa masimba e ku musa bathu. Jesu wa ka musa ngwana we chikadzi wa ka be a na makole ali 12, kakale wa ka musa ne ngwana we chiisana we nkadzi wa ka figwa ne nlume. (Mako 5:41, 42; Luka 7:12-15) Shule kwa ikoko, Lazaro, nkhwinya wa Jesu wa ka fa. Nenguba Lazaro a ka be a na mazhuba ali 4 a biganyiwa, Jesu wa ka mmusa. Shule kwe ku tembezela Ndzimu, Jesu a ka milidza hwi a ka dana eti: “Lazaro, bhuda!” Ngono “Lazaro kabhuda,” e chila! (Johani 11:43, 44) Be nsha ne bakhwinya ba Lazaro ba ka be ba ka shatha kwazo!
3. Ku na thembo ipi ne kwe makamu ne bakhwinya ba ka fa?
Baibili i no thembesa kuti: “Bathu . . . banowomuka mu lufu.” (Mishingo 24:15) Ba ka musiwa na Jesu mu chibaka cha ka pinda ba ka be ba si kudzimu. (Johani 3:13) Ba ka shathila ku musigwa mu shango. Ne zila i no fanana, Jesu u no dwa e musa dzibiliyoni dze bathu kuti ba shathile buchilo cha chose mu shango ye paradaisi. Wa kati bose ba no alakaniwa ne Ndzimu ba nowo musiwa, ne ku sina nthu u no alakana kuti ba ka tongo chila.—Johani 5:28, 29.
ZWIDIYE KWA KA NGINILILA
Bona bufakazi gu mu Baibili gwe kuti ku musiwa kwe bafi ko khoneka kakale kowo shingikala. Zwidiye se kwa ku musiwa kwe bafi ku nga ku nyaladza ne ku ku pa thembo.
4. Jesu wa ka lakidza kuti u no khona ku musa bafi
Zwidiye kwa ka paphidzika kuti Jesu wa ka thamilani nkhwinya uwe, Lazaro. Bala Johani 11:14, 38-44, mu be mu lebesana ne kwe buzo dzi no tobela:
-
To ziba chini kuti Lazaro wa ka be a fa dumbu?—Bona ndimana 39.
-
Ha ili kuti Lazaro wa ka be a yenda kudzimu, a u no kumbula kuti Jesu u no be a ka mmusila mu shango?
5. Bathu banjinji ba nowo musiwa!
Bala Pisalema 37:29, mu be mu lebesana ne kwe buzo i no tobela:
-
Dzibiliyoni dze bathu dzowo musigwa ngayi?
Jesu u nowo musa ne bathu bangwe banjinji ba ka be ba si nga namate Jehova. Bala Mishingo 24:15, mu be mu lebesana ne kwe buzo i no tobela:
-
Ndi yani wa u no shaka ku bona e musiwa?
Kumbula yechi: Jesu u nga khona ku musa nfi koga sa tate be khona ku musa ngwana wabo wa ka yizela
6. Ku musiwa kwe bafi ku nga ku nyaladza ne ku ku pa thembo
Mbiko ye Baibili ye ngwana we chikadzi wa Jairusi ya ka nyaladza ne ku batsha banjinji ba ka hwa zogwadza. Bala mbiko iyeyi ye malebeswa mu na Luka 8:40-42, 49-56.
Mbeli kwe ku musa ngwana we chikadzi wa Jairusi, Jesu wa ka dwa tate be ngwana eti: “Usitje, galamoyo koga.” (Bona ndimana 50.) Ku lingilila mbeli ku musiwa kwe bafi ku nga ku batsha chini . . .
-
ha wa figwa?
-
ha buchilo gugo guli mu mbatsha?
Zana VIDIYO, mu be mu lebesana ne kwe buzo i no tobela.
-
Ku lingilila mbeli ku musiwa kwe bafi kwa ka batsha chini bazwadzi ba Phelicity?
BATHU BANGWE BA KATI: “Ha ndi to duma kuti ku musiwa kwe bafi ku nga shingikala.”
-
Iwe u no kumbulani?
-
I ndimana ipi ya u nga shingisa ku lakidza kuti ku musiwa kwe bafi kowo shingikala?
CHA WA ZWIDIYA
Baibili i no thembesa kuti dzibiliyoni dze bathu ba ka fa ba nowo musiwa. Jehova u no shaka kuti ba chile kakale, ngono wa ka pa Jesu masimba e ku ba musa.
U Nga Tini?
-
Jehova na Jesu ba no zwiwa chini ne kwe ku musa bafi?
-
Dzibiliyoni dze bathu ba nowo musiwa, ba nowo chilila ngayi, kudzimu kene mu shango? Ini u jalo?
-
Ini chi no thama kuti u dume kwa ka pelela kuti, ba u no da ba nowo chila kakale?
SHAKISISA
Zwidiye zwa u nga thama ku simidzila ha wa figwa.
A milayontewo ye Baibili i nga batsha nngwe wa ka figwa?
Bana ba nga mililana chini ne lufu gwe gamu kene nkhwinya?
A kuna u nowo musigwa kudzimu? Ndi yani u si ngake a ka musiwa?
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
