Yehowa Aseɣɖe Tɩnaa wɛnɩ Ɛsɔtɔm tiyiyaa na?
Ɛɛɛ. Paa le ɖɩwɛɛ yɔ, ɖa Yehowa Aseɣɖe Tɩnaa ɖɩñakɩ pana se Ɛsɔtɔm susuu ɛkɛnɩ mbʋ pɩ-tɔm cɛyɩ ɖɛ-ɛzɩdaa siŋŋ yɔ, pʋyɔɔ ɖisusuu mba ɖɩkatɩɣ-wɛ yɔ ɖe-tisuu yɔɔ tɔm ɖoŋ ɖoŋ.—Maatiyee 28:19, 20.
Pɩtasɩ lɛ, Yehowa Aseɣɖe Tɩnaa nabɛyɛ kʋyʋʋ nɛ powoki pɛ-ɛjaɖɛ hɔɔlɩŋ weyi ɩ-taa ɛyaa tɩtɩɩnɩtɩ Bibl taa laŋhɛzɩyɛ tɔm yɔ. Lalaa ñakʋyʋʋ pɛ-ɛjaɖɛ taa nɛ powoki ajɛɛ lɛɛna taa se pawalɩsɩ pɔ-tɔm susuu tʋmɩyɛ. Pa-taa wɛ leleŋ se mba ɖɔɖɔ pa-tʋmɩyɛ yeki se Yesu tɔm tʋnɛ tɩkɔɔ pɩ-taa: “Ɩkɛ ma-aseɣɖe tɩnaa . . . puwolo pɩtalɩ tɛtʋ kamaɣ yɔɔ.”—Tʋma Labʋ 1:8.
Pɩnaɣ 1943 taa lɛ, ɖɩtʋlɩ sukuli ŋgʋ kɩfalɩsɩɣ Ɛsɔtɔm tiyiyaa se papɩzɩ nɛ pala pa-tʋmɩyɛ camɩyɛ yɔ. Payaɣ sukuli ŋgʋ se Gileyaadɩ Sukuli, nɛ kpaɣnɩ alɩwaatʋ ndʋ patʋlɩ-kʋ nɛ sɔnɔ yɔ, kɩfalɩsɩ ɛyaa mba pɛcɛzɩ 8 000 yɔ.
Kalɩ ɖɔɖɔ....
TƆM SUSUU TƲMƖYƐ
Tɔm susuu kooka ŋga ka-taa Aseɣɖe Tɩnaa fɛyɩ yɔ—Oostralii
Ða nɛ Yehowa Aseɣɖe Tɩnaa hɔʋ nakʋyʋ ɖɩkʋyaa nɛ ɖiwolo ɖenɖe tɔm susuyaa tɩɖɔɔ yɔ nɛ ɖisusi Bibl taa toovenim tɔm Oostralii ɛjaɖɛ taa poliŋ hɔɔlɩŋ nɩɩyɩ taa.
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
