TƆM KƖKPƐLƖKƖTƲ 33
Mbʋ Ɛsɔ Kewiyaɣ kaɣ labʋ yɔ
Ɛsɔ Kewiyaɣ tɛm paɣzʋʋ ka-tʋmɩyɛ. Pɩkazɩ pazɩ, kakaɣ yebu nɛ wondu sakɩyɛ lɛɣzɩ tɛtʋ yɔɔ. Yele nɛ ɖɩtazɩ kɩbam mbʋ Ɛsɔ Kewiyaɣ kaɣ labʋ yɔ pɩ-taa nabʋyʋ taa.
1. Ɛzɩma Ɛsɔ Kewiyaɣ kaɣ kɔnʋʋ laŋhɛzɩyɛ nɛ siɣsiɣ wɛtʋ tɛtʋ yɔɔ?
Yesu weyi ɛkɛ Ɛsɔ Kewiyaɣ wiyaʋ yɔ, ɛkaɣ ɖɩzʋʋ ɛyaa kɩdɛkɛdaa nɛ ɛjaɖɛ yɔɔ kominawaa Armaagedɔɔ you taa. (Natʋ 16:14, 16) Alɩwaatʋ ndʋ tɩ-taa lɛ, Bibl taa lidaʋ tɔm tʋnɛ tɩkaɣ labʋ kiya: «Pɩkazɩ alɩwaatʋ pazɩ yem, kañatʋ tɩnaa ɩɩkaɣ tasʋʋ wɛʋ.» (Keɣa 37:10) Yesu kaɣ tɩŋnʋʋ Kewiyaɣ yɔɔ nɛ eyele nɛ laŋhɛzɩyɛ nɛ siɣsiɣ wɛtʋ wɛɛ tɛtʋ kpeekpe yɔɔ.—Kalɩ Izaayii 11:4.
2. Ɛzɩma wezuu caɣʋ kaɣ wɛʋ alɩwaatʋ ndʋ Ɛsɔ sɔɔlɩm lakɩ tɛtʋ yɔɔ yɔ?
Alɩwaatʋ ndʋ Ɛsɔ Kewiyaɣ kaɣ ɖiyuu tɛtʋ yɔ, «tɛtʋ kaɣ pɩsʋʋ ɛyaa siɣsiɣ tɩnaa ñɩm, nɛ pakaɣ caɣʋ tɩ-yɔɔ tam.» (Keɣa 37:29) Maɣzɩ kpem nɛ ŋna! Alɩwaatʋ ndʋ tɩ-taa lɛ, ɛyaa tɩŋa kaɣ wɛʋ siɣsiɣ, pɔsɔɔlɩ Yehowa nɛ pɔsɔɔlɩ ɖama ɖɔɖɔ. Nɔɔyʋ ɛɛkaɣ hɩnʋʋ kʋdɔŋ nɛ paa weyi ɛkaɣ caɣʋ wezuu tam tam.
3. Paɖɩzɩɣ ɛyaa kɩdɛkɛdaa nɛ pɩtɛ lɛ, ɛbɛ Ɛsɔ Kewiyaɣ kaɣ labʋ?
Paɖɩzɩɣ ɛyaa kɩdɛkɛda nɛ pɩtɛ lɛ, Yesu tɔkɩ kewiyitu pɩnzɩ 1 000. Pɩnzɩ nzɩ sɩ-taa ɛ nɛ ɛyaa 144 000 waa mba pakaɣ tɔɔʋ kewiyitu yɔ, pakaɣ ɛyaa sɩnʋʋ nɛ patalɩ pilim. Alɩwaatʋ ndʋ tɩtɛŋ lɛ, tɛtʋ pɩsɩɣ paradisuu nɛ ɛyaa mba pañaŋ Yehowa paɣtʋ yɔ pacaɣ wezuu kɩ-taa nɛ panɩɩ leleŋ. Pʋwayɩ lɛ, Yesu ɖʋzʋʋ Kewiyaɣ ɛ-Caa Yehowa nesi tɛɛ. Ðɩnɛ ɛlɛ Yehowa ‘hɩɖɛ yɔɔ kaɣ ñalʋʋ’ nɛ pɩcɛzɩ alɩwaatʋ ndʋ payɩ tɩɖɛwa yɔ tɩ-taa. (Maatiyee 6:9, 10) Pɩkaɣ naʋ kpayɩ kpayɩ se Yehowa kɛnɩ Ðiyiyu kɩbanʋ weyi ɛmaɣzɩɣ ɛyaa yɔɔ yɔ. Pʋwayɩ lɛ, Yehowa kaɣ ɖɩzʋʋ Sataŋ, aleewaa nɛ mba payɩ palɩzɩɣ se pakaɖɩɣnɩ ɛ-kewiyitu tɔɔʋ yɔ. (Natʋ 20:7-10) Pilim wɛtʋ ndʋ Ɛsɔ Kewiyaɣ kaɣ yebu nɛ tɩwɛɛ yɔ, tɩɩkaɣ sɩʋ tɩnaɣ wiɖiyi.
TAZƖ NƐ PILIMI
Tazɩ nɛ ŋna mbʋ pʋyɔɔ ɖɩpɩzɩɣ nɛ ɖitisi se Ɛsɔ kaɣ tɩŋnʋʋ ɛ-Kewiyaɣ yɔɔ nɛ eyele nɛ lidaʋ tɔm ndʋ Bibl yɔɔdɩ cee wayɩ yɔɔ yɔ tɩla yɔ.
4. Ɛsɔ Kewiyaɣ kaɣ ɖɩzʋʋ ɛyaa kominawaa
«Ɛyʋ tɔkɩ kewiyitu ɛyʋ lɛlʋ yɔɔ se pɩkɔnɩ ɛlɛ kaɖɛ.» (Eklezɩyasɩtɩ 8:9) Yehowa kaɣ tɩŋnʋʋ e-Kewiyaɣ yɔɔ nɛ eyele nɛ mulum lakasɩ sɩɩ tɩnaɣ.
Ɩkalɩ Danɩyɛɛlɩ 2:44 nɛ 2 Tesalooniiki mba 1:6-8, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ Yehowa nɛ ɛ-Pɩyalʋ Yesu pakaɣ labʋ ɛyaa kominawaa nɛ mba payɩ paɖʋʋ-wɛ nesi yɔ?
-
Mbʋ ŋkpɛlɩkɩ Yehowa nɛ Yesu pɔ-yɔɔ yɔ, ɛzɩma piyeba nɛ ña-taa tɛ se pa-lakasɩ kaɣ wɛʋ siɣsiɣ?
5. Yesu kɛ Wiyaʋ weyi ɛ-wayɩ fɛyɩ yɔ
Yesu kaɣ tɩŋnʋʋ nʋmɔŋ ndɩ ndɩ yɔɔ nɛ ɛsɩnɩ ɛyaa tɛtʋ yɔɔ. Ɩcɔnɩ VIDEO nɛ ɩna ɛzɩma Yesu kaatɛm wɩlʋʋ se ɛsɔɔlaa se ɛsɩnɩ ɛyaa yɔ, nɛ Ɛsɔ ha-ɩ ɖoŋ se ɛla mbʋ yɔ.
Mbʋ mbʋ Yesu kaalaba alɩwaatʋ ndʋ ɛɛwɛ tɛtʋ yɔɔ yɔ, pɩkɛnɩ kɩɖaŋ weyi ɩwɩlɩɣ mbʋ Ɛsɔ Kewiyaɣ kaɣ labʋ yɔ. Wazasɩ nzɩ pɔyɔɔdɩ sɩ-tɔm pɩ-tɛɛ cɩnɛ yɔ, sɩ-taa ŋga ŋɖaŋ kpam? Kalɩ masɩ nzɩ pahawa yɔ nɛ pɩsɩnɩ-ŋ nɛ ŋkpɛlɩkɩ tɔm sakɩyɛ paa wazaɣ ŋga lɛ kɔ-yɔɔ.
|
YESU KAAWƐ TƐTƲ YƆƆ LƐ . . . |
YESU WƐƔ ƐSƆDAA LƐ . . . |
|---|---|
|
|
|
|
|
|
|
|
6. Ɛsɔ Kewiyaɣ kaɣ yebu nɛ cee wayɩ wɛɛ ɖeu pɩdɩɩfɛyɩ
Kewiyaɣ kaɣ yebu nɛ kaɖʋwa kɩbaŋa ŋga Ɛsɔ kaawɛnɩ ɛyaa yɔɔ kiɖe tɛɛ yɔ kala. Pakaɣ caɣʋ wezuu maatɛŋ paradisuu taa tɛtʋ yɔɔ. Ɩcɔnɩ VIDEO nɛ ɩna ɛzɩma Yehowa wɛɛ nɛ ɛtɩŋɩɣnɩ ɛ-Pɩyalʋ Yesu yɔɔ se eyele nɛ ɛ-kaɖʋwa la yɔ.
Ɩkalɩ Keɣa 145:16, nɛ pʋwayɩ lɛ ɩtazɩ tɔm tʋnɛ tɩ-taa:
-
Ŋtɩlʋʋ se Yehowa kaɣ ‘haɣzʋʋ mbʋ payɩ pɩwɛ wezuu yɔ pi-liu’ ɖeɖe yɔ, ɛzɩma pɩlakɩ-ŋ?
NABƐYƐ YƆƆDƲƲ SE: «Ye ɖa-tɩŋa ɖɩkpɛndaa nɛ ɖɩlakɩ tʋmɩyɛ nɔɔ kʋɖʋmaɣ taa yɔ, ɖɩpɩzɩɣ nɛ ɖɩcɔnɩ kʋñɔmɩŋ weyi payɩ ɩwɛ ɛjaɖɛ yɔɔ yɔ i-ɖeɖe.»
-
Kʋñɔmɩŋ weyi ɖeɖe Ɛsɔ Kewiyaɣ kaɣ cɔnʋʋ nɛ ɛyaa kominawaa ɩɩpɩzɩɣ nɛ pɔcɔnɩ i-ɖeɖe?
TOBI LƐ
Ɛsɔ Kewiyaɣ kaɣ talʋʋ ka-kaɖʋwa. Kakaɣ labʋ nɛ tɛtʋ kpeekpe pɩsɩ paradisuu nɛ ɛyaa kɩbama sɛɛ Yehowa tɩ-yɔɔ tam tam.
Tɔm taa tazʋʋ
-
Ɛzɩma Ɛsɔ Kewiyaɣ kaɣ ñalʋʋ Yehowa hɩɖɛ yɔɔ?
-
Ɛbɛ yɔɔ ɖɩpɩzɩɣ nɛ ɖitisi se Ɛsɔ Kewiyaɣ kaɣ labʋ nɛ lidaʋ tɔm ndʋ tɩwɛ Bibl taa yɔ tɩla?
-
Mbʋ payɩ Kewiyaɣ kaɣ labʋ yɔ pɩ-taa lɛ, ɛbɛ ŋɖaŋ kpam?
WONDU LƐƐTƲ
Kalɩ nɛ ŋna mbʋ Armaagedɔɔ kɛnaa yɔ.
«Qu’est-ce que la bataille d’Armaguédon?» (Intɛrnɛɛtɩ yɔɔ tɔm ñʋʋ)
Kalɩ nɛ ŋna mbʋ mbʋ pɩkaɣ labʋ Yesu tɛ pɩnzɩ 1000 kewiyitu tɔɔʋ alɩwaatʋ taa yɔ, nɛ mbʋ pɩkaɣ labʋ kewiyitu tɔɔʋ mbʋ pɩ-wayɩ yɔ.
Cɔna nɛ ŋna ɛzɩma hɔŋ pɩzɩɣ nɛ ɩmaɣzɩ wazasɩ nzɩ Kewiyaɣ kaɣ kɔnʋʋ cee wayɩ yɔ sɩ-yɔɔ yɔ.
Tɔm ñʋʋ «J’étais tourmenté par de nombreuses questions,» taa abalʋ weyi ɛkaɖaɣnɩ komina ɖʋtʋ yɔ, ɛyɔɔdɩ mbʋ pɩsɩnɩ-ɩ nɛ ehiɣ tɔm ndʋ ɛpɔzaɣ ɛ-tɩ yɔ tɩ-yɔɔ cosuu yɔ.
«La Bible transforme des vies» (La Tour de Garde, 1er janvier 2012)
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
