GALANI MA KA LINDA!
A ko Khoneka kuti Bathu be Zwichaba Zose ba Bakhwe ne Zila ino Fanana?—Baibili Ikatini?
Mu bathu banjinji, kuti bathu ba bakhwe ne zila ino fanana ku linga ili chithu chi singake chi ka khoneka.
“Mu shango yose ku shalaula bathu ko chinya makubungano, zwithopa zwe ichaba kose ne buchilo gwe bathu gwe zhuba ne zhuba. Ku shalaula bathu ko dwilila ku thama kuti bathu ba si batane ne zila ya ka lulwama.”—António Guterres, UN Secretary-General.
A ku bata bathu ne zila ino fanana i chithu chi nga khoneka? Baibili ikatini?
Zila Ndzimu ya a no linga nayo ku sa shalaulana kwe bathu
Baibili ino ti diya kuti Ndzimu u no linga chini njudzi dze bathu dzi singa fanane.
“[Ndzimu] wakathama zwitjaba zose kudwa mu nthu nng’ompela kuti bagale mu shango yose.”—Mishingo 17:26.
“Ndzimu autoshalaula. Koga mu njudzi dzose, mmwe ne mmwe unotja Ndzimu ethama tjakalulwama, Ndzimu unon’amutjila.”—Mishingo 10:34, 35.
Baibili ino lakidza kuti bathu bose zwikamu ne kuti Ndzimu u no amuchila bathu be njudzi dzose.
Ku sa shalaulana kwe bathu kowo shingikala chini?
Ku sa shalaulana kwe bathu kowo shingikala ha ku busa Bushe gwe Ndzimu, hurumente we kudzimu. Hurumente iwoyo u nowo diya bathu kuti ba nga bata bangwe chini ne zila ya ka lulwama. Bathu ba nowo zwidiya kuti ba nga lasha chini mazwiwo e ku shalaula bangwe a ba ngabe ba nawo.
“Bagali be lubumbo banozwidiya ndulamo.”—Izaya 26:9.
“Zwizwalo zwe ndulamo inowobe mbakiso, ne mbuzilo ye ndulamo ikabe kunyalala ne kugalabgwe nge kusingapele.”—Izaya 32:17.
Ngwenu, dzimiliyoni dze bathu dzo zwidiya mu Baibili kuti dzi nga shingidzana ne bangwe chini ne buthu kose ne ku ba hlonipha.
Ku zwidiya kwa ka paphidzika, bala magazini we Tsogang! we nsholo u noti “A Tlhaolele e Tla Fela?”
Bala nsholo u noti “Talking to Children About Racism” ku bona kuti bazwadzi ba nga lebesana chini ne bana babo ne kwe nsholo iwoyo bali ku nzi.
Kakale u Nga Shathila ku Bona
ZWIDIYO ZWE BAIBILI ZWI NO SHETEKA
Bushe gwe Ndzimu i ni?
Mu buchilo gose gwa Jesu gwe ku rera, wa ka diya ne kwe Bushe gwe Ndzimu ku pindisa chingwe ne chingwe cha a ka be e leba ne kwacho. Mu makole manjinji, batobeli babe ba ka tembezelela kuti Bushe igogu gu zhe.
BAIBILI I NO SHANDULA MACHILO
Ndaka Ndi Shaka Gwisana ne ku sa be ne Ndulamo
Rafika wa ka joina ithopa chi no shandukila mbuso chi gwisana ne ku sa bakhwa ne ndulamo kwe bathu. Ne kwa kajalo, wa ka bona thembiso ye Baibili ne kwe mbakiso ne ndulamo ha ku busa Bushe gwe Ndzimu.
NE KWEDU
Kumbila Kumbiwa
Lebeleka ne kwe buzo ye Baibili, kene zwidiye kunjinji ne kwe Bafakazi ba Jehova.
