THUTO 24
Malebeswa ne Kwe Baengele Ini?
Jehova u no shaka kuti ti zibe ne kwe nsha uwe u kudzimu. Mu nsha iwoyo ku na baengele, ba no dangwa “bakololo bose be kudzimu.” (Jobe 38:7) Baibili i no lebani ne kwe baengele? Ba no shingidzana ne bathu chini? Kakale a baengele bose ba mu nsha we Ndzimu?
1. Baengele ndi boyani?
Jehova wa ka bumba baengele a sathu a ka bumba shango. I zwibumbiwa zwe chimeya zwi no gala kudzimu sa iye. (Bahebera 1:14) Ku na dzimiliyoni dze baengele, ngono ha ba to fanana. (Zumbunulo 5:11) “Banohwilila dama labo [Jehova] labanoleba.” (Pisalema 103:20) Mu zwingwe zwibaka ntolo, Jehova wa ka tuma baengele ku no pa bathu zibiso, ku simisa ne ku batsha bathu bangwe. Ngwenu, baengele ba no batsha Bakirisiti kuti ba yende ku bathu ba no shaka ku zwidiya ne kwe Ndzimu.
2. Satani ne madimoni awe ndi boyani?
Bangwe baengele habazo dwilila be thembeka mu na Jehova. Engele we kutanga ku shandukila Ndzimu, u “nodang’wa Dhiabholo kakale kuyi Satani, ntjengeli we shango yose.” (Zumbunulo 12:9) Satani wa ka be e shaka ku busa, ngono a ka thama kuti bathu be kutanga ne bangwe baengele ba be naye mu ku shandukila Ndzimu. Baengele ibabo, ba no dangwa madimoni. Jehova wa ka thama kuti ba lashigwe mu shango ku dwa kudzimu, ngono ba nowo chinyiwa.—Bala Zumbunulo 12:9, 12.
3. Satani ne madimoni ba no lika ku ti chebela chini?
Satani ne madimoni ba ka chebela bathu banjinji be shingisa buloyi, kene ku lebeleka ne bafi, ngono zose izwezwi zwa ka bipa. Ha ti lakidzila, bathu bangwe ba no shaka batsho mu na ba no lebeleka ne badzimu, baloyi, ba no thama masalamusi, ne ngangha dzi no posa hakata. Bathu bangwe ha be gwala ba no kumbila batsho mu ngangha dzi no posa hakata, kene baporofiti. Kakale bathu ba no chebegwa ku dumila kuti ba nga lebeleka ne bafi. Ngono Jehova u noti budza kuti: “Musitongopambukila kuna banolebeleka ne badzimu kene ku baloyi, musitongobashaka.” (Lifitiko 19:31) U no ti budza matama iyawa ku ti vikila muna Satani ne madimoni. I zwita zwe Ndzimu, kakale ba no shaka ku ti kubadza.
ZWIDIYE KWA KA NGINILILA
Zwidiye ne kwe zwithu zwa ka lulwama zwi no thamiwa ne baengele, mbatsha dze ku dumila mu badzimu, ne se kwa ti nga zwivikila mu na Satani ne madimoni.
4. Baengele ba no batsha bathu ku zwidiya ne kwa Jehova
Baengele be Ndzimu ha ba to rerela bathu ne bukwabo. Mu bumo gwa ikoko, ba ngana ba ka thama kuti ba no namata Ndzimu ba yende ku bathu ba no shaka ku zwidiya ne kukwe. Bala Zumbunulo 14:6, 7, mu be mu lebesana ne kwe buzo dzi no tobela:
-
Ini ti sheta kene shaka batsho ye baengele mu nshingo we ku rera?
-
A a ku to simisa ku ziba kuti baengele ba nga ku batsha kuti u bone bathu ba no shaka ku zwidiya Baibili? Ne kutini?
5. Lamba ku dumila mu badzimu
Satani ne madimoni i zwita zwa Jehova. I zwita zwedu naswibo. Bala Luka 9:38-42, mu be mu lebesana ne kwe buzo i no tobela:
-
Madimoni a no bata bathu chini?
A ti to shaka ku lecha madimoni kuti a ngine mu machilo edu. Bala Ditironomi 18:10-12, mu be mu lebesana ne kwe buzo dzi no tobela:
-
I zila dzipi dzi no shingisiwa ne madimoni ku lika kuti ti thame cha a no shaka kakale kuti ti lebesane nawo? I mishingo ipi ye budimoni, ya ka jwaeleka ya u no ziba ne kwayo?
-
A iwe no bona ku hwikala ku be Jehova a si nga amuchile zwithu zwi no amana ne badzimu, zwi no thamiwa ne bathu? Ne kutini?
Zana VIDIYO, mu be mu lebesana ne kwe buzo dzi no tobela.
-
A u no kumbula kuti nsungo wa ka be uli mu luboko gwe ngwana wa Palesa, wa ka be uli mbatsha? Ne kutini?
-
Palesa wa ka be a ka fanila ku thamani kuti a zwivikile mu madimoni?
Bakirisiti be malebeswa ba no gwisana ne madimoni mu zwibaka zose. Bala Mishingo 19:19 ne 1 Bakorinta 10:21, mu be mu lebesana ne kwe buzo i no tobela:
-
Ku pisa chingwe ne chingwe chi no yendidzana ne madimoni ku nga ku batsha chini?
6. Kunda Satani ne madimoni awe
Madimoni a no busiwa na Satani. Ngono baengele ba no thembeka ba ka tungamigwa ne engele nkulu Mikaele, iye u no dangwa Jesu. Mikaele u na masimba mangapani? Bala Zumbunulo 12:7-9, mu be mu lebesana ne kwe buzo dzi no tobela:
-
Ndi yani u na masimba ku pindisa nngwe? Mikaele ne baengele babe kene Satani ne madimoni awe?
-
A u no kumbula kuti batobeli ba Jesu ba ka fanila ku cha Satani ne madimoni awe?
U nga kunda mu ku gwisana na Satani ne madimoni awe. Bala Jakuba 4:7, mu be mu lebesana ne kwe buzo i no tobela:
-
U nga zwivikila chini mu na Satani ne madimoni?
BATHU BANGWE BA KATI: “A kuna nlandu ku zana mizano kene ku linga dzifilimi dzi no yendidzana ne badzimu. I ku zwidusa budutu koga.”
-
Ini ku kumbula ku jalo ku nga ti longa mu mbatsha?
CHA WA ZWIDIYA
Baengele ba no thembeka ba no ti batsha. Satani ne madimoni awe i zwita zwa Jehova, kakale ba no shingisa dumilo ye badzimu ku chebela bathu.
U Nga Tini?
-
Baengele ba Jehova ba no batsha bathu ba no zwidiya ne kukwe chini?
-
Satani ne madimoni awe ndi boyani?
-
Ini u si nga shake ku amana ne ku dumila mu badzimu?
SHAKISISA
Bona bufakazi gwe kuti Jesu ndiye engele nkulu Mikaele.
Bona bufakazi gwe kuti Diabolo ha te chingwe cha ka bipa mu kati kwedu.
Bona se kwa nkadzi nngwe a ka thubukana ne ku shingidzana ne madimoni.
“Wa ka Wana Mazwimisilo e Buchilo” (Thungamakole, July 1, 1993)
Bona se kwa Satani e shingisa ku dumila mu badzimu ku chebela bathu.
“Malebeswa ne kwe Masalamusi, ne Buloyi” (Zila i no Yesa ku Buchilo gu Singapele, ipithu 5)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
