TƆM KƖKPƐLƖKƖTƲ 03
Ŋpɩzɩɣ nɛ ŋtaa Bibl taa tɔm liu na?
Bibl yɔɔdʋʋ lidaʋ tɔm ndɩ ndɩ nɛ kɩtasɩɣ lɔŋ sakɩyɛ ɖɔɖɔ. Pɩtɩla ŋsɔɔlaa se ŋtɩlɩ tɔm ndʋ kɩwɩlɩɣ yɔ, ɛlɛ nabʋyʋ yɔɔ lɛ ŋwɛɛ nɛ ŋkpaɣ ña-tɩ. Ðooo caanaʋ taa pama takayaɣ ŋga; pʋyɔɔ lɛ, ɛzɩ pɩwɛɛ se ɛyʋ etisi lidaʋ tɔm nɛ lɔŋ tasʋʋ ndɩ ndɩ mbʋ pɩwɛ ka-taa yɔ pɩ-yɔɔ? Toovenim lɛ, ŋtisiɣ tɔm ndʋ Bibl yɔɔdʋʋ se ɖɩpɩzɩɣ nɛ ɖɩnɩɩ wezuu leleŋ sɔnɔ sɔnɔ nɛ cee wayɩ yɔ tɩ-yɔɔ? Ɛyaa miiliyɔɔwaa sakɩyɛ tisiɣ tɩ-yɔɔ. Yele nɛ ɖɩna se ña ɖɔɖɔ ŋpɩzɩɣ nɛ ŋtisi tɩ-yɔɔ yaa we?
1. Kɛdɛsɩ nzɩ sɩwɛ Bibl taa yɔ toovenim taa lɛ sɩlaba?
Bibl heyiɣ-ɖʋ se tɔm ndʋ tɩwɛ kɩ-taa yɔ, tɩkɛ «toovenim tɔm ndʋ tɩwɛ siɣsiɣ yɔ.» (Eklezɩyasɩtɩ 12:10) Kɩkɛdɩɣ tɔm ndʋ tɩlabɩ keekee yɔ nɛ kɩyɔɔdʋʋ ɛyaa mba paacaɣ wezuu keekee yɔ pɔ-tɔm. (Kalɩ Luka 1:3; 3:1, 2.) Caanaʋ taa tɔm taa tazɩyaa nɛ tɛtɛɛ ñɩm huyiyaa sakɩyɛ lɩzɩ aseɣɖe se alɩwaatʋ, ɛyaa, lona nɛ kɛdɛsɩ nzɩ sɩwɛ Bibl taa yɔ, sɩkɛ toovenim.
2. Ɛbɛ yɔɔ ɖɩpɩzɩɣ nɛ ɖɩyɔɔdɩ se Bibl tɩkɛ takayaɣ ŋga ka-alɩwaatʋ ɖɛwa yɔ?
Bibl yɔɔdɩ toovenim tɔm ndɩ ndɩ alɩwaatʋ sakɩyɛ pʋcɔ nɛ ɛyaa tɩlɩ-tʋ. Kɩɖaʋ nakʋyʋ lɛ tɔm ndʋ kɩyɔɔdʋʋ lɛɣtʋ ñɩnʋʋ nʋmɔʋ taa yɔ. Tɔm sakɩyɛ ndʋ kɩyɔɔdʋʋ lɛɣtʋ ñɩnʋʋ nʋmɔʋ taa yɔ, ɛyaa sakɩyɛ taatisi tɩ-yɔɔ alɩwaatʋ ndʋ paama-tʋ yɔ. Ɛlɛ ɖa-alɩwaatʋ taa lɛɣtʋ ñɩnɩyaa lɩzɩ aseɣɖe se tɔm ndʋ Bibl yɔɔdʋʋ yɔ, tɩkɛ toovenim. «Tɩmʋnaa se ɛyʋ ɛtaa-tʋ liu paa ɛzɩmtaa, lɛɛlɛɛyɔ nɛ tam tam.»—Keɣa 111:8.
3. Ɛbɛ yɔɔ ɖɩpɩzɩɣ nɛ ɖitisi tɔm ndʋ Bibl yɔɔdʋʋ pɩlɩɩnɩ cee wayɩ yɔɔ yɔ tɩ-yɔɔ?
Bibl yɔɔdʋʋ ‘tɔm ndʋ tɩtɩlabɩta yɔ.’ (Izaayii 46:10) Kɩɩyɔɔdɩ mbʋ pɩlabɩ caanaʋ taa yɔ pɩ-taa sakɩyɛ tɔm alɩwaatʋ sakɩyɛ pʋcɔ nɛ tɩla. Tɔm ñʋʋ kʋnɛ kɩ-taa ɖɩkaɣ tazʋʋ Bibl natʋ tɔm natʋyʋ taa. Ɛzɩma tɩlabɩ ɖeyi ɖeyi yɔ, pɩwɛ piti kpem!
TAZƖ NƐ PILIMI
Tazɩ nɛ ŋna ɛzɩma ɖa-alɩwaatʋ taa lɛɣtʋ ñɩnɩyaa tɔm lakɩ nɔɔ kʋɖʋmaɣ nɛ Bibl taa tɔm yɔ; nɛ ŋtazɩ ɖɔɖɔ camɩyɛ Bibl natʋ tɔm ndʋ tɩwɛ piti kpem yɔ tɩ-taa natʋyʋ taa.
4. Lɛɣtʋ ñɩnɩyaa tɔm labɩ nɔɔ kʋɖʋmaɣ nɛ Bibl taa tɔm
Caanaʋ taa lɛ, ɛyaa sakɩyɛ maɣzaɣ se tɛtʋ caɣ nabʋyʋ yɔɔ. Ɩcɔnɩ VIDEO.
Ðɩkalɩ tɔm natʋyʋ Yɔɔb takayaɣ taa, pamaʋ-tʋ yɔ pɩlakɩ pɩnzɩ 3500 mbʋ yɔ. Ɩkalɩ Yɔɔb 26:7, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ yɔɔ tɔm ndʋ Bibl yɔɔdʋʋ se tɛtʋ ‘tisusi nabʋyʋ yɔɔ’ yɔ tɩɖɩɣzɩɣ ɛyaa?
Pɩnzɩ 1800 waa taa, panɩ ɛzɩma lɩm pɩsɩɣ hohou nɛ pɩkpaɣ ɛsɔdaa nɛ pʋwayɩ pɩɖaɣnɩɣ pɩsʋʋ tɛtʋ yɔɔ yɔ pɩ-taa camɩyɛ. Ɛlɛ na tɔm ndʋ Bibl kaatɛm yɔɔdʋʋ pɩlakɩ pɩnzɩ 3500 mbʋ yɔ. Ɩkalɩ Yɔɔb 36:27, 28; nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛzɩma lɩm pɩsɩɣ hohou nɛ pɩkpaɣ ɛsɔdaa nɛ pʋwayɩ pɩɖaɣnɩɣ pɩsʋʋ tɛtʋ yɔɔ yɔ, ŋmaɣzɩɣ suwe pɩ-yɔɔ?
-
Masɩ nzɩ ŋkalɩ lɛɛlɛɛyɔ yɔ, sɩkpazɩ ɖoŋ tisuu mbʋ ŋwɛnɩ Bibl yɔɔ yɔ?
5. Bibl kaayɔɔdɩ mbʋ mbʋ pɩkaɣ labʋ pʋwayɩ yɔ pɩ-tɔm
Ɩkalɩ Izaayii 44:27–45:2, nɛ pʋwayɩ lɛ ɩtazɩ tɔm tʋnɛ tɩ-taa:
-
Babilɔɔnɩ yɔkʋʋ tɔm hɔɔlʋʋ taa lɛ, tɔm ndʋ Bibl kaayɔɔdaa nɛ pɩla pɩnzɩ 200 pʋcɔ nɛ tɩla?
Caanaʋ taa tɔm wɩlɩɣ se Pɛrɩsɩ Wiyaʋ Siiruusi nɛ ɛ-sɔɔjanaa paayɔkɩ Babilɔɔnɩ pɩnaɣ 539 P.P.Y. a Paahɛ lɔɔʋ nakʋyʋ se pɔɔ ŋga kaacɔ Babilɔɔnɩ nɛ kata yɔ, ka-taa lɩm ikpe kɩ-taa nɛ papɩzɩ nɛ pɛtɛzɩ pɔɔ ŋga. Tɛtʋ taa mba kaatʋlɩ tɛtʋ nɔnɔsɩ nɛ pasɩɩ nɛ pɩha nʋmɔʋ sɔɔjanaa nɛ pasʋʋ tɛtʋ taa nɛ pɔyɔkɩ-tʋ, nɛ patɩla you. Pɔyɔkʋʋ Babilɔɔnɩ yɔ, pɩcɛzɩ pɩnzɩ 2500; nɛ halɩ nɛ sɔnɔ tɛtʋ ndʋ tɩkɛ njɛyɛ. Lɛɛlɛɛyɔ ɖɩtazɩ tɔm ndʋ Bibl kaayɔɔdaa yɔ tɩ-taa.
Ɩkalɩ Izaayii 13:19, 20; nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛzɩma natʋ tɔm tʋnɛ tɩlaba?
Babilɔɔnɩ njɛyɛ sɔnɔ, Iraakɩ.
6. Bibl kaayɔɔdɩ mbʋ piɖiɣni labʋ sɔnɔ yɔ pɩ-tɔm
Bibl yaɣ alɩwaatʋ ndʋ tɩ-taa ɖɩwɛɛ yɔ se «kɛdɛzaɣ kɩyakɩŋ.» (2 Timootee 3:1) Na tɔm ndʋ Bibl yɔɔdɩ kɛdɛzaɣ kɩyakɩŋ yɔɔ yɔ.
Ɩkalɩ Maatiyee 24:6, 7; nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ nɛ ɛbɛ tɔm Bibl kaayɔɔdaa se pɩkaɣ labʋ kɛdɛzaɣ kɩyakɩŋ taa?
Ɩkalɩ 2 Timootee 3:1-5, nɛ pʋwayɩ lɛ ɩtazɩ tɔm tʋnɛ tɩ-taa:
-
Bibl kaayɔɔdaa se wɛtʋ ndɩ ndɩ ndʋ ɛyaa kaɣ wɛnʋʋ kɛdɛzaɣ kɩyakɩŋ taa?
-
Wɛtʋ ndʋ tɩ-taa lɛ, ndʋ ŋɖiɣni naʋ?
NABƐYƐ YƆƆDƲƲ SE: «Bibl kɛ mʋya nɛ ɖimɖimɖanaa takayaɣ.»
-
Ɛbɛ yɔɔ ña-taa tɛma se Bibl kɛ takayaɣ ŋga ɖɩpɩzɩɣ nɛ ɖɩtaa-kɛ liu yɔ?
TOBI LƐ
Caanaʋ taa tɔm, lɛɣtʋ ñɩnʋʋ nɛ natʋ tɔm wɩlɩɣ se Bibl kɛ takayaɣ ŋga ŋpɩzɩɣ nɛ ŋtaa-kɛ liu yɔ.
Tɔm taa tazʋʋ
-
Kɛdɛsɩ nzɩ sɩwɛ Bibl taa yɔ, toovenim taa lɛ sɩlaba?
-
Hɔɔlɩŋ weyi ɩ-taa lɛɣtʋ ñɩnɩyaa tɔm lakɩ nɔɔ kʋɖʋmaɣ nɛ Bibl taa tɔm?
-
Ŋmaɣzɩɣ se Bibl pɩzɩɣ nɛ kɩyɔɔdɩ mbʋ pɩkaɣ labʋ cee wayɩ yɔ pɩ-tɔm na? Ɛbɛ yɔɔ?
WONDU LƐƐTƲ
Ɛzɩ Bibl yɔɔdɩ tɔm natʋyʋ pɩlɩɩnɩ lɛɣtʋ ñɩnʋʋ yɔɔ nɛ tɩtɩkɛ toovenim na?
«Lɛɣtʋ ñɩnɩyaa tɔm lakɩ nɔɔ kʋɖʋmaɣ nɛ Bibl taa tɔm na?» (Intɛrnɛɛtɩ yɔɔ tɔm ñʋʋ)
Toovenim tɔm ndʋ tukuuni «kɛdɛzaɣ kɩyakɩŋ»?
«Bibl taa natʋ tɔm 6 ndʋ ŋɖiɣni naʋ se tiɖiɣni labʋ?» (Tour de Garde, 1er mai, 2011)
Cɔna nɛ ŋna ɛzɩma natʋ tɔm ndʋ Bibl kaayɔɔdɩ Grɛɛkɩ mba kewiyaɣ yɔɔ yɔ tɩlaba yɔ.
Kalɩ nɛ ŋna ɛzɩma Bibl taa natʋ tɔm sɩnɩ abalʋ nɔɔyʋ nɛ ɛlɛɣzɩ lɩmaɣza wena ɛɛwɛnɩ Bibl yɔɔ yɔ.
a P.P.Y tɔbʋʋ lɛ se «Pʋcɔ nɛ Palʋʋ Yesu.»
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
